വസ്ത്രങ്ങളിൽ ദുർഗന്ധം

കഴുകിയ വസ്ത്രങ്ങൾ വീടിനുള്ളിലിട്ടു ഉണക്കുന്ന ശീലം പലർക്കുമുണ്ട്. നല്ല വായുസഞ്ചാരമുള്ള സ്ഥലങ്ങളിൽ വസ്ത്രങ്ങൾ ഉണക്കിയില്ലെങ്കിൽ ദുർഗന്ധം ഉണ്ടാവാൻ കാരണമാകുന്നു.

ഉപയോഗിച്ച വസ്ത്രങ്ങൾ കഴുകാൻ വൈകരുത്. വിയർപ്പ് പിടിച്ച വസ്ത്രങ്ങൾ ദിവസങ്ങൾ കഴിഞ്ഞ് കഴുകുമ്പോൾ ദുർഗന്ധം പോവുകയില്ല.

കഴുകിയതിന് ശേഷം ഉടൻ തന്നെ വസ്ത്രങ്ങൾ ഉണക്കാൻ ഇടാൻ ശ്രദ്ധിക്കണം. ഈർപ്പമുള്ള വസ്ത്രങ്ങൾ അധിക നേരം അങ്ങനെ തന്നെ വെച്ചിരിക്കുമ്പോൾ ദുർഗന്ധം ഉണ്ടാവുന്നു.

കഴുകിയ വസ്ത്രങ്ങൾ വെയിലത്ത് ഉണക്കുന്നതാണ് ഉചിതം. മഴക്കാലങ്ങളിൽ കാറ്റും വെളിച്ചവുമുള്ള സ്ഥലങ്ങളിൽ ഉണക്കാനിടാം.

വിനാഗിരി ഉപയോഗിച്ച് വസ്ത്രങ്ങൾ കഴുകുന്നത് ദുർഗന്ധത്തെ അകറ്റാൻ സഹായിക്കുന്നു. അതേസമയം എല്ലാത്തരം വസ്ത്രങ്ങളും വിനാഗിരിയിൽ കഴുകാൻ കഴിയില്ല.

മുഷിഞ്ഞ വസ്ത്രങ്ങൾ അധിക ദിവസം കഴുകാതെ സൂക്ഷിക്കുന്നത് ഒഴിവാക്കാം. ഇത് വസ്ത്രങ്ങളിൽ പൂപ്പൽ ഉണ്ടാവാനും ദുർഗന്ധത്തിനും കാരണമാകുന്നു.

നല്ല വായുസഞ്ചാരമുള്ള സ്ഥലങ്ങളിലാണ് കഴുകിയ വസ്ത്രങ്ങൾ ഉണക്കാൻ ഇടേണ്ടത്. കാറ്റും വെളിച്ചവും ഉണ്ടെങ്കിൽ മാത്രമേ വസ്ത്രങ്ങൾ നന്നായി ഉണങ്ങുകയുള്ളൂ.

വസ്ത്രങ്ങൾ നന്നായി ഉണങ്ങിയിട്ടുണ്ടെന്ന് ഉറപ്പ് വരുത്തേണ്ടതുണ്ട്. ചില ഭാഗങ്ങളിൽ ഈർപ്പം തങ്ങി നിൽക്കാറുണ്ട്. ഇത് ദുർഗന്ധത്തിന് കാരണമാകുന്നു.