തുളസി

നിരവധി ആരോഗ്യ ഗുണങ്ങളുള്ള ഒന്നാണ് തുളസി ചെടി.  പലതരം മരുന്നുകൾക്കും തുളസി ചെടി ഉപയോഗിക്കുന്നുണ്ട്. 
 

ചൂട് സമയങ്ങളിൽ തുളസി ചെടി എളുപ്പത്തിൽ  പട്ടുപോകുന്നു. അതിനാൽ തന്നെ വേനൽക്കാലത്ത് തുളസി ചെടിക്ക് പ്രത്യേക ശ്രദ്ധ നൽകേണ്ടതുണ്ട്. 
 

ചൂട് കാറ്റടിക്കുമ്പോൾ ചെടി വരണ്ട് പോകാൻ സാധ്യതയുണ്ട്. അതിനാൽ തന്നെ മണ്ണ് ഡ്രൈ ആയി തുടങ്ങുമ്പോഴേക്കും വെള്ളം ഒഴിച്ച് കൊടുക്കണം. 

ചെടി ഉണങ്ങി തുടങ്ങിയാൽ അതിനർത്ഥം ശരിയായ രീതിയിൽ വെള്ളം വലിച്ചെടുക്കാൻ സാധിക്കുന്നില്ല എന്നാണ്. ഇത്തരം സാഹചര്യങ്ങളിൽ ചെടി മാറ്റി നടുന്നതാണ് നല്ലത്. 

അമിതമായി സൂര്യപ്രകാശം നേരിട്ടടിച്ചാൽ ചെടി വാടി പോകാൻ കാരണമാകുന്നു. കൂടാതെ ഇലകൾ വരണ്ട് പോവുകയും മഞ്ഞ നിറത്തിലാവുകയും ചെയ്യുന്നു. 
 

കേടുവന്നതോ പഴുത്തതോ ആയ ഇലകൾ ഉണ്ടനെഗിൽ അത് വെട്ടിമാറ്റാൻ ശ്രദ്ധിക്കണം. ഇത് പുതിയ ഇലകൾ വരാനും സഹായിക്കുന്നു. 

ചൂടുള്ള സമയങ്ങളിൽ ചെടിയിൽ വളം ഉപയോഗിക്കരുത്. ചൂട് കൂടുതലാകുമ്പോൾ ചെടികൾക്ക്   നിലനിൽക്കാൻ കഴിയാത്തതുകൊണ്ടാണ് വളപ്രയോഗം ഒഴിവാക്കുന്നത്.  

ശുദ്ധമായ വായു ലഭിക്കുന്ന സ്ഥലങ്ങളിൽ ചെടി നന്നായി വളരുന്നു. അതിനാൽ തന്നെ നല്ല വായു സഞ്ചാരമുള്ള സ്ഥലങ്ങളിൽ ചെടി വളർത്താം.