ഡെലിവറി തുടങ്ങി, ഏതർ 450 അപെക്‌സ് നിരത്തിലേക്ക്

ഏഥർ എനർജിയുടെ ഒരു ലിമിറ്റഡ് എഡിഷൻ മോഡലാണ് 450 അപെക്‌സ്. 1.89 ലക്ഷം രൂപയാണ് ഇതിൻ്റെ ഇന്ത്യയിലെ എക്‌സ്‌ഷോറൂം വില.

ഇലക്ട്രിക്ക് സ്‍കൂട്ടർ ബ്രാൻഡായ ഏഥർ എനർജി തങ്ങളുടെ മുൻനിര ഇലക്ട്രിക് സ്‌കൂട്ടറായ 450 അപെക്‌സിന്‍റെ ഇന്ത്യൻ വിപണിയിൽ വിതരണം ആരംഭിച്ചു. 450 പ്ലാറ്റ്‌ഫോമിനെ അടിസ്ഥാനമാക്കിയുള്ള സ്‌കൂട്ടറാണ് 450 അപെക്‌സ് . ഏഥർ എനർജിയുടെ ഒരു ലിമിറ്റഡ് എഡിഷൻ മോഡലാണ് 450 അപെക്‌സ്. 1.89 ലക്ഷം രൂപയാണ് ഇതിൻ്റെ ഇന്ത്യയിലെ എക്‌സ്‌ഷോറൂം വില .

450 അപെക്സിലേക്കുള്ള മാറ്റങ്ങൾ പുതിയ നിറങ്ങളിൽ മാത്രമായി പരിമിതപ്പെടുത്തിയിട്ടില്ല. ചില പെർഫോമൻസ് അപ്‌ഗ്രേഡുകളും ഉണ്ട്. അപെക്‌സിന് പുതിയ നീല, ഓറഞ്ച് നിറങ്ങൾ ഉണ്ട്, പെർഫോമൻസ് സ്‌കൂട്ടറിനൊപ്പം വാഗ്ദാനം ചെയ്യുന്ന ഒരേയൊരു നിറമാണിത്. കൂടാതെ അർദ്ധസുതാര്യ പാനലുകളും വാഗ്ദാനം ചെയ്യുന്നു.

തുടർന്ന് പ്രകടനത്തിലെ മാറ്റങ്ങളുണ്ട്. ഉയർന്ന വേഗത ഇപ്പോൾ 90 കിലോമീറ്ററിൽ നിന്ന് 100 കിലോമീറ്ററായി ഉയർന്നു. പൂജ്യം മുതൽ 40 കിമി ആക്സിലറേഷൻ സമയം 3.3 സെക്കൻഡിൽ നിന്ന് 2.9 സെക്കൻഡായി കുറഞ്ഞു. പ്രാരംഭ വേഗത 13 ശതമാനം മെച്ചപ്പെട്ടതായി ആതർ പറയുന്നു. അതേസമയം 40-80 കിലോമീറ്റർ വേഗതയിൽ 30 ശതമാനം മെച്ചപ്പെട്ടു.

450X-ൽ 6.4 kW (8.5 bhp) ആയിരുന്നപ്പോൾ PMS ഇലക്ട്രിക് മോട്ടോർ ഇപ്പോൾ 7 kW (9.3 bhp) ഉത്പാദിപ്പിക്കുന്നതിനാൽ ആക്സിലറേഷൻ സമയവും ഉയർന്ന വേഗതയും മെച്ചപ്പെടുത്തിയിട്ടുണ്ട്. എന്നിരുന്നാലും, 26 Nm ൻ്റെ പീക്ക് ടോർക്ക് ഔട്ട്പുട്ട് അതേപടി തുടരുന്നു. വാർപ്പ് മോഡിന് പകരം പുതിയ വാർപ്പ് പ്ലസ് റൈഡിംഗ് മോഡും ഏതർ നൽകിയിട്ടുണ്ട്.

പുതിയ മാജിക് ട്വിസ്റ്റ് ഫീച്ചറാണ് ഇലക്ട്രിക് സ്കൂട്ടറിലെ ഏറ്റവും വലിയ മാറ്റങ്ങളിലൊന്ന്. റീജനറേറ്റീവ് ബ്രേക്കിംഗിനായി ഇത് 450 അപെക്സിലേക്ക് നെഗറ്റീവ് ത്രോട്ടിൽ കൊണ്ടുവരുന്നു. കൂടുതൽ തടസ്സമില്ലാത്ത റീജനിനായി ത്രോട്ടിൽ എതിർ ദിശയിൽ 15 ഡിഗ്രി വരെ ലഭിക്കാം. നിലവിൽ, ആതർ എനർജി ഒരു പുതിയ ഫാമിലി സ്കൂട്ടറിൻ്റെ പണിപ്പുരയിലാണ്. റിസ്‌ത എന്നാണിതിന്‍റെ പേര്. നിലവിൽ സ്കൂട്ടറിനെ കുറിച്ച് കൂടുതൽ വിവരങ്ങൾ ലഭ്യമല്ല. എന്നാൽ ഫ്ലോർബോർഡിൽ മതിയായ ഇടമുള്ള ഏറ്റവും വലിയ സീറ്റ് റിസ്‌തയ്ക്ക് നൽകുമെന്ന് ടീസറുകൾ സൂചിപ്പിക്കുന്നു.