Agriculture
വീടിനകത്ത് പഴങ്ങൾ വളർത്താൻ സാധിക്കുമോ? എല്ലാ പഴച്ചെടികളും പറ്റില്ലെങ്കിലും ചിലത് പറ്റും. കുള്ളൻ ചെടികളാണ് ഏറെ അനുയോജ്യം.
പഴച്ചെടികൾ വളർത്തുമ്പോൾ നല്ല സൂര്യപ്രകാശവും യോജിച്ച മണ്ണും ആവശ്യമാണ്. അതുപോലെ, വളപ്രയോഗം നടത്താനും മറക്കരുത്.
നാരങ്ങയുടെ വര്‍ഗത്തില്‍പ്പെട്ട പഴച്ചെടികളെല്ലാം വീട്ടിനുള്ളില്‍ വളര്‍ത്താന്‍ യോജിച്ചതാണ്. കുള്ളന്‍ ഇനങ്ങള്‍ പാത്രങ്ങളില്‍ വളര്‍ത്താം. നേരിട്ടുള്ള സൂര്യപ്രകാശം കിട്ടണം.
ഏകദേശം 1.5 മീറ്റര്‍ ഉയരത്തില്‍ വളരുന്ന മാക്രട്ട് ലൈം എന്നയിനം വീട്ടിനുള്ളില്‍ വളര്‍ത്താന്‍ യോജിച്ചതാണ്. സൂര്യപ്രകാശം ലഭിക്കുന്ന ജനലിനരികില്‍ ചെടിച്ചട്ടി വയ്ക്കാം.
സിട്രസ് റെറ്റിക്കുലേറ്റ എന്ന ശാസ്ത്രനാമത്തിലറിയപ്പെടുന്ന മന്ദാരിന്‍ ഓറഞ്ചും വീട്ടിനുള്ളില്‍ വളര്‍ത്താം.
സിട്രസ് വര്‍ഗത്തില്‍പ്പെട്ട മറ്റൊരിനമാണ് കലമോന്‍ഡിന്‍. ക്രോസ് പോളിനേഷന്‍ നടത്താതെ തന്നെ രണ്ടുവര്‍ഷം പ്രായമുള്ള ചെടിയില്‍ പഴങ്ങളുണ്ടാകാന്‍ തുടങ്ങും.
അത്തിപ്പഴം, പീച്ച്, ആപ്രിക്കോട്ട് എന്നിവയുടെയെല്ലാം കുള്ളന്‍ ഇനങ്ങള്‍ വീട്ടിനകത്ത് വളര്‍ത്താവുന്നതാണ്. പക്ഷേ, ആവശ്യത്തിന് സൂര്യപ്രകാശം നൽകണം.