എന്തൊരു സിക്സ്; ബട്ലറടിച്ച പന്ത് സ്റ്റേഡിയത്തിന് പുറത്ത്
Synopsis
സിഡ്നി: സ്റ്റേഡിയത്തിനു പുറത്തുവീണ സിക്സുകള് ക്രിക്കറ്റില് അനവധി കണ്ടിട്ടുണ്ട്. പാക്കിസ്ഥാന് താരം ഷാഹിദ് അഫ്രിദിയും ഇന്ത്യന് താരം എം.എസ് ധോണിയും വെസ്റ്റ് ഇന്ഡീസ് താരം ക്രിസ് ഗെയിലും ഇത്തരം കൂറ്റന് സിക്സുകള് അടിച്ചിട്ടുണ്ട്. ബിഗ് ബാഷ് ലീഗില് ഹൊബാര്ട്ട് ഹറികെയ്നെതിരെ സിഡ്നി തണ്ടേഴ്സ് താരം ജോസ് ബട്ലറടിച്ച കൂറ്റന് സിക്സാണ് ഇതില് ഒടുവിലത്തേത്.
ബിഗ് ബാഷില് ബട്ലറിന്റെ പടുകുറ്റന് സിക്സര് 108 മീറ്റര് പറന്ന് സ്റ്റേഡിയത്തിന്റെ പുറത്ത് വീണു. മത്സരത്തിലെ 14-ാമത്തെ ഓവറില് ഇതടക്കം നാല് സിക്സുകള് ബട്ലര് താരം അടിച്ചുകൂട്ടി. ഹൊബാര്ട്ട് ഹറികെയ്ന് താരം തോമസ് റോജേഴ്സിന്റെ ഓവറിലായിരുന്നു ബട്ലറിന്റെ സംഹാരതാണ്ഡവം. മത്സരത്തില് വെറും 35 പന്തില് നിന്ന് ജോസ് ബട്ലര് അര്ദ്ധ സെഞ്ചുറിയിലെത്തി.
ബട്ലറിന്റെ മികവില് സിഡ്നി തണ്ടേഴ്സ് 20 ഓവറില് 166 റണ്സ് അടിച്ചെടുത്തു. മറുപടി ബാറ്റിംഗില് ഹൊബാര്ട്ട് ഹറികെയ്ന് 109 റണ്സില് പുറത്തായതോടെ സിഡ്നി 57 റണ്സിന് വിജയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!