X7ന്‍റെ ഡാർക്ക് ഷാഡോ ലിമിറ്റഡ് എഡിഷനുമായി ബിഎംഡബ്ല്യു

ജര്‍മ്മന്‍ ആഡംബര വാഹന നിര്‍മ്മാതാക്കളായ ബിഎംഡബ്ല്യു X7 എസ്‌യുവിയുടെ ഡാർക്ക് ഷാഡോ ലിമിറ്റഡ് എഡിഷൻ പുറത്തിറക്കി. ലിമിറ്റിഡ് എഡിഷനായ X7 -ന്റെ 500 യൂണിറ്റുകൾ മാത്രമാണ് ലോകമെമ്പാടും വിൽപ്പനയ്ക്ക് എത്തുക.  പുതിയ പെയിന്റ് സ്കീമിനൊപ്പം, B, C നിരകളുടെ കവറുകളും എക്സ്റ്റീരിയർ മിറർ ബേസുകളും ഹൈ ഗ്ലോസ് ഷാഡോ ലൈൻ ഫിനിഷിൽ ഒരുക്കിയിരിക്കുന്നു. ബ്രാൻഡിന്റെ സിഗ്നേച്ചർ കിഡ്നി ഗ്രില്ല്, എയർ ബ്രീത്തറുകൾ, എക്‌സ്‌ഹോസ്റ്റ് സിസ്റ്റത്തിന്റെ ടെയിൽ‌പൈപ്പ് കവറുകൾ എന്നിവ കറുത്ത ക്രോമിൽ പൂർത്തിയാക്കിയിരിക്കുന്നു. X7 ഡാർക്ക് ഷാഡോ പതിപ്പിനുള്ള വിലകൾ ഇതുവരെ കമ്പനി പ്രഖ്യാപിച്ചിട്ടില്ല.

2020 ഓഗസ്റ്റ് മുതൽ സ്പാർട്ടൻബർഗ് യുഎസ്എയിലെ ബിഎംഡബ്ല്യു പ്ലാന്റിൽ വാഹനത്തിന്റെ ഉത്പാദനം ആരംഭിക്കും. സ്പെഷ്യൽ പതിപ്പ് ലോകമെമ്പാടും ലഭ്യമാണ്, കൂടാതെ ബി‌എം‌ഡബ്ല്യു X7 നായി വാഗ്ദാനം ചെയ്യുന്ന എല്ലാ എഞ്ചിൻ ഓപ്ഷനുകളിലും ഇത് തിരഞ്ഞെടുക്കാം.

ഈ ലിമിറ്റിഡ് മോഡലിൽ നിരവധി സൗന്ദര്യവർദ്ധക മാറ്റങ്ങളും സ്റ്റാൻഡേർഡ് മോഡലിൽ നിന്ന് അൽപ്പം മെക്കാനിക്കൽ മാറ്റങ്ങളും ഉൾക്കൊള്ളുന്നു. X7 ഡാർക്ക് ഷാഡോ പതിപ്പിന്റെ പ്രത്യേകത ഫ്രോസൺ ആർട്ടിക് ഗ്രേ മെറ്റാലിക് പെയിന്റ് സ്കീം ആയിരിക്കും, ഇത് ബ്രാൻഡിന്റെ ഉയർന്ന തലത്തിലുള്ള പെർസണലൈസേഷൻ പ്രോഗ്രാമാണ്. ഇതാദ്യമായാണ് ബി‌എം‌ഡബ്ല്യു തങ്ങളുടെ ഏതെങ്കിലും എസ്‌യുവികളിൽ കസ്റ്റമൈസേഷൻ പ്രോഗ്രാം വാഗ്ദാനം ചെയ്യുന്നത്.

ഗ്ലോസ്സ് ബ്ലാക്ക് റൂഫ് റെയിൽ, പ്രൊട്ടക്ഷൻ ഗ്ലേസിംഗ് സൺറൂഫ് എന്നിവയാണ് മറ്റ് പ്രധാന മാറ്റങ്ങൾ. M-സ്പോർട്സ് പാക്കേജിന്റെ എയറോഡൈനാമിക്കായി ഒപ്റ്റിമൈസ് ചെയ്ത ബോഡി വർക്ക് ഘടകങ്ങളുമായി ഡാർക്ക് പതിപ്പ് വരുന്നു.

പെർഫോമൻസ് ടയറുകളുള്ള ജെറ്റ് ബ്ലാക്ക് മാറ്റ് ഫിനിഷ് ഷേഡുള്ള V-സ്‌പോക്ക് ഡിസൈനിലെ വ്യത്യസ്ത ബമ്പറുകൾ, എയർ ഡാം, സൈഡ് സ്‌കേർട്ടുകൾ, 22 ഇഞ്ച് M-ലൈറ്റ് അലോയി വീലുകൾ എന്നിവ ഇതിൽ ഉൾപ്പെടുന്നു. M-സ്പോർട്സ് എക്‌സ്‌ഹോസ്റ്റ് സംവിധാനവും ഇതിലുണ്ട്. ആറ് സീറ്റ് അല്ലെങ്കിൽ ഏഴ് സീറ്റ് കോൺഫിഗറേഷനുകളിൽ X7 ഡാർക്ക് ഷാഡോ പതിപ്പ് ലഭ്യമാണ്. അകത്ത് പല ഘടകങ്ങളും M-സ്പോർട് പാക്കേജിൽ നിന്ന് കടമെടുത്ത ബിറ്റുകൾ ഫീച്ചർ ചെയ്യുന്നത് തുടരുന്നു.

ഇതിൽ M-സ്പെക്ക് ലെതർ പൊതിഞ്ഞ സ്റ്റിയറിംഗ് വീലും നൈറ്റ് ബ്ലൂ, ബ്ലാക്ക് എന്നിവയിൽ ഒരുക്കിയ വ്യത്യസ്തമായ ഇരട്ട ടോൺ മെറിനോ ഫുൾ ലെതർ അപ്ഹോൾസ്റ്ററി ഫിനിഷും, നൈറ്റ് ബ്ലൂ വിത്ത് അൽകന്റാര ഫിനിഷുള്ള റൂഫ് ലൈനറും ഉൾപ്പെടുന്നു, ഇവയെല്ലാം ബിഎംഡബ്ല്യു പെർസണലൈസേഷൻ പാക്കേജിന്റെ ഭാഗമാണ്.