ആര്ക്കാണ് ആദ്യം കിട്ടുക? പുത്തന് സ്കോര്പിയോയുടെ ഡെലിവറി രഹസ്യം വെളിപ്പെടുത്തി മഹീന്ദ്ര!
Synopsis
2022 സെപ്റ്റംബർ 26 മുതൽ പുതിയ സ്കോർപിയോ-എൻ ഡെലിവറി ആരംഭിക്കുമെന്ന് കമ്പനി അറിയിച്ചു.
പുതിയ സ്കോർപിയോ-എന്നിനെ 2022 ജൂണിൽ മഹീന്ദ്ര പുറത്തിറക്കിയിരുന്നു. പുത്തന് മഹീന്ദ്ര സ്കോർപിയോ എൻ 11.99 ലക്ഷം മുതൽ 23.9 ലക്ഷം രൂപ വരെ (എക്സ് ഷോറൂം ദില്ലി) വിലയിൽ ആണ് എത്തുന്നത്. 2022 സെപ്റ്റംബർ 26 മുതൽ പുതിയ സ്കോർപിയോ-എൻ ഡെലിവറി ആരംഭിക്കുമെന്ന് കമ്പനി അറിയിച്ചു.
ടോപ്പ്-സ്പെക്ക് സ്കോർപിയോ-എൻ Z8L വേരിയന്റിന്റെ ഡെലിവറികൾക്ക് കമ്പനി മുൻഗണന നൽകും. 25,000 ബുക്കിംഗുകൾ അടങ്ങുന്ന 2022 മഹീന്ദ്ര സ്കോർപിയോ എൻ ഉപഭോക്താക്കളുടെ ആദ്യ ബാച്ചിന്റെ ഡെലിവറിയാണ് സെപ്റ്റംബര് 26ന് കമ്പനി ആരംഭിക്കുക. ആദ്യ ഓർഡറുകൾ ഏകദേശം നാലു മാസത്തെ ശരാശരി കാത്തിരിപ്പ് കാലയളവിലാണ് വരുന്നത്. ആദ്യ 10 ദിവസത്തിനുള്ളിൽ 7,000 യൂണിറ്റുകൾ വിതരണം ചെയ്യുമെന്ന് കമ്പനി ഔദ്യോഗികമായി പ്രഖ്യാപിച്ചു.
30 മിനിറ്റില് സ്കോര്പ്പിയോ വാരിക്കൂട്ടിയത് 18,000 കോടി, ആനന്ദക്കണ്ണീരില് ആനന്ദ് മഹീന്ദ്ര!
ആദ്യ 25,000 ബുക്കിംഗുകളിലെ Z8L വേരിയന്റിന്റെ ഡെലിവറി നവംബർ അവസാനത്തോടെ പൂർത്തിയാകുമെന്നും മഹീന്ദ്ര അറിയിച്ചു. പുതിയ സ്കോർപിയോ-എൻ ബുക്കിംഗ് തുടങ്ങി വെറും 30 മിനിറ്റിനുള്ളിൽ മഹീന്ദ്രയ്ക്ക് ഒരു ലക്ഷത്തിലധികം പ്രീ-ഓർഡറുകൾ ലഭിച്ചു.
ആറ്, ഏഴ് സീറ്റ് ലേഔട്ടുകളിൽ - Z2, Z4, Z6, Z8, Z8L എന്നീ അഞ്ച് ട്രിം ലെവലുകളിൽ പുതിയ മഹീന്ദ്ര സ്കോർപ്പിയോ എൻ വാഗ്ദാനം ചെയ്യുന്നു. പുതിയ മഹീന്ദ്ര സ്കോർപിയോ-എൻ രണ്ട് എഞ്ചിൻ ഓപ്ഷനുകളിലാണ് വാഗ്ദാനം ചെയ്യുന്നത് - 2.0 ലിറ്റർ എംസ്റ്റാലിയന് ടർബോ പെട്രോളും 2.2 ലിറ്റർ എംഹാക്ക് ഡീസലും. പെട്രോൾ എഞ്ചിൻ 200bhp കരുത്തും 370Nm (MT)/380Nm (AT) ടോർക്കും പുറപ്പെടുവിക്കുമ്പോൾ, ഡീസൽ എഞ്ചിൻ താഴ്ന്ന വേരിയന്റുകളിൽ 300Nm-ൽ 130bhp-യും ഉയർന്ന വേരിയന്റുകളിൽ 370Nm (MT)/400Nm (AT) 175bhp-യും നൽകുന്നു. ട്രാൻസ്മിഷൻ ഓപ്ഷനുകളിൽ 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു.
ഡീസൽ മോഡലിന് ആര്ഡബ്ല്യുഡി അല്ലെങ്കിൽ എഡബ്ല്യുഡി (ഓൾ-വീൽ-ഡ്രൈവ്) സംവിധാനം ഉണ്ടായിരിക്കാം. ഇത് സിപ്, സാപ്, സൂം എന്നിങ്ങനെ മൂന്ന് റൈഡ് മോഡുകൾ വാഗ്ദാനം ചെയ്യുന്നു. ഫോര്എക്സ്പ്ലോര് എന്ന് വിളിക്കപ്പെടുന്ന 4×4 വേരിയന്റിന് സാന്ഡ്, മഡ്, ഗ്രാസ്, സ്നോ എന്നിങ്ങനെ നാല് ഓഫ്-റോഡ് മോഡുകൾ വാഗ്ദാനം ചെയ്യുന്നു.
"തീയിലുരുക്കി തൃത്തകിടാക്കി.." ഇരട്ടച്ചങ്കന്മാര് ജനിക്കുന്നതല്ല, ഉണ്ടാക്കുന്നതാണെന്ന് മഹീന്ദ്ര!
ഫീച്ചറുകളുടെ കാര്യത്തിൽ, എസ്യുവിക്ക് 8 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഏഴ് ഇഞ്ച് ഡിജിറ്റൽ ഡ്രൈവർ ഡിസ്പ്ലേ, ബിൽറ്റ്-ഇൻ അലക്സ, കണക്റ്റഡ് കാർ ടെക്, 3D സോണി സൗണ്ട് സിസ്റ്റം, ഇലക്ട്രിക് സൺറൂഫ്, ഡ്യുവൽ സോൺ ക്ലൈമറ്റ് കൺട്രോൾ, എയർ പ്യൂരിഫയർ എന്നിവ ഉണ്ട്. സുരക്ഷയ്ക്കായി, എസ്യുവിക്ക് ആറ് എയർബാഗുകൾ, ഇഎസ്പി, ടിപിഎംഎസ്, ഹിൽ ഹോൾഡ് ആൻഡ് ഡിസന്റ് അസിസ്റ്റ്, ട്രാക്ഷൻ കൺട്രോൾ, ഇബിഡി ഉള്ള എബിഎസ്, ഡ്രൈവർ മയക്കം കണ്ടെത്തൽ സംവിധാനം, പിൻ പാർക്കിംഗ് ക്യാമറ എന്നിവയും ഉണ്ട്.