കാർ വാങ്ങാൻ പ്ലാനുണ്ടോ? ഇതാ വമ്പൻ ഓഫറുമായി ഹോണ്ട

നിങ്ങൾ സിറ്റി, അമേസ്, ഹൈബ്രിഡ്, അല്ലെങ്കിൽ എലവേറ്റ് എന്നിവ പരിഗണിക്കുകയാണെങ്കിൽ, മികച്ച ഓഫറോടെ ഹോണ്ടയെ വീട്ടിലെത്തിക്കാനുള്ള ഏറ്റവും നല്ല സമയമാണിത്.

ജാപ്പനീസ് വാഹന നിർമ്മാതാക്കളായ ഹോണ്ട 2024 ജൂണിൽ, ഇന്ത്യയിലെ മോഡൽ ലൈനപ്പിലുടനീളം ആകർഷകമായ കിഴിവുകൾ അവതരിപ്പിക്കുന്നു. അവരുടെ വാഹന നിരയിൽ സിറ്റി, സിറ്റി ഹൈബ്രിഡ്, അമേസ്, എലവേറ്റ് തുടങ്ങിയ മോഡലുകൾ ഉൾപ്പെടുന്നു. നിങ്ങൾ സിറ്റി, അമേസ്, ഹൈബ്രിഡ്, അല്ലെങ്കിൽ എലവേറ്റ് എന്നിവ പരിഗണിക്കുകയാണെങ്കിൽ, മികച്ച ഓഫറോടെ ഹോണ്ടയെ വീട്ടിലെത്തിക്കാനുള്ള ഏറ്റവും നല്ല സമയമാണിത്.

ഹോണ്ട അമേസ്
സിറ്റി എലഗൻ്റിനൊപ്പം ഹോണ്ട അമേസ് എലൈറ്റ് എഡിഷൻ പുറത്തിറക്കി.  ഇത് 1.06 ലക്ഷം രൂപ വരെ വിലക്കുറവിൽ ലഭ്യമാണ്. കഴിഞ്ഞ മാസത്തെ അപേക്ഷിച്ച് ഈ ആനുകൂല്യത്തിൽ 10,000 രൂപയുടെ വർധനയുണ്ടായി. എൻട്രി ലെവൽ E വേരിയൻ്റിന് 66,000 രൂപ വരെ ആനുകൂല്യങ്ങൾ ലഭിക്കും. അതേസമയം S, VX ട്രിമ്മുകൾക്ക് മൊത്തം 76,000 രൂപയുടെ ആനുകൂല്യം ലഭിക്കും.

ഹോണ്ട എലിവേറ്റ്
ഇന്ത്യൻ വിപണിയിൽ ഹോണ്ടയുടെ ഏറ്റവും പുതിയ പതിപ്പായ എലിവേറ്റ് എസ്‌യുവി ആകർഷകമായ ആനുകൂല്യങ്ങളോടെ ലഭ്യമാണ്. V ട്രിമ്മും ടോപ്പ്-സ്പെക്ക് ZX വേരിയൻ്റും പരമാവധി 55,000 രൂപ വരെ ലാഭിക്കാം. അതേസമയം, എൻട്രി ലെവൽ എസ്‌വി, മിഡ്-സ്പെക്ക് വിഎക്സ് വേരിയൻ്റുകൾക്ക് 45,000 രൂപയുടെ കിഴിവുകൾ ലഭിക്കും.

ഹോണ്ട സിറ്റി
കഴിഞ്ഞ ഉത്സവ സീസണിൽ അവതരിപ്പിച്ച സിറ്റി എലഗൻ്റ് എഡിഷന് ഏറ്റവും പ്രധാനപ്പെട്ട കിഴിവ് 1.15 ലക്ഷം രൂപ വരെയാണ്. ഏപ്രിലിൽ, ഈ വേരിയൻ്റിന് ആറ് എയർബാഗുകൾ ഉൾപ്പെടെയുള്ള സുരക്ഷാ മെച്ചപ്പെടുത്തലുകൾ ലഭിച്ചു. ഏപ്രിൽ ഒന്നിന് മുമ്പ് നിർമ്മിച്ച സിറ്റി സെഡാനുകൾക്ക്, ആനുകൂല്യങ്ങൾ 88,000 രൂപ വരെയായി തുടരും. സിറ്റിയുടെ ഹൈബ്രിഡ് വേരിയൻ്റ് 65,000 രൂപ ക്യാഷ് ഡിസ്‌കൗണ്ടിൽ ലഭ്യമാണ്.

ശ്രദ്ധിക്കുക, മേൽപ്പറഞ്ഞിരിക്കുന്ന ഓഫറുകൾ രാജ്യത്തെ വിവിധ ഭൂപ്രദേശങ്ങൾ, ഡീലർഷിപ്പുകൾ, വേരിയന്‍റ്, നിറം, സ്റ്റോക്ക് തുടങ്ങിയവയെ അടിസ്ഥാനമാക്കി വ്യത്യാസപ്പെടാം. കൂടുതൽ വിവരങ്ങൾക്ക് നിങ്ങളുടെ തൊട്ടടുത്ത ഡീലർഷിപ്പ് സന്ദർശിക്കുക