തുടക്കക്കാർക്ക്

വീട്ടിൽ ചെടികൾ വളർത്തണമെന്ന് ആ​ഗ്രഹിക്കുന്നവർ തന്നെയാവും നമ്മളിൽ പലരും. എന്നാൽ, തുടക്കക്കാർക്ക് ഇത് എങ്ങനെ തുടങ്ങണം എന്ന് ഒരുപാട് ധാരണകളുണ്ടാവണമെന്നില്ല. ഇതാ ചില ടിപ്സ്.

വീടിന് ചേർന്ന ചെടികൾ തെരഞ്ഞെടുക്കുക. കാലാവസ്ഥ, സൂര്യപ്രകാശം, എത്ര സ്ഥലമുണ്ട്, ഇൻഡോർ പ്ലാന്റാണോ, ഔട്ട്ഡോർ പ്ലാന്റാണോ ഇതെല്ലാം പരി​ഗണിച്ചുകൊണ്ടുള്ള ചെടിയാണ് തെരഞ്ഞെടുക്കേണ്ടത്. 

നല്ല മണ്ണ് തന്നെ തിരഞ്ഞെടുക്കണം. നല്ല മണ്ണല്ലെങ്കിൽ നമ്മൾ പ്രതീക്ഷിച്ചതുപോലെ ചെടികൾ വളരില്ല. അതിനാൽ മണ്ണ് നല്ലത് തെരഞ്ഞെടുക്കുക. 

വെള്ളം ഓരോ ചെടിക്കും എങ്ങനെയാണോ വേണ്ടത് അതുപോലെ നനയ്ക്കുക. അമിതമാകാനോ, കുറവാകാനോ പാടില്ല. 

സൂര്യപ്രകാശവും ഓരോ ചെടിക്കും ഓരോരോ പോലെയാണ് വേണ്ടത്. അതിനനുസരിച്ച് വേണം ചെടികൾ വയ്ക്കാൻ. സൂര്യപ്രകാശം വേണ്ടാത്ത ചെടികൾ തണലുള്ള സ്ഥലങ്ങളിൽ വയ്ക്കാം. 

രാസവളങ്ങളുടെ അമിതമായ ഉപയോ​ഗം മണ്ണിന്റെ ​ഗുണം കുറയാൻ കാരണമായിത്തീരും. അതിനാൽ അതിനനുസരിച്ച് വേണം വളപ്രയോ​ഗം നടത്താൻ. ഒരുപാടാകരുത്. 

ഇടയ്ക്ക് ചെടികൾ പരിശോധിക്കണം. കീടാക്രമണങ്ങളുണ്ടാകുന്നത് എത്ര നേരത്തെ കണ്ടെത്തുന്നോ അത്രയും ​ഗുണം ചെയ്യും. 

ഇടയ്ക്ക് ചെടികൾ ഒന്ന് വെട്ടിയൊതുക്കുകയും പാത്രം മാറ്റി നടുകയും ഒക്കെ ചെയ്യണം. വാടിയ ഇലകൾ മുറിച്ചുമാറ്റുക തുടങ്ങിയ കാര്യങ്ങളും ചെയ്യാം.