ബാറിന് വെളിയിൽ പാർക്ക് ചെയ്തു കിടക്കുന്ന ഒരു ബെന്റ്ലി കോണ്ടിനെന്റൽ ജിടി സൂപ്പർ കാറിന്റെ രേഖകൾ പരിശോധിച്ചപ്പോഴാണ് പൊലീസിന് ഒരു കാര്യം ബോധ്യപ്പെട്ടത്; വണ്ടിയുടെ ഇൻഷുറൻസ് കാലാവധി കഴിഞ്ഞിരിക്കുന്നു.
കഴിഞ്ഞ ദിവസം യുകെയിലെ മാഞ്ചസ്റ്റർ നഗരത്തിലെ പീക്കി ബ്ലൈൻഡേർസ് ബാറിന് വെളിയിൽ പാർക്ക് ചെയ്തു കിടക്കുന്ന ഒരു ബെന്റ്ലി കോണ്ടിനെന്റൽ ജിടി സൂപ്പർ കാറിന്റെ രേഖകൾ പരിശോധിച്ചപ്പോഴാണ് പൊലീസിന് ഒരു കാര്യം ബോധ്യപ്പെട്ടത്; വണ്ടിയുടെ ഇൻഷുറൻസ് കാലാവധി കഴിഞ്ഞിരിക്കുന്നു.
അടുത്തുള്ള ഒരു ബാറിലിരുന്ന് മദ്യപിച്ചിരുന്ന ഡ്രൈവറെ പൊലീസ് തെരഞ്ഞു പിടിച്ച് കാര്യം ബോധിപ്പിച്ചു. ഇൻഷുറൻസ് എടുത്തുകൊള്ളാം എന്ന് അയാൾ ബോധിപ്പിച്ചെങ്കിലും പൊലീസിന് ആ വാഗ്ദാനം മതിയായിരുന്നില്ല. രണ്ടുണ്ടായിരുന്നു കാര്യം. ഒന്ന്, ഇൻഷുറൻസ് ഇല്ലാത്തതിന്റെ പിഴ അടയ്ക്കണം. രണ്ട്, മദ്യപിച്ച നിലയിൽ അയാളെ ആ സ്പോർട്സ് കാർ ഓടിക്കാൻ അനുവദിക്കാനാവില്ല.
അതുകൊണ്ട് പൊലീസുകാർ വാഹനത്തിന്റെ താക്കോൽ ആവശ്യപ്പെട്ടു. അയാൾ അത് നൽകാൻ വിസമ്മതിച്ചതോടെയാണ് പൊലീസ് റിക്കവറി വാൻ കൊണ്ടുവന്ന് ആ വാഹനത്തെ 'തൂക്കിയെടുത്ത്' സ്റേഷനിലെത്തിച്ചത്.
ബ്രിട്ടീഷ് ആഡംബര കാര്‍ നിര്‍മ്മാതാക്കളായ ബെന്റ്‌ലിയുടെ സൂപ്പര്‍ കാറാണ് കോണ്ടിനെന്‍റല്‍ ജിടി. 6.0 ലിറ്റര്‍, ഡബ്ല്യു12 എന്‍ജിനാണ് ഉപയോഗിക്കുന്നത്. ഈ മോട്ടോര്‍ 635 എച്ച്പി കരുത്ത് ഉല്‍പ്പാദിപ്പിക്കും.
Car seized on Peter Street for no insurance. Driver was located with keys in a nearby bar. Trying to be smart, he refused to hand over the keys, thinking we’d leave his Bentley Continental GT where it was. How wrong, car was dragged onto back of recovery truck. pic.twitter.com/wzOvZGhYiN
— GMP Manchester City Centre (@GMPCityCentre)