കടലെന്ന അത്ഭുതം

കടൽ തന്നെ നമുക്ക് ഒരത്ഭുതമാണ്. അറിയുന്നതും അറിയാത്തതുമായ ആയിരക്കണക്കിന് ജീവികൾ സമുദ്രത്തിലുണ്ട്. അതിൽ ഭീമൻ തിമിം​ഗലങ്ങൾ മുതൽ ജെല്ലിഫിഷ് വരേയും പെടുന്നു. 

വളരെയേറെ അപകടകാരികളായ പല ജീവികളും സമുദ്രത്തിലുണ്ട്. ഇതിൽ ചിലതിനെ കണ്ടാൽ മനോഹരമായിരിക്കും. ഉപദ്രവകാരിയാണെന്ന് തോന്നുകയില്ല. അതിലൊന്നാണ് നീല വളയൻ നീരാളി (Blue-ringed octopus). 

ഒറ്റ മിനിറ്റിൽ 26 പേരുടെ ജീവനെടുക്കാനുള്ള വിഷം ഈ നീരാളിയുടെ ശരീരത്തിൽ ഉണ്ടെന്നാണ് പറയുന്നത്. 

കടലിലെ തന്നെ ഏറ്റവും ഭീകരൻ ജീവി എന്ന് വേണമെങ്കിൽ ഈ നീരാളിയെ വിശേഷിപ്പിക്കാം. 

പന്ത്രണ്ട് മുതല്‍ ഇരുപത് സെന്റീമീറ്റര്‍ വരെയാണ് ഇവയുടെ നീളം. മാക്സിമം ഒരു ​ഗോൾഫ് ബോളിന്റെ അത്രവരും. 

ഈ നീരാളിയുടെ കടിയേറ്റാൽ വേദനിക്കണം എന്നില്ല. എന്നാൽ, ശരീരം മുഴുവനും നീലനിറം വ്യാപിക്കും. ഉടനെ തന്നെ പക്ഷാഘാതം സംഭവിക്കാൻ സാധ്യതയുണ്ട്. മരണസാധ്യതയും തള്ളിക്കളായാനാവില്ല. 

സ്വർണനിറമുള്ള ഇവയുടെ ശരീരത്തിൽ നീല നിറത്തിലുള്ള വളയങ്ങളുണ്ട്. അതാണ് ഈ പേര് വരാൻ കാരണം. 

രണ്ട് വർഷമാണ് ഇവയുടെ ആയുസ്. ഇണ ചേരുന്നതോടെയാണ് ഈ നീരാളികൾ (ആണും പെണ്ണും) മരിക്കുന്നത്. 

അങ്ങേയറ്റം അപകടകാരിയാണെങ്കിലും മനുഷ്യരെ അക്രമിക്കുന്ന സാഹചര്യം കുറവാണ്.