എണ്ണ അരിച്ചെടുക്കാം

ഉപയോഗം കഴിഞ്ഞതിന് ശേഷം എണ്ണ തണുക്കാൻ വയ്ക്കണം. ശേഷം നല്ല തുണി ഉപയോഗിച്ച് എണ്ണ അരിച്ചെടുക്കാം.

എണ്ണ നന്നായി അരിച്ചെടുക്കുന്നതിന് കോഫീ ഫിൽറ്റർ ഉപയോഗിക്കാം. ഫണലിൽ വെച്ചിരിക്കുന്ന കോഫി ഫിൽറ്ററിലേക്ക് എണ്ണ ഒഴിച്ച് കൊടുത്താൽ മതി. 

അധികം വെളിച്ചമില്ലാത്ത തണുപ്പുള്ള സ്ഥലത്താവണം എണ്ണ സൂക്ഷിക്കേണ്ടത്. വായുകടക്കാത്ത പാത്രത്തിലാക്കി അടച്ച് സൂക്ഷിക്കാവുന്നതാണ്.

എണ്ണയിലെ അഴുക്കിനെയും ദുർഗന്ധത്തെയും അകറ്റാൻ ഉരുളക്കിഴങ്ങ് മുറിച്ച് എണ്ണയിലിടുന്നത് നല്ലതായിരിക്കും. 

ഒരു ടേബിൾസ്പൂൺ കോൺസ്റ്റാർച്ച് എണ്ണയിൽ ചേർക്കണം. നന്നായി ഇളക്കിയതിന് ശേഷം അരിച്ചെടുക്കാം. എണ്ണയിലുള്ള അഴുക്കിനെ കളയാൻ ഇത് സഹായിക്കുന്നു.

വൃത്തിയാക്കുന്നതിന് മുമ്പ് എണ്ണ നന്നായി തണുപ്പിക്കാൻ വയ്ക്കണം. ചൂടോടെ വെച്ചാൽ കൈകൾ പൊള്ളാനും എണ്ണ വൃത്തിയാക്കുന്നതിന് തടസം ഉണ്ടാവുകയും ചെയ്യുന്നു. 

ഉപയോഗം കഴിഞ്ഞ എണ്ണകൾ കൂട്ടി കലർത്താൻ പാടില്ല. ഓരോന്നിനും വ്യത്യസ്തമായ രുചിയാണ് ഉണ്ടാകുന്നത്. 

4 പ്രാവശ്യത്തിൽ കൂടുതൽ ഉപയോഗിച്ച എണ്ണ പിന്നെയും ഉപയോഗിക്കരുത്. ഇത് എണ്ണയുടെ ഗുണമേന്മ നഷ്ടപ്പെടാൻ കാരണമാകുന്നു.