Agriculture
വളരെ എളുപ്പത്തിൽ വീട്ടിൽ വളർത്തി എടുക്കാവുന്ന ഒരു സസ്യമാണ് പുതിന. എങ്ങനെയാണ് നമ്മുടെ ആവശ്യത്തിനുള്ള പുതിന വീട്ടിൽ തന്നെ വളർത്തുന്നത് എന്ന് നോക്കാം.
ചുവട്ടിൽ ഡ്രെയിനേജ് ദ്വാരങ്ങളും കുറഞ്ഞത് 8 ഇഞ്ച് ആഴമുള്ളതുമായ ഒരു പാത്രമോ കണ്ടെയ്നറോ ആണ് പുതിന നടാൻ തിരഞ്ഞെടുക്കേണ്ടത്.
പുതിന വളർത്തി എടുക്കാൻ നല്ല പോട്ടിംഗ് മിശ്രിതം തെരഞ്ഞെടുക്കാം. കംപോസ്റ്റും ചേർത്ത് കൊടുക്കാം.
വിത്താണ് നടുന്നതെങ്കിൽ മുകളിൽ കുഴിച്ചിട്ട ശേഷം ഇത്തിരി മണ്ണ് കൊണ്ട് മൂടാം. ചെറിയ ചെടികളാണ് നടുന്നതെങ്കിൽ പാത്രത്തിന്റെ നടുവിൽ വേണം നടാൻ.
നനഞ്ഞ മണ്ണ് ഇഷ്ടപ്പെടുന്ന ചെടിയാണ് പുതിന. അതിനാൽ കൃത്യമായി വെള്ളം നൽകാൻ ശ്രദ്ധിക്കണം.
ഭാഗികവും പൂർണവുമായ സൂര്യപ്രകാശം ഇഷ്ടപ്പെടുന്ന ചെടിയാണിത്. തണലത്ത് വയ്ക്കരുത്. ബാൽക്കണിയിലോ അല്ലെങ്കിൽ സൂര്യപ്രകാശം കിട്ടുന്ന ജനലരികത്തോ വയ്ക്കാം.
കൃത്യമായി പ്രൂൺ ചെയ്യുന്നത് പുതിന ചെടിയുടെ വളർച്ചയ്ക്ക് നല്ലതാണ്.
പൂർണ വളർച്ചയെത്തി എന്ന് തോന്നിയാൽ ഇലകൾ പറിച്ചെടുക്കാം. നല്ല ഒരു കത്രിക വച്ച് കട്ട് ചെയ്തെടുക്കുന്നതായിരിക്കും കൂടുതൽ നല്ലത്.