ഔഡി ഇന്ത്യ ലൈനപ്പിലുടനീളം വില വർദ്ധനവ് പ്രഖ്യാപിച്ചു. ഓഡി കാർ നിരയിൽ രണ്ട് ശതമാനം വില വർധനവ് ഉണ്ടാകുമെന്നും ജൂൺ ഒന്നുമുതൽ ഇത് പ്രാബല്യത്തിൽ വരുമെന്നും കമ്പനി പ്രസ്താവനയിൽ അറിയിച്ചു.
ജനപ്രിയ ജർമ്മൻ ആഡംബര കാർ നിർമ്മാതാക്കളായ ഓഡി, വർദ്ധിച്ചുവരുന്ന ഇൻപുട്ട്, ഗതാഗത ചെലവുകൾ കാരണം ഇന്ത്യയിലെ തങ്ങളുടെ ലൈനപ്പിലുടനീളം വില വർദ്ധനവ് പ്രഖ്യാപിച്ചു. ഓഡി കാർ നിരയിൽ രണ്ട് ശതമാനം വില വർധനവ് ഉണ്ടാകുമെന്നും ജൂൺ ഒന്നുമുതൽ ഇത് പ്രാബല്യത്തിൽ വരുമെന്നും കമ്പനി പ്രസ്താവനയിൽ അറിയിച്ചു.
ഇൻപുട്ട് ചെലവുകൾ വർദ്ധിക്കുന്നതിനാൽ, 2024 ജൂൺ ഒന്നു മുതൽ ഞങ്ങൾക്ക് രണ്ട് ശതമാനം വരെ വില വർദ്ധിപ്പിക്കേണ്ടിവരുന്നുവെന്ന് ഓഡി ഇന്ത്യയുടെ തലവൻ ബൽബീർ സിംഗ് ധില്ലൺ ഒരു പ്രസ്താവനയിൽ, പറഞ്ഞു. ഓഡി ഇന്ത്യയുടെയും ഡീലർ പങ്കാളികളുടെയും ദീർഘകാല വിജയം ഉറപ്പ് നൽകുക എന്നതാണ് വില ക്രമീകരണത്തിൻ്റെ ലക്ഷ്യമെന്നും എല്ലായ്‌പ്പോഴും എന്നപോലെ, തങ്ങളുടെ ക്ലയൻ്റുകളെ കഴിയുന്നത്ര കുറച്ച് ചെലവ് വർദ്ധന ബാധിക്കണമെന്ന് തങ്ങൾ ആഗ്രഹിക്കുന്നുവെന്നും അദ്ദേഹം തുടർന്നു.
കഴിഞ്ഞ വർഷം അതിൻ്റെ എല്ലാ മോഡലുകൾക്കും കമ്പനി രണ്ട് ശതമാനം വരെ വിലവർദ്ധന പ്രഖ്യാപിച്ചിരുന്നു. ഈ വർധന 2024 ജനുവരി ഒന്നുമുതൽ പ്രാബല്യത്തിൽ വന്നു. 2023–2024 സാമ്പത്തിക വർഷത്തിൽ ഔഡി ഇന്ത്യ 7,027 യൂണിറ്റുകൾ വിറ്റു, മൊത്തത്തിൽ 33 ശതമാനം വർധനവാണ് ഇത് സൂചിപ്പിക്കുന്നത്. 2024-ൻ്റെ ആദ്യ പാദത്തിൽ (Q1) മുൻ വർഷത്തെ ഇതേ കാലയളവിനെ അപേക്ഷിച്ച് കാര്യമായ വിൽപ്പന പ്രശ്‌നങ്ങൾ അഭിമുഖീകരിച്ചു. വിതരണ ശൃംഖലയിലെ തടസ്സങ്ങളുടെ ഫലമായി, 1,046 യൂണിറ്റുകൾ ചില്ലറ വിൽപ്പന നടത്തി.
അതേസമയം ഏറെ കാത്തിരിക്കുന്ന മുൻനിര ഓഡി ക്യു 8 ഫെയ്‌സ്‌ലിഫ്റ്റ് ഈ വർഷം കമ്പനി അവതരിപ്പിക്കുമെന്ന് പ്രതീക്ഷിക്കുന്നു. ഹെഡ്‌ലാമ്പുകളിലും പ്രകടനത്തിലും ചില മാറ്റങ്ങൾക്കൊപ്പമാണ് കമ്പനി ഔഡി ക്യു8 അവതരിപ്പിക്കുന്നത്. ഒപ്പം 8-സ്പീഡ് ഓട്ടോമാറ്റിക്, ക്വാട്രോ AWD എന്നിവ കാർ നിലനിർത്തുമെന്ന് പ്രതീക്ഷിക്കുന്നു. വിലയും കൂടിയേക്കാൻ സാധ്യതയുണ്ട്.
മാത്രമല്ല, ജർമ്മൻ കാർ നിർമ്മാതാവ് ഓഡി എ6 ഫെയ്‌സ്‌ലിഫ്റ്റ് രാജ്യത്ത് അവതരിപ്പിക്കുമെന്നും പ്രതീക്ഷിക്കുന്നു. ഇൻ്റീരിയറിലും പുതിയ ഫീച്ചറുകളിലും ചില പരിഷ്കാരങ്ങളോടെ സെഡാന് ചില കോസ്മെറ്റിക് അപ്ഡേറ്റുകൾ ലഭിക്കുമെന്ന് പ്രതീക്ഷിക്കുന്നു. ഇതിന് പുതിയ അലോയ് വീലുകളും ലഭിച്ചേക്കാം.
കൂടാതെ, ഇവികൾ ഇഷ്ടപ്പെടുന്നവർക്കായി ബ്രാൻഡ് പുതിയ ഔഡി Q6 ഇ-ട്രോൺ കൊണ്ടുവന്നേക്കുമെന്ന് റിപ്പോർട്ട് അവകാശപ്പെടുന്നു. എന്നിരുന്നാലും, വരാനിരിക്കുന്നതിനെക്കുറിച്ചുള്ള വിശദാംശങ്ങൾ ഇതുവരെ സ്ഥിരീകരിച്ചിട്ടില്ല. ഇതിന് 600 കിലോമീറ്റർ വരെ ദൂരപരിധി ലഭിച്ചേക്കാം.