മീൻ

മീൻ വാങ്ങുമ്പോൾ വാഴയിലയിൽ പൊതിഞ്ഞ് ഫ്രിഡ്ജിൽ വയ്ക്കാൻ ശ്രദ്ധിക്കാം. ഇത് ദുർഗന്ധം പടരുന്നത് തടയാൻ സഹായിക്കുന്നു. 

പാചകം ചെയ്ത് കഴിഞ്ഞതിന് ശേഷം ഒരു പാത്രത്തിൽ വെള്ളമെടുത്തതിന് ശേഷം ഗ്രാമ്പു, കറുവപ്പട്ട എന്നിവ ചേർത്ത് നന്നായി തിളപ്പിക്കാം. ഇത് തങ്ങി നിൽക്കുന്ന  മീനിന്റെ ഗന്ധം ഇല്ലാതാക്കുന്നു.
 

മീൻ കഴുകി വൃത്തിയാക്കുമ്പോൾ അതിൽ നിന്നുള്ള അവശിഷ്ടങ്ങൾ ഡ്രെയിനിൽ അടിഞ്ഞുകൂടിയാലും ദുർഗന്ധം ഉണ്ടാവാം.

ദുർഗന്ധം തങ്ങി നിൽക്കുന്ന സ്ഥലത്ത് കുറച്ച് ബേക്കിംഗ് സോഡ വിതറിയിടാം. ഇത് ദുർഗന്ധത്തെ അകറ്റാൻ സഹായിക്കുന്നു.
 

മീൻ കഴുകിയതിന് ശേഷം നാരങ്ങയുടെ പാതി മുറിച്ചെടുത്ത് സിങ്ക് വൃത്തിയായി ഉരച്ച് കഴുകാം. ഇത് അടുക്കളയിൽ നല്ല സുഗന്ധം പരത്തുന്നു.    
 

അടുക്കളയിൽ മീനിന്റെ ദുർഗന്ധം തങ്ങി നിൽക്കുകയാണെങ്കിൽ കുറച്ച് കാപ്പി പൊടി ഒരു പാത്രത്തിൽ എടുത്തതിന് ശേഷം രാത്രി മുഴുവൻ തുറന്ന് വയ്ക്കാം.
 

പാചകം ചെയ്യുന്ന സമയത്ത് ജനാലകളും വാതിലുകളും തുറന്നിടാൻ ശ്രദ്ധിക്കണം. ഇത് അടുക്കളയിൽ ദുർഗന്ധം തങ്ങി നിൽക്കുന്നത് ഒഴിവാക്കുന്നു. 
 

സുഗന്ധം പരത്തുന്ന ക്യാൻഡിലുകൾ വിപണിയിൽ ലഭ്യമാണ്. ഇത് കത്തിച്ച് വെച്ചാൽ അടുക്കളയിലെ ദുർഗന്ധം ഇല്ലാതാകുന്നു.