ട്രാവൽ ഓൺലൈൻ ഗൈഡായ ടേസ്റ്റ് അറ്റ്‌ലസ് അടുത്തിടെ ലോകത്തിലെ ഏറ്റവും മികച്ച ഭക്ഷണങ്ങൾ ലഭിക്കുന്ന നഗരങ്ങളുടെ പട്ടിക തയ്യാറാക്കിയിരുന്നു. 

ടേസ്റ്റ് അറ്റ്ലസ് തയ്യാറാക്കിയ ആ പട്ടികയിൽ ആദ്യത്തെ 100 ന​ഗരങ്ങളിൽ തന്നെ നമ്മുടെ രാജ്യത്തുള്ള അഞ്ച് ന​ഗരങ്ങളും ഉൾപ്പെടുന്നു. 
 

മുംബൈ, ഹൈദരാബാദ്, ഡൽഹി, ചെന്നൈ, ലഖ്‌നൗ എന്നീ ന​ഗരങ്ങളാണ് പട്ടികയിൽ ആദ്യ 100 -ൽ ഉൾപ്പെട്ടിരിക്കുന്നത്. 

ഇതിൽത്തന്നെ ആദ്യ 50 -ൽ ഇടം നേടിയ രണ്ട് ഇന്ത്യൻ നഗരങ്ങളാണ് മുംബൈയും ഹൈദരാബാദും. മുംബൈ 35 -ഉം ഹൈദ്രാബാദ് 39 -ഉം സ്ഥാനത്താണുള്ളത്. 

പട്ടികയിൽ ഡൽഹി 56 -ാം സ്ഥാനത്തെത്തിയപ്പോൾ ചെന്നൈ 65 -ാം സ്ഥാനത്തും ലഖ്‌നൗ 92 -ാം സ്ഥാനത്തും എത്തി. 

ഡൽഹിയും മുംബൈയും വ്യത്യസ്തമായ ചാട്ടുകൾക്ക് പേരുകേട്ട ന​ഗരങ്ങളാണ്. എന്നാൽ, ഹൈദരാബാദ്  ബിരിയാണിയാണ് പ്രസിദ്ധം. 
 

ചെന്നൈയാകട്ടെ ദോശയ്ക്കും ഇഡ്‌ലിക്കും പേരുകേട്ടതാണ്. കബാബുകളും ബിരിയാണിയും ഉൾപ്പെടുന്ന രുചികരമായ മുഗളായി വിഭവങ്ങൾക്ക് പേരുകേട്ട ന​ഗരമാണ് ലഖ്‌നൗ.