എട്ട് ലക്ഷം ബജറ്റിൽ ഒരു നല്ല കാർ തിരയുകയാണോ? ഈ ഓപ്ഷനുകളേക്കാൾ മികച്ചതായി ഒന്നുമില്ല

ഏഴ് ലക്ഷം രൂപയിൽ താഴെ വിലയുള്ള മികച്ച കാറുകളെ കുറിച്ചാണ് ഈ ലേഖനം. ഹ്യുണ്ടായ് എക്സ്റ്റർ, മഹീന്ദ്ര XUV 3XO, മാരുതി സുസുക്കി ഫ്രോങ്ക്സ്, ടൊയോട്ട ഗ്ലാൻസ തുടങ്ങിയ കാറുകളുടെ സവിശേഷതകളും വിലയും ഇതിൽ ഉൾപ്പെടുന്നു.

സ്വന്തമായിട്ട് ഒരു കാർ എന്നത് പലരുടെയും സ്വപ്‍നമായിരിക്കും. ഇന്ത്യൻ വിപണിയിൽ നിരവധി മികച്ച കാറുകൾ ഉണ്ട്. കാർ മോഹം മനസിൽ സൂക്ഷിക്കുന്ന പലരും ആഗ്രഹിക്കുന്ന ഒരു കാര്യമാകും മിതമായ നിരക്കിൽ നല്ലൊരു കാർ സ്വന്തമാക്കുക എന്നത്. നിങ്ങളുടെ ബജറ്റ് ഏകദേശം ഏഴ് ലക്ഷം രൂപയാണെങ്കിൽ, നിങ്ങൾ ഒരു പുതിയ കാർ വാങ്ങാൻ ആഗ്രഹിക്കുന്നുവെങ്കിൽ, ചില മികച്ച ഓപ്ഷനുകളെക്കുറിച്ച് അറിയാം. ഈ ലിസ്റ്റിൽ മാരുതി മുതൽ മഹീന്ദ്ര വരെയുള്ള കാറുകളും ഉൾപ്പെടുന്നു. ഈ കാറുകൾ വിലകുറഞ്ഞതാണെന്ന് മാത്രമല്ല, ഏറ്റവും പുതിയ നിരവധി സവിശേഷതകളും അവയിൽ സജ്ജീകരിച്ചിരിക്കുന്നു. 

ഹ്യുണ്ടായ് എക്‌സ്‌റ്റർ
പ്രീമിയം ഇൻ്റീരിയർ, സുഖപ്രദമായ സീറ്റുകൾ, യുഎസ്ബി ചാർജിംഗ് പോർട്ടുകൾ എന്നിവ ഹ്യുണ്ടായ് എക്സ്റ്ററിനുണ്ട്. സുരക്ഷയ്ക്കായി, ഇരട്ട എയർബാഗുകൾ, എബിഎസ്, പിൻ പാർക്കിംഗ് സെൻസറുകൾ എന്നിവയുണ്ട്. സ്മാർട്ട് റിവേഴ്സ് ക്യാമറ, ബ്ലൂടൂത്ത്, ആൻഡ്രോയിഡ് ഓട്ടോ എന്നിവയാണ് ഇതിൻ്റെ കണക്ടിവിറ്റി ഫീച്ചറുകൾ. 83 bhp കരുത്തും 113 Nm ടോർക്കും നൽകുന്ന 1.2 ലിറ്റർ പെട്രോൾ എഞ്ചിനാണ് എക്‌സ്റ്ററിനുള്ളത്. ഇതിൻ്റെ മൈലേജ് ഏകദേശം 19-21 കിലോമീറ്റർ/ലിറ്ററാണ്. ഈ കാറിൻ്റെ എക്സ് ഷോറൂം വില ഏകദേശം 6.20 ലക്ഷം രൂപ മുതലാണ്.

മഹീന്ദ്ര XUV 3XO
മഹീന്ദ്ര XUV 3XO ഒരു മികച്ച ഓപ്ഷനാണ്. വലിയ സുഖപ്രദമായ ഇൻ്റീരിയർ, നല്ല ഇൻഫോടെയ്ൻമെൻ്റ് സിസ്റ്റം, നല്ല നിലവാരമുള്ള ബോഡി തുടങ്ങിയവ ഈ വാഹനത്തിൽ ലഭിക്കുന്നു. സുരക്ഷയ്ക്കായി, എബിഎസ്, ഇബിഡി, ഡ്രൈവർ, കോ-ഡ്രൈവർ എയർബാഗുകൾ എന്നിവയുണ്ട്. ഏകദേശം 7.98 ലക്ഷം രൂപയാണ് ഇതിൻ്റെ എക്സ് ഷോറൂം വില. സ്‌മാർട്ട്‌ഫോൺ ഇൻ്റഗ്രേഷനും നാവിഗേഷൻ സംവിധാനവും ഇതിൻ്റെ കണക്ടിവിറ്റി സവിശേഷതകളിൽ ഉൾപ്പെടുന്നു. XUV 3XO-യിൽ 115 bhp കരുത്തും 300 Nm ടോർ‍ക്കും നൽകുന്ന 1.5 ലിറ്റർ പെട്രോൾ എഞ്ചിനാണുള്ളത്.

മാരുതി സുസുക്കി ഫ്രോങ്ക്സ്
മാരുതി സുസുക്കി ഫ്രോങ്ക്സ് വളരെ നല്ല ഓപ്ഷനാണ്. സുഖപ്രദമായ സീറ്റുകളും വലിയ ഇൻഫോടെയ്ൻമെൻ്റ് സ്‌ക്രീനും സ്‌മാർട്ട് ലുക്കും ഉണ്ട്. സുരക്ഷയ്ക്കായി, ഇതിൽ ഡ്യുവൽ എയർബാഗുകൾ, എബിഎസ് (ബ്രേക്കിംഗ് സിസ്റ്റം), പിൻ പാർക്കിംഗ് സെൻസറുകൾ എന്നിവ ഉൾപ്പെടുന്നു. സ്മാർട്ട് റിവേഴ്സ് പാർക്കിംഗ് സെൻസറുകൾ, ബ്ലൂടൂത്ത്, യുഎസ്ബി പോർട്ടുകൾ എന്നിവയും ഇതിൻ്റെ കണക്ടിവിറ്റി ഫീച്ചറുകളിൽ ഉൾപ്പെടുന്നു. 90 bhp കരുത്തും 113 Nm ടോർക്കും നൽകുന്ന 1.2 ലിറ്റർ പെട്രോൾ എഞ്ചിനാണ് ഫ്രോങ്ക്സിന് ഉള്ളത്. മാരുതി സുസുക്കി ഫ്രോങ്ക്സിൻ്റെ മൈലേജ് ലിറ്ററിന് ഏകദേശം 20-22 കിലോമീറ്ററാണ്. നിങ്ങളുടെ ബജറ്റ് 7 ലക്ഷം രൂപയ്ക്ക് മുകളിലാണെങ്കിൽ, ഈ കാർ വാങ്ങാം, കാരണം ഈ കാറിൻ്റെ എക്സ്‍ഷോറൂം വില 7.51 ലക്ഷം രൂപയിൽ നിന്നും ആരംഭിക്കുന്നു.

ടൊയോട്ട ഗ്ലാൻസ
ടൊയോട്ട ഗ്ലാൻസയും ഒരു നല്ല ഓപ്ഷനാണ്. ആഡംബര ഇൻ്റീരിയർ, സോഫ്റ്റ് ടച്ച് ഡാഷ്ബോർഡ്, നല്ല ഇൻഫോടെയ്ൻമെൻ്റ് സിസ്റ്റം എന്നിവയുണ്ട്. സുരക്ഷയ്ക്കായി, ഇരട്ട എയർബാഗുകൾ, എബിഎസ്, റിയർ ഡീഫോഗർ തുടങ്ങിയ സവിശേഷതകളുണ്ട്. സ്മാർട്ട് റിവേഴ്സ് പാർക്കിംഗ് സെൻസറുകൾ, ബ്ലൂടൂത്ത്, ആപ്പിൾ കാർപ്ലേ എന്നിവ ഇതിൻ്റെ കണക്റ്റിവിറ്റി സവിശേഷതകളിൽ ഉൾപ്പെടുന്നു. 6.86 ലക്ഷം രൂപ മുതലാണ് ഈ കാറിന്‍റെ എക്സ് ഷോറൂം വില. 90 bhp കരുത്തും 113 Nm ടോർ‍ക്കും നൽകുന്ന 1.2 ലിറ്റർ പെട്രോൾ എഞ്ചിനാണ് ഗ്ലാൻസയിലുള്ളത്.