2022 ഔഡി ക്യു 3 അടുത്ത മാസം ഇന്ത്യയിൽ എത്തും
Synopsis
2022 സെപ്റ്റംബറില് ഈ മോഡല് ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു.
ജര്മ്മന് കാര് നിര്മ്മാതാക്കളായ ഔഡി ഇന്ത്യ നിരവധി ലോഞ്ചിംഗുകളുടെ തിരക്കിലാണ്. കഴിഞ്ഞ മാസം ഫെയ്സ്ലിഫ്റ്റ് ചെയ്ത ഔഡി എ8 എൽ പുറത്തിറക്കിയ ഈ ജർമ്മൻ കാർ നിർമ്മാതാവിന്റെ ഇന്ത്യൻ സബ്സിഡിയറി ഇപ്പോൾ പുതിയ ക്യു 3 അവതരിപ്പിക്കാനുള്ള ഒരുക്കത്തിലാണ്. 2022 ഓഡി ക്യൂ 3 കമ്പനിയുടെ സോഷ്യൽ മീഡിയ ഹാൻഡിലുകളിൽ ഔദ്യോഗികമായി ടീസുചെയ്തു. അടുത്ത മാസം അതായത് സെപ്റ്റംബറില് ഈ മോഡല് ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു.
ഇന്നോവയെ 'സ്കെച്ച്' ചെയ്ത് അവന് റോഡിലേക്ക്, ഇനി സംഭവിക്കുന്നത് കണ്ടറിയണം കോശീ..!
പുതിയ തലമുറ ഓഡി ക്യൂ3 2019-ൽ ആഗോളതലത്തിൽ അരങ്ങേറ്റം കുറിച്ചു. എന്നിരുന്നാലും, ബിഎസ് 6 എമിഷൻ മാനദണ്ഡങ്ങൾ നടപ്പിലാക്കിയതിന് ശേഷം ഇന്ത്യൻ വിപണിയിലെഅതിന്റെ ലോഞ്ച് വൈകി. ഇപ്പോൾ അത് ഒടുവിൽ ഇന്ത്യൻ വിപണിയിലേക്ക് എത്തുകയാണ്. ബിഎംഡബ്ല്യു എക്സ്1, മെഴ്സിഡസ് ബെന്സ് ജിഎല്എ, വോള്വോXC40 എന്നിവയെ ഔഡി ക്യു3 നേരിടും.
ഡിസൈനിന്റെ കാര്യത്തിൽ, കമ്പനിയുടെ മുൻനിര എസ്യുവിയായ Q8 ൽ നിന്ന് പ്രചോദനം ഉൾക്കൊണ്ടാണ് പുതിയ ഔഡി Q3. മുൻവശത്ത്, എട്ട് ലംബമായ ക്രോം സ്ലാറ്റുകളുള്ള അഷ്ടഭുജാകൃതിയിലുള്ള ഗ്രില്ലാണ് ഇതിന് ലഭിക്കുന്നത്. ഈ പ്രീമിയം എസ്യുവിയിൽ ഡിആർഎല്ലുകളുള്ള മാട്രിക്സ് എൽഇഡി ഹെഡ്ലാമ്പുകൾ, മൾട്ടി സ്പോക്ക് അലോയ് വീലുകൾ, ചരിഞ്ഞ റൂഫ്ലൈൻ, എൽഇഡി ടെയിൽ ലാമ്പുകൾ എന്നിവ ഉൾപ്പെടുന്നു. ബ്രൈം വരെയുള്ള ഫീച്ചറുകളാലും ഇത് ലോഡ് ചെയ്യപ്പെടും.
കാശുവീശി സമ്പന്നര്, ഈ ആഡംബര വണ്ടക്കമ്പനിക്ക് വമ്പന് കച്ചവടം
10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, 360 ഡിഗ്രി പാർക്കിംഗ് ക്യാമറ എന്നിവയും അതിലേറെയും പുതിയ തലമുറ ഔഡി ക്യു 3 ക്ക് ലഭിക്കും. ഫോക്സ്വാഗൺ ടിഗ്വാനിലും സ്കോഡ കൊഡിയാകിലും അതിന്റെ ചുമതല നിർവഹിക്കുന്ന 2.0 ലിറ്റർ ടർബോചാർജ്ഡ് പെട്രോൾ എഞ്ചിനായിരിക്കും ഇന്ത്യ-സ്പെക്ക് ഔഡി ക്യു 3-ന് കരുത്ത് പകരുന്നത്. ഏഴ് സ്പീഡ് ഡിസിടി ട്രാന്സ്മിഷനുമായി ജോടിയാക്കിയ ഈ എഞ്ചിന് 187 ബിഎച്ച്പിയും 320 എൻഎം ടോർക്കും സൃഷ്ടിക്കുന്നു.
കമ്പനിയില് നിന്നുള്ള മറ്റ് വാര്ത്തകള് പരിശോധിക്കുമ്പോള്, ഈ വർഷത്തിന്റെ ആദ്യ പകുതിയിലെ സാമ്പത്തിക ഫലങ്ങൾ ഔഡി അടുത്തിടെ പ്രഖ്യാപിച്ചിരുന്നു. ആഗോള അർദ്ധചാലക പ്രതിസന്ധിയും ചൈനയിലെ കോവിഡ് -19 മായി ബന്ധപ്പെട്ട ലോക്ക്ഡൗണുകളും കാരണം ബ്രാൻഡിന് അതിന്റെ പ്രധാന ബ്രാൻഡ് വാഹനങ്ങൾക്ക് ഉയർന്ന ഡിമാൻഡ് കൈവരിക്കാൻ കഴിഞ്ഞില്ല. എന്നിരുന്നാലും, രണ്ട് ശതമാനം വർധിച്ച് 29.9 ബില്യൺ യൂറോയായി ഉയർന്നതിനാൽ പോസിറ്റീവ് വരുമാനം നേടാൻ ഔഡിക്ക് കഴിഞ്ഞു. ഔഡിയുടെ പ്രവർത്തന ലാഭം 4.9 ബില്യൺ യൂറോ എന്ന പുതിയ ഉയരത്തിലെത്തി.
അതേസമയം ഇന്ത്യയിലെ ഉയർന്ന നികുതി കാരണം ആഡംബര വാഹന വിപണിയുടെ വലിയ സാധ്യതകള് അടിച്ചമർത്തപ്പെടുകയാണ് എന്ന് അടുത്തിടെ ഔഡി ഇന്ത്യ പറഞ്ഞിരുന്നു. പിടിഐയെ ഉദ്ദരിച്ച് ഹിന്ദുസ്ഥാന് ടൈംസ് ഓട്ടോ ആണ് ഇക്കാര്യം റിപ്പോര്ട്ട് ചെയ്തത്. രാജ്യത്തെ പ്രതികൂലമായ നിയന്ത്രണ അന്തരീക്ഷം ഇവിടുത്തെ ആഡംബര കാർ വിപണിയെയും ബാധിക്കുന്നുണ്ടെന്ന് കമ്പനിയുടെ സീനിയർ എക്സിക്യൂട്ടീവ് ഓഫീസർ പിടിഐയോട് പറഞ്ഞത്. ഈ വിഭാഗത്തിലെ വില്പ്പന പ്രതിവർഷം മൊത്തത്തിലുള്ള പാസഞ്ചർ വാഹന വിൽപ്പനയുടെ രണ്ട് ശതമാനത്തിൽ താഴെയാണെന്നും ഔഡി ഇന്ത്യ പറയുന്നു.
താങ്ങാനാകാത്ത നികുതി കാരണം ഇന്ത്യയിലെ കോടീശ്വരന്മാര് വണ്ടി വാങ്ങുന്നില്ലെന്ന് ഈ വണ്ടിക്കമ്പനി!