അടുക്കളത്തോട്ടം

അടുക്കളത്തോട്ടം എപ്പോഴും നല്ലതാണ്. വിഷം ചേർക്കാത്ത നല്ല പച്ചക്കറികൾ നമ്മുടെ ഇഷ്ടത്തിന് പറിച്ചെടുക്കാം.

കൃത്യമായ പരിപാലനം ഉണ്ടെങ്കിൽ മാത്രമേ അടുക്കള തോട്ടത്തിൽ നിന്ന് നല്ല വിളവ് ലഭിക്കൂ. വിവിധങ്ങളായ രോഗബാധകൾ പലപ്പോഴും കൃഷിത്തോട്ടങ്ങളിൽ ഭീഷണി ആകാറുണ്ട്. 

മികച്ച വിളവ് ലഭിക്കാൻ നടത്തേണ്ട പ്രധാന കീടനിയന്ത്രണങ്ങൾ ഏതൊക്കെയാണെന്ന് നോക്കാം.

ട്രൈക്കോഡെർമ ചേർത്തു സമ്പുഷ്ടീകരിച്ച ജൈവവളം അടിസ്‌ഥാന വളമായി നൽകിയാൽ രോഗങ്ങളെ ഒരു പരിധിവരെ പ്രതിരോധിക്കാം. അടിവളമായി നൽകാൻ കഴിഞ്ഞില്ലെങ്കിൽ പല തവണയായി മേൽവളമായും നൽകാം. 

അടുക്കളത്തോട്ടത്തെ നശിപ്പിക്കുന്ന പച്ചത്തുള്ളൻ, മുഞ്ഞ എന്നിവയെ നശിപ്പിക്കാൻ വേപ്പെണ്ണ എമൽഷൻ ആഴ്‌യിലൊരിക്കൽ തളിക്കാം. 

വിളകളുടെ ആരോഗ്യം ഉറപ്പു വരുത്താൻ ആഴ്‌ചയിലൊരിക്കൽ എഗ് അമിനോ ആസിഡ്, ഫിഷ് അമിനോ ആസിഡ്, ജൈവ സ്ലറി, ഹരിതകഷായം എന്നിവ മാറി മാറി തളിക്കാം.

ഇലയുടെ അടിയിൽ കാണുന്ന വെള്ളീച്ചയെ നിയന്ത്രിക്കുന്നതിന് മഞ്ഞക്കെണി തൂക്കുക. 

ചിലന്തികളുണ്ടെങ്കിൽ നിയന്ത്രണം എളുപ്പമാക്കാം. ഇതിനായി പുതയെന്ന നിലയിൽ വൈക്കോൽ നിക്ഷേപിക്കാം. പന്തലിട്ടുള്ള കൃഷിയാണെങ്കില്‍ പന്തലില്‍ തന്നെ വൈക്കോൽ വച്ചു കൊടുക്കാം.