ഇന്ത്യയുടെ അവസാന ഐസിസി കിരീടനേട്ടത്തിന് 10 വയസ്. 2013 ജൂണ്‍ 23നാണ് ഇന്ത്യ ധോണിക്ക് കീഴില്‍ ഇംഗ്ലണ്ടിനെ തോല്‍പ്പിച്ച് ചാമ്പ്യന്‍സ് ട്രോഫി ജേതാക്കളായത്.

എഡ്ജ്ബാസ്റ്റണില്‍ നടന്ന ഫൈനല്‍ പോരാട്ടം മഴ മൂലം 20 ഓവര്‍ മത്സരമാക്കി വെട്ടിക്കുറച്ചിരുന്നു.

മൂടിക്കെട്ടിയ അന്തരീക്ഷത്തില്‍ ആദ്യം ബാറ്റ് ചെയ്ത ഇന്ത്യക്ക് നേടാനായത് 20 ഓവറില്‍ ഏഴ് വിക്കറ്റ് നഷ്ടത്തില്‍ 129 റണ്‍സ്.

13-ാം ഓവറില്‍ 66-5ലേക്ക് കൂപ്പുകുത്തിയ ഇന്ത്യയെ കരകയറ്റിയത് വിരാട് കോലി(43), ശിഖര്‍ ധവാന്‍(31), രവീന്ദ്ര ജഡേജ(33) എന്നിവരുടെ ഇന്നിംഗ്സുകള്‍.

രോഹിത് ശര്‍മ(9), സുരേഷ് റെയ്ന(1), നായകന്‍ എം എസ് ധോണി(0) എന്നിവര്‍ നിരാശപ്പെടുത്തി.

അലിസ്റ്റര്‍ കുക്ക്(2), ഇയാന്‍ ബെല്‍(13), ജൊനാഥന്‍ ട്രോട്ട്(20), ജോ റൂട്ട്(7) എന്നിവരെ തുടക്കത്തിലെ മടക്കി ഇന്ത്യ ഇംഗ്ലണ്ടിനെ 46-4ലേക്ക് തള്ളിയിട്ടു.

എന്നാല്‍ ഓയിന്‍ മോര്‍ഗനും(33), രവി ബൊപാരയും(30) ക്രീസിലുറച്ചതോടെ ഇന്ത്യ തോല്‍വി മണത്തു.

പതിനെട്ടാം ഓവറിലെ അടുത്തടുത്ത പന്തുകളില്‍ ഇരുവരെയും പുറത്താക്കിയ ഇഷാന്ത് ശര്‍മയാണ് ഇന്ത്യയുടെ രക്ഷകനായത്.

പത്തൊമ്പതാം ഓവറില്‍ ജോസ് ബട്‌ലറെയും(0), ടിം ബ്രെസ്നനെയും(2) പുറത്താക്കിയ ജഡേജയുടെ പ്രകടനവും നിര്‍ണായകമായി.

അവസാന ഓവറില്‍ ഇംഗ്ലണ്ടിന് ജയിക്കാന്‍ വേണ്ടത് 14 റണ്‍സും അവസാന പന്തില്‍ ആറ് റണ്‍സും.അവസാന ഓവറില്‍ 9 റണ്‍സ് മാത്രം വിട്ടുകൊടുത്ത അശ്വിന്‍ ഇന്ത്യക്ക് കിരീടം സമ്മാനിച്ചു