അല്ലെങ്കിലേ വില 8 ലക്ഷത്തിൽ താഴെ; ബ്രെസയും നെക്‌സോണുമൊക്കെ ഭയക്കുന്ന ഈ എസ്‌യുവിക്ക് ഇപ്പോൾ വൻ വിലക്കുറവും!

2025 ഫെബ്രുവരിയിൽ ഹ്യുണ്ടായി വെന്യുവിന് 55,000 രൂപ വരെ കിഴിവ് ലഭിക്കുന്നു. ക്യാഷ് ഡിസ്‌കൗണ്ടിനൊപ്പം എക്സ്ചേഞ്ച് ബോണസും ഈ ഓഫറിൽ ഉൾപ്പെടുന്നു.

ദക്ഷിണ കൊറിയൻ വാഹന ബ്രാൻഡായ ഹ്യുണ്ടായിയുടെ ജനപ്രിയ എസ്‌യുവിയായ വെന്യുവിന് 2025 ഫെബ്രുവരിയിൽ ബമ്പർ കിഴിവ് ലഭിക്കുന്നു. ഈ കാലയളവിൽ ഹ്യുണ്ടായി വെന്യു വാങ്ങുന്നതിലൂടെ ഉപഭോക്താക്കൾക്ക് 55,000 രൂപ വരെ ലാഭിക്കാൻ കഴിയും എന്നാണ് റിപ്പോ‍ട്ടുകൾ. ക്യാഷ് ഡിസ്‌കൗണ്ടിന് പുറമെ, എക്സ്ചേഞ്ച് ബോണസും ഈ ഓഫറിൽ ഉൾപ്പെടുന്നു. മോഡലിന്‍റെ 2024ലെ സ്റ്റോക്കുകൾക്കാണ് ഏറ്റവും കൂടുതിൽ വിലക്കുറവ് ലഭിക്കുന്നത് എന്നാണ് റിപ്പോ‍ർട്ടുകൾ.  7.94 ലക്ഷം രൂപയാണ് ഹ്യുണ്ടായി വെന്യുവിന്‍റെ എക്സ്-ഷോറൂം വില. ഓഫ‍ർ സംബന്ധിച്ച കൂടുതൽ വിവരങ്ങൾക്ക് ഉപഭോക്താക്കൾക്ക് നിങ്ങളുടെ അടുത്തുള്ള ഹ്യുണ്ടായി ഡീലർഷിപ്പുമായി ബന്ധപ്പെടാം. ഹ്യുണ്ടായി വെന്യുവിന്റെ സവിശേഷതകൾ, പവർട്രെയിൻ, വില എന്നിവ നോക്കാം.

ഫീച്ചറുകൾ
ഫീച്ചറുകളുടെ കാര്യത്തിൽ, ഹ്യുണ്ടായി വെന്യുവിൽ 8.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, കണക്റ്റഡ് കാർ സാങ്കേതികവിദ്യ, സൺറൂഫ്, ഓട്ടോ എസി, വയർലെസ് ഫോൺ ചാർജർ എന്നിവ നൽകിയിട്ടുണ്ട്. ഇതിനുപുറമെ, സുരക്ഷയ്ക്കായി 6-എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, ടയർ പ്രഷർ മോണിറ്ററിംഗ് സിസ്റ്റം, റിയർ പാർക്കിംഗ് സെൻസർ, അഡ്വാൻസ്ഡ് ഡ്രൈവർ അസിസ്റ്റന്റ് സിസ്റ്റം എന്നിവയും നൽകിയിട്ടുണ്ട്.

പവർട്രെയിൻ
പവർട്രെയിനിനെക്കുറിച്ച് പറയുകയാണെങ്കിൽ, ഹ്യുണ്ടായി വെന്യു 3 എഞ്ചിൻ ഓപ്ഷനുകളിൽ ലഭ്യമാണ്. ആദ്യത്തേത് 1.2 ലിറ്റർ പെട്രോൾ എഞ്ചിനാണ്. പരമാവധി 83 bhp കരുത്തും 114 Nm പീക്ക് ടോർക്കും ഉത്പാദിപ്പിക്കാൻ കഴിവുള്ളതാണിത്. രണ്ടാമത്തെ എഞ്ചിൻ 1.0 ലിറ്റർ ടർബോ പെട്രോൾ എഞ്ചിനാണ്. ഈ എഞ്ചിൻ പരമാവധി 120 bhp കരുത്തും 172 Nm പീക്ക് ടോർക്കും ഉത്പാദിപ്പിക്കാൻ പ്രാപ്തമാണ്. മൂന്നാമത്തേത് 1.5 ലിറ്റർ ഡീസൽ എഞ്ചിനാണ്, ഇത് പരമാവധി 100 bhp കരുത്തും 240 Nm പീക്ക് ടോർക്കും ഉത്പാദിപ്പിക്കാൻ സാധിക്കും. 

എതിരാളികളും വിലയും
ഇന്ത്യൻ വിപണിയിൽ, ഹ്യുണ്ടായി വെന്യുവിന്റെ പ്രാരംഭ എക്‌സ്‌ഷോറൂം വില 7.94 ലക്ഷം രൂപ മുതൽ 13.62 ലക്ഷം രൂപ വരെയാണ്. ടാറ്റ പഞ്ച്, മാരുതി സുസുക്കി ബ്രെസ്സ, കിയ സോനെറ്റ്, ടാറ്റ നെക്‌സോൺ, മാരുതി സുസുക്കി ഫ്രോങ്ക്സ് തുടങ്ങിയ എസ്‌യുവികളോടാണ് ഹ്യുണ്ടായി വെന്യു മത്സരിക്കുന്നത്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.