കട്ടിങ് ബോർഡ്

പലതരം മെറ്റീരിയലിൽ നിർമ്മിച്ച കട്ടിങ് ബോർഡുകൾ വിപണിയിൽ ലഭ്യമാണ്. പ്ലാസ്റ്റിക് ഉത്പന്നങ്ങൾ ദോഷകരമായതിനാൽ പലരും തടികൊണ്ടുള്ള കട്ടിങ് ബോർഡാണ് ഉപയോഗിക്കുന്നത്.  

തടിയിൽ സുഷിരങ്ങൾ ഉണ്ട്. പച്ചക്കറി, മാംസം, മൽസ്യം എന്നിവ മുറിക്കുമ്പോൾ അതിൽ നിന്നുമുള്ള ഈർപ്പം സുഷിരങ്ങളിൽ തങ്ങി നിൽക്കുന്നു. 
 

കട്ടിങ് ബോർഡിലുള്ള സുഷിരങ്ങളിൽ വെള്ളം തങ്ങി നിന്നാൽ ബാക്‌ടീരിയകളും ഫങ്കസും വളരുന്നു. ഇത് മറ്റ് ഭക്ഷണങ്ങളിലേക്ക് കലരുകയും ചെയ്യും. 
 

കട്ടിങ് ബോർഡിൽ ഉപയോഗിക്കുന്ന വാർണിഷുകൾ, പെയിന്റ് എന്നിവ ഉള്ളിൽ ചെന്നാൽ ആരോഗ്യത്തിന് ദോഷകരമാണ്. 

പച്ചക്കറിയും മാംസവും മത്സ്യവും മുറിക്കാൻ ഒരു കട്ടിങ് ബോർഡ് തന്നെ ഉപയോഗിക്കരുത്. പകരം ഓരോന്നിനും വെവ്വേറെ കട്ടിങ് ബോർഡുകൾ ഉപയോഗിക്കാം. 
 

ഓരോ ഉപയോഗം കഴിയുംതോറും നന്നായി വൃത്തിയാക്കാൻ മറക്കരുത്. രണ്ട് ഭാഗവും കഴുകി വൃത്തിയാക്കാൻ ശ്രദ്ധിക്കണം.
 

വിനാഗിരിയും വെള്ളവും ചേർത്ത ലായനിയിൽ കട്ടിങ് ബോർഡ് കഴുകിയാൽ അണുക്കളെ എളുപ്പത്തിൽ നശിപ്പിക്കാൻ സാധിക്കുന്നു. 

വൃത്തിയാക്കിയതിന് ശേഷം കട്ടിങ് ബോർഡ് നന്നായി ഉണക്കിയെടുക്കണം. ഈർപ്പം അവശേഷിച്ചാൽ കട്ടിങ് ബോർഡിൽ പൂപ്പൽ ഉണ്ടാകാൻ സാധ്യതയുണ്ട്.