ഖാലിദും സുനൈനയും പ്രണയത്തിലോ?

പ്രശസ്ത സോഷ്യൽ മീഡിയ ഇന്‍ഫ്ലുവൻസറും തെന്നിന്ത്യൻ നടി സുനൈനയും പ്രണയത്തിലാണെന്ന അഭ്യൂഹങ്ങൾ ഉയരുകയാണ്. 

സോഷ്യൽ മീഡിയയിലുടനീളം ദശലക്ഷക്കണക്കിന് ഫോളോവേഴ്സുള്ള ഖാലിദിന്‍റെ വീഡിയോയ്ക്ക് മലയാളികളായ ആരാധകരുമുണ്ട്. നിരവധി തവണ ഇന്ത്യ സന്ദര്‍ശിച്ചിട്ടുള്ള ഖാലിദ് കേരളത്തിലും എത്തിയിട്ടുണ്ട്. 

‘ടർബോ’ സിനിമയുടെ പ്രമോഷന്‍റെ ഭാഗമായി ഖാലിദ് മമ്മൂട്ടിയെ അഭിമുഖം ചെയ്ത് വലിയ ശ്രദ്ധ നേടിയിരുന്നു. 'ചാത്ത പച്ച: ദി റിംഗ് ഓഫ് റൗഡീസ്' എന്ന മലയാള സിനിമയിലും ഖാലിദ് അഭിനയിച്ചിട്ടുണ്ട്.

ആദ്യ ഭാര്യയായ സലാമ മുഹമ്മദുമായി ഖാലിദ് വിവാഹബന്ധം വേര്‍പെടുത്തിയതായി സ്ഥിരീകരിച്ചിരുന്നു. 

ഖാലിദ് നിലവിൽ പ്രണയത്തിലാണെന്നും വിവാഹ നിശ്ചയും കഴിഞ്ഞെന്നും റിപ്പോര്‍ട്ടുകളുണ്ടായിരുന്നു. ഇതിനെ സാധൂകരിക്കുന്ന ഒരു ചിത്രം കഴിഞ്ഞ ജൂൺ 26ന് ഖാലിദ് ഇൻസ്റ്റാഗ്രാമിൽ പങ്കുവെച്ചിരുന്നു.

സമാനമായ ചിത്രം തെന്നിന്ത്യൻ നടി സുനൈന ഇന്‍സ്റ്റാഗ്രാമില്‍ പങ്കുവെച്ചതോടെ ഇരുവരും പ്രണയത്തിലാണെന്ന അഭ്യൂഹങ്ങൾ ഉയര്‍ന്നു. ഭ്യൂഹങ്ങൾ ശരിവെക്കുന്ന ഫോട്ടോസാണ് ഇപ്പോള്‍ പുറത്തുവന്നത്.

ഇപ്പോൾ ഇൻസ്റ്റാഗ്രാം പേജിൽ പങ്കുവെച്ച പിറന്നാൾ പോസ്റ്റിലാണ് ഖാലിദ് അൽ അമേരി നടി സുനൈനയുമായുള്ള ചിത്രങ്ങളും ഉൾപ്പെടുത്തിയത്. ഇരുവരും കൈകോ‍ർത്തു പിടിച്ച ഫോട്ടോയും സെൽഫിയുമുണ്ട്. 

ഇൻസ്റ്റാഗ്രാം സ്റ്റോറീസിലും സുനൈനക്കൊപ്പമുള്ള രണ്ട് ചിത്രങ്ങൾ പങ്കുവെച്ചിട്ടുണ്ട്. ഒന്നിൽ അവർ കൈകോർത്ത് നിൽക്കുന്നതും മറ്റൊന്നിൽ അടുത്തടുത്ത് നിൽക്കുന്നതുമാണ്. 

പങ്കുവെച്ച ഫോട്ടോസിൽ പർപ്പിൾ നിറത്തിലുള്ള മനോഹരമായ സാരി ധരിച്ച് സുനൈനയും കറുത്ത ഷർട്ടും പാന്റും ധരിച്ച് ഖാലിദും പരസ്പരം കൈകോർത്ത് നിൽക്കുന്നതായി കാണാം.

'മനോഹരമായ പിറന്നാളിന് നന്ദി' എന്ന അടിക്കുറിപ്പാണ് ഈ ചിത്രത്തിന് നൽകിയിരിക്കുന്നത്. ഇതോടെ ഖാലിദും സുനൈനയും പ്രണയത്തിലാണെന്ന അഭ്യൂഹങ്ങള്‍ കൂടുതൽ ശക്തമാകുകയാണ്.

ഇവര്‍ പ്രണയത്തിലാണെന്ന അഭ്യൂഹങ്ങൾ ശക്തമാണെങ്കിലും ഇരുവരും ഇക്കാര്യം സ്ഥിരീകരിച്ചിട്ടില്ല.