ട്രെന്‍ഡ്

സോഷ്യൽ മീഡിയയിൽ വൈറലായി പുതുവത്സരത്തിലെ '12 മുന്തിരി ചലഞ്ച്' അഥവാ '12 Grapes Challenge'. എന്താണ് ഈ ട്രെന്റിന് പിന്നിൽ?

'ഭാഗ്യത്തിന്റെ പന്ത്രണ്ട് മുന്തിരികൾ' എന്നാണ് ഇതിനെ വിളിക്കുന്നത്. ഇതിലെ 12 മുന്തിരികളും വരാനിരിക്കുന്ന വർഷത്തിലെ 12 മാസങ്ങളെയാണ് പ്രതിനിധീകരിക്കുന്നത്.

പുതുവർഷം പിറക്കുന്ന അർദ്ധരാത്രിയിലാണ് മുന്തിരി കഴിക്കേണ്ടത്. ഓരോ തവണ ക്ലോക്ക് അടിക്കുമ്പോഴും ഓരോ മുന്തിരി വീതം കഴിക്കണം എന്നതാണത്രെ ഇതിന്റെ രീതി.

ഒരു മിനിറ്റിനുള്ളിൽ 12 മുന്തിരികളും കഴിച്ചുതീർക്കാൻ കഴിഞ്ഞാൽ വരാനിരിക്കുന്ന വർഷം മുഴുവൻ ഭാഗ്യവും വിജയവും സമൃദ്ധിയും ലഭിക്കുമെന്നാണ് വിശ്വാസം.

സ്പെയിനിലാണ് ഇതിന്റെ തുടക്കം. 1900 -കളുടെ തുടക്കത്തിൽ സ്പെയിനിലെ കർഷകർ മുന്തിരി വിളവെടുപ്പ് കൂടിയപ്പോൾ അതിന്റെ വിൽപ്പന കൂട്ടാനായിട്ടാണ് ഈ ആചാരം പ്രചരിപ്പിച്ചത്.

സ്പെയിനിലെ പരമ്പരാഗത രീതിയിൽ 'അലെഡോ' എന്ന ഇനം മുന്തിരിയാണ് ഇതിനായി ഉപയോഗിക്കുന്നത്.

പുതുവർഷം ഭാ​ഗ്യം നിറഞ്ഞതാവാനും ആ​ഗ്രങ്ങൾ സഫലമാകാനും പ്രണയം സംഭവിക്കാനും ഒക്കെ കൂടി വേണ്ടിയാണ് ആളുകൾ ഈ വൈറൽ ട്രെൻഡ് പിന്തുടരുന്നത്.

ചരിത്രവുമായി ഇതിന് വലിയ ബന്ധമൊന്നുമില്ലെങ്കിലും ഇപ്പോൾ ടിക്ടോക് അടക്കമുള്ള സോഷ്യൽ മീഡിയാ പ്ലാറ്റ്ഫോമുകളിൽ വൈറലാണ് ഈ 12 പച്ചമുന്തിരി ചലഞ്ച് (12 Grapes Challenge).