Agriculture
വീട്ടിനകത്ത് വളര്‍ത്താന്‍ പറ്റിയ ചെടികള്‍ തപ്പിനടക്കുകയാണോ നിങ്ങൾ? നിങ്ങൾക്ക് പറ്റിയ ചെടിയാണ്- ചൈനീസ് എവര്‍ഗ്രീന്‍ അഥവാ അഗ്ലോനെമ. ഇതിന് പല വെറൈറ്റികളുമുണ്ട്.
വെളിച്ചം കുറവുള്ള സ്ഥലത്തും നന്നായി വളരുമെന്ന പ്രത്യേകതയും ചൈനീസ് എവര്‍ഗ്രീന്‍ എന്ന ചെടിക്കുണ്ട്. അതും ഇതിനെ ആളുകൾക്ക് പ്രിയമുള്ളതാക്കുന്നു.
വെള്ളം കെട്ടിനില്‍ക്കാത്ത മണ്ണാണ് ആവശ്യം. മണ്ണില്‍ വെള്ളം തങ്ങിനിന്നാല്‍ വളരെ എളുപ്പത്തില്‍ വേര് ചീഞ്ഞുപോകും.
പെര്‍ലൈറ്റും മണലും ഒരോ അനുപാതത്തില്‍ മണ്ണുമായി ചേര്‍ത്ത് പോട്ടിങ്ങ് മിശ്രിതം തയ്യാറാക്കിയാല്‍ അത് ചെടിക്ക് നന്നായിരിക്കും.
16 ഡിഗ്രി സെല്‍ഷ്യസില്‍ കുറവുള്ള താപനിലയുള്ള സ്ഥലത്ത് ചെടി വളര്‍ത്താതിരിക്കാൻ ശ്രദ്ധിക്കണം. 22 ഡിഗ്രി സെല്‍ഷ്യസിനോടടുപ്പിച്ചാണ് വളര്‍ത്താന്‍ കൂടുതല്‍ അനുയോജ്യം.
മിതമായ രീതിയിലുള്ള നനവാണ് ഈ ചെടിക്ക് ആവശ്യം. മണ്ണ് അല്‍പം വരണ്ട പോലെ കാണപ്പെട്ടാല്‍ മാത്രമേ നനയ്ക്കാവൂ.
വെള്ളത്തില്‍ ലയിപ്പിക്കാവുന്ന തരത്തിലുള്ള വളങ്ങള്‍ നല്‍കുന്നതാണ് ഉചിതം. വളരെ വലുപ്പത്തില്‍ വളരുകയാണെങ്കില്‍ അല്‍പമൊന്ന് വെട്ടിയൊതുക്കാം.
അല്‍പം പഴക്കമുള്ള ചെടികളില്‍ പൂക്കളുണ്ടാകും. വേനല്‍ക്കാലത്തിന് മുന്നോടിയായിട്ടാണ് പൂക്കള്‍ വിരിയുക. പൂക്കള്‍ മുറിച്ചെടുത്താല്‍ വിത്തുകള്‍ ഉണ്ടാകില്ല.