ഈ ഭക്ഷണങ്ങൾ അമിതമായി കഴിച്ചാൽ പ്രശ്നമാണ്

ആരോഗ്യകരമായ ഭക്ഷണങ്ങൾ പോലും അമിതമായി കഴിക്കുന്നത് ആരോഗ്യത്തെ പ്രതികൂലമായി ബാധിക്കാമെന്ന് വിദ​ഗ്ധർ പറയുന്നു. 

പോഷകസമൃദ്ധമായ ഭക്ഷണങ്ങളിൽ ചിലത് അമിത അളവിൽ കഴിക്കുന്നത് ശരീരഭാരം കൂടുക, ദഹന പ്രശ്നങ്ങൾ, മറ്റ് ആരോഗ്യ പ്രശ്നങ്ങൾ എന്നിവയ്ക്ക് കാരണമാകും. 

ഈ ഭക്ഷണങ്ങൾ ആരോ​ഗ്യത്തിന് നല്ലതൊക്കെയാണ്. എന്നാൽ അമിതമായി കഴിക്കുന്നത് അത്ര നല്ലതല്ല. ഏതൊക്കെയാണ് ആ ഭക്ഷണങ്ങളെന്നതാണ് ഇനി പറയുന്നത്. 

വിവിധ നട്സുകൾ ആരോഗ്യകരമായ കൊഴുപ്പുകളും പ്രോട്ടീനും നാരുകളും കൊണ്ട് സമ്പന്നമാണ്. എന്നാൽ നട്സ് അമിതമായി കഴിക്കുന്നത് നല്ലതല്ല. കാരണം ദഹനസംബന്ധമായ പ്രശ്നങ്ങൾക്ക് കാരണമാകും.

അവാക്കാഡോയിൽ ഉയർന്ന കലോറി അടങ്ങിയിട്ടുണ്ട്. അമിതമായി അവാക്കാഡോ കഴിക്കുന്നത് ശരീരഭാരം വർദ്ധിപ്പിക്കും. സമീകൃതാഹാരത്തിന് ഒരു നേരം ഏകദേശം പകുതി അവാക്കാഡോ മതിയാകും. 

ഡാർക്ക് ചോക്ലേറ്റ് അമിതമായി കഴിച്ചാൽ പ്രശ്നമാണ്. അമിതമായി കഴിക്കുന്നത് ശരീരഭാരം വർദ്ധിപ്പിക്കുന്നതിനും പഞ്ചസാരയുടെ അളവ് വർദ്ധിപ്പിക്കുന്നതിനും ഇടയാക്കും.
 

പഴങ്ങളിൽ വിറ്റാമിനുകളും നാരുകളും അടങ്ങിയിട്ടുണ്ടെങ്കിലും അവ അമിതമായി കഴിക്കുന്നത് രക്തത്തിലെ പഞ്ചസാരയുടെ വർദ്ധനവിന് കാരണമാകുക ചെയ്യും.  

ഒലിവ് ഓയിലിന്റെ അമിതമായ ഉപയോഗം ശരീരഭാരം വർദ്ധിപ്പിക്കും. ഇത് സാലഡുകളിൽ ചെറിയ അളവിൽ ചേർക്കുകയോ മിതമായ അളവിൽ പാചകം ചെയ്യാൻ ഉപയോഗിക്കുകയോ ചെയ്യുന്നത് ഗുണം ചെയ്യും.

ചിയ സീഡും ഫ്ളാക്സ് സീഡും അമിതമായി കഴിക്കുന്നത് വയറുവേദന, ഗ്യാസ്, ദഹനസംബന്ധമായ അസ്വസ്ഥത എന്നിവയ്ക്ക് കാരണമാകും.