ഔഡി ക്യു 5 ഫെയ്‌സ്‌ലിഫ്റ്റ് ഇന്ത്യയിലേക്ക്

ഇന്ത്യയിൽ പുറത്തിറങ്ങുന്നതിന് മുമ്പ് തന്നെ 2021 ഓഡി ക്യു 5 ഫെയ്‌സ്‌ലിഫ്റ്റിന്റെ പ്രീ-ബുക്കിംഗ് കഴിഞ്ഞ മാസം ഒരു ലക്ഷം രൂപ പ്രാരംഭ ടോക്കൺ തുകയിൽ ആരംഭിച്ചിരുന്നു. 

ജര്‍മ്മന്‍ (German) ഔഡി ഇന്ത്യ 2021 ഔഡി ക്യു 5 ഫെയ്‌സ്‌ലിഫ്റ്റ് (Audi Q5 Facelift) ഇന്ത്യയില്‍ അവതരിപ്പിക്കാന്‍ ഒരുങ്ങുന്നു. 2021 നവംബർ 23-ന് വാഹനത്തെ ഇന്ത്യയിൽ അവതരിപ്പിക്കും എന്ന് ഇന്ത്യാ ടുഡേ റിപ്പോര്‍ട്ട് ചെയ്യുന്നു. ഇന്ത്യയിൽ പുറത്തിറങ്ങുന്നതിന് മുമ്പ് തന്നെ 2021 ഓഡി ക്യു 5 ഫെയ്‌സ്‌ലിഫ്റ്റിന്റെ പ്രീ-ബുക്കിംഗ് കഴിഞ്ഞ മാസം ഒരു ലക്ഷം രൂപ പ്രാരംഭ ടോക്കൺ തുകയിൽ ആരംഭിച്ചിരുന്നു. 

2021 ഓഡി ക്യു5 പുതിയ ഗ്രില്ലിനൊപ്പം പുനർരൂപകൽപ്പന ചെയ്‍ത ഫ്രണ്ട് ഫാസിയ, പുനർരൂപകൽപ്പന ചെയ്‍ത ബമ്പറുകൾ, പുതുക്കിയ ഹെഡ്‌ലൈറ്റ് യൂണിറ്റുകൾ, പുനർരൂപകൽപ്പന ചെയ്‍ത ടെയിൽ ലാമ്പുകൾ എന്നിങ്ങനെയുള്ള ബാഹ്യ മാറ്റങ്ങൾ അവതരിപ്പിക്കുന്നു.  ഓഡി ഇന്ത്യയ്ക്ക് 2021 ഓഡി ക്യു5 പുതിയ പുറം നിറങ്ങളും പ്രതീക്ഷിക്കാം.

അകത്തേക്ക് നോക്കിയാൽ 2021 ഓഡി ക്യു 5 ഫെയ്‌സ്‌ലിഫ്റ്റിന് അപ്‌ഡേറ്റ് ചെയ്‍ത ഔഡി വെർച്വൽ കോക്ക്പിറ്റ് പ്ലസ് കാണാം. ഓഡി പാർക്ക് അസിസ്റ്റ്, സെൻസർ നിയന്ത്രിത ബൂട്ട്-ലിഡ് ഓപ്പറേഷനുള്ള കംഫർട്ട് കീ, ബ്ലാക്ക് പിയാനോ ലാക്കറിലെ ഓഡി എക്സ്ക്ലൂസീവ് ഇൻലേകൾ, ബാംഗ് & ഒലുഫ്‌സെൻ പ്രീമിയം 3D സൗണ്ട് സിസ്റ്റം എന്നിവയൊക്കെ ഉൾവശത്തെ മാറ്റങ്ങളിൽ ഉൾപ്പെടുന്നു. 

2021 ഓഡി Q5 ഫെയ്‌സ്‌ലിഫ്റ്റിന് കരുത്ത് പകരുന്നത് 2.0L TFSI എഞ്ചിനാണ്, മുൻ മോഡലിന് സമാനമായി ഔഡിയുടെ ക്വാട്രോ സിസ്റ്റവുമായി ബന്ധിപ്പിച്ചിരിക്കുന്നു. 2021 ഓഡി ക്യു5 ഫെയ്‌സ്‌ലിഫ്റ്റിന്റെ പവർ കണക്കുകൾ ലോഞ്ചിൽ വെളിപ്പെടുത്തും.

ലോഞ്ച് ചെയ്‍തുകഴിഞ്ഞാൽ, 2021 ഓഡി ക്യു 5 ഫെയ്‌സ്‌ലിഫ്റ്റ് ഇന്ത്യയിൽ മെഴ്‌സിഡസ് ബെൻസ് ജിഎൽസി, ബിഎംഡബ്ല്യു എക്‌സ്3, 2021 വോൾവോ എക്‌സ്‌സി60 ഹൈബ്രിഡ് എന്നിവയ്‌ക്ക് എതിരാളിയാകും.