ദഹനം മെച്ചപ്പെടുത്താം

ദഹനം മെച്ചപ്പെടുത്താൻ ശീലമാക്കാം എട്ട് കാര്യങ്ങൾ.

നിങ്ങൾ കഴിക്കുന്ന ഭക്ഷണത്തെ ശരീരത്തിന് ആവശ്യമായ പോഷകങ്ങളാക്കി മാറ്റുന്നതിന് ദഹനവ്യവസ്ഥ പ്രധാന പങ്കാണ് വഹിക്കുന്നത്. ദഹന ആരോഗ്യത്തിന്  ജീവിതശൈലി മാറ്റങ്ങൾ സഹായിച്ചേക്കാം. 
 

ദഹന ആരോഗ്യം മെച്ചപ്പെടുത്തുന്നതിന് ശ്രദ്ധിക്കേണ്ട ചില കാര്യങ്ങൾ.
 

ഫെെബർ, പ്രോട്ടീൻ, ആരോ​ഗ്യകരമായ കൊഴുപ്പുകൾ എന്നിവ അടങ്ങിയ പ്രാതൽ ശീലമാക്കുക. ഇത് ആരോഗ്യകരമായ ദഹനം നിലനിർത്തുന്നതിന് സഹായിക്കുന്നു.

ഭക്ഷണങ്ങൾ എപ്പോഴും നന്നായി ചവച്ചരച്ച് കഴിക്കുക. ഇത് ദഹനം എളുപ്പമാക്കുക മാത്രമല്ല മലബന്ധം തടയുന്നതിനും സഹായിക്കുന്നു.

അമിതമായി ഭക്ഷണം കഴിക്കുന്നത് ആരോ​ഗ്യത്തിന് നല്ലതല്ല. ഇത് ദഹനപ്രശ്നങ്ങൾ മാത്രമല്ല അമിതവണ്ണത്തിനും ഇടയാക്കും.
 

എരിവുള്ള ഭക്ഷണങ്ങൾ എപ്പോഴും നെഞ്ചെരിച്ചിലിനും വയറ് വേദനയ്ക്കും ഇടയാക്കും. അത് കൊണ്ട് തന്നെ അമിതമായി എരിവ് അടങ്ങിയ കഴിക്കരുത്.

ദിവസവും രാവിലെ തുളസി ചായ കുടിക്കുന്നത് ആരോഗ്യകരമായ ദഹനം നിലനിർത്തുന്നതിന് മാത്രമല്ല പ്രതിരോധശേഷി കൂട്ടുന്നതിനും സഹായിക്കും.

ദിവസവും രാവിലെ അരമണിക്കൂർ യോ​ഗ ചെയ്യുന്നത് ദഹനത്തെ എളുപ്പമാക്കുന്നു.

ദിവസവും കുറഞ്ഞത് എട്ട് ​ഗ്ലാസ് വെള്ളമെങ്കിലും കുടിക്കുക. ഇത് വിവിധ ദഹനപ്രശ്നങ്ങൾ തടയുന്നതിന് സഹായിക്കും.