General Motors : 50 പുതിയ ഡിജിറ്റൽ ഫീച്ചറുകളും സേവനങ്ങളും ജിഎം ആസൂത്രണം ചെയ്യുന്നു
Synopsis
കാറിന് എപ്പോൾ അറ്റകുറ്റപ്പണികൾ ആവശ്യമായി വരുമെന്ന് പ്രവചിക്കാൻ കഴിയുന്ന ഒന്ന് ഉൾപ്പെടെ ഉള്ള ഫീച്ചറുകളാണ് വരുന്നത് എന്ന് കമ്പനിയുടെ ഒരു ഉന്നത എക്സിക്യൂട്ടീവ് പറഞ്ഞതായി കാര് ആന്ഡ് ബൈക്ക് റിപ്പോര്ട്ട് ചെയ്യുന്നു.
2026-ഓടെ ഡസൻ കണക്കിന് പുതിയ ഫീസ് അടിസ്ഥാനമാക്കിയുള്ള ഡിജിറ്റൽ ഫീച്ചറുകൾ അവതരിപ്പിച്ചുകൊണ്ട് വാഹനേതര വരുമാനം കൂട്ടാനാണ് അമേരിക്കന് (USA) വാഹന നിര്മ്മാതാക്കളായ ജനറൽ മോട്ടോഴ്സ് (General Motors) ലക്ഷ്യമിടുന്നതെന്ന് റിപ്പോര്ട്ട്. കാറിന് എപ്പോൾ അറ്റകുറ്റപ്പണികൾ ആവശ്യമായി വരുമെന്ന് പ്രവചിക്കാൻ കഴിയുന്ന ഒന്ന് ഉൾപ്പെടെ ഉള്ള ഫീച്ചറുകളാണ് വരുന്നത് എന്ന് കമ്പനിയുടെ ഒരു ഉന്നത എക്സിക്യൂട്ടീവ് പറഞ്ഞതായി കാര് ആന്ഡ് ബൈക്ക് റിപ്പോര്ട്ട് ചെയ്യുന്നു.
"ഞങ്ങൾക്ക് 50-ഓളം മൂല്യവർദ്ധിത ഉൽപ്പന്നങ്ങളും സേവനങ്ങളും ഉണ്ട്, അത് അടുത്ത 36 മുതൽ 48 മാസത്തിനുള്ളിൽ ഞങ്ങൾ പുറത്തിറക്കും," ജനറല് മോട്ടോഴ്സ് നോർത്ത് അമേരിക്കയുടെ പ്രസിഡന്റ് സ്റ്റീവ് കാർലിസ്ലെ ഒരു നിക്ഷേപക സമ്മേളനത്തിൽ പറഞ്ഞു.
ഡ്രൈവർമാർക്ക് കൺസേർജ് സേവനങ്ങൾക്ക് പുറമേ ഇൻഷുറൻസ് വാഗ്ദാനം ചെയ്യുന്ന ജനറല് മോട്ടോഴ്സിന്റെ ഓണ്സ്റ്റാര് യൂണിറ്റ് ഒരു ഉപഭോക്താവിന് പ്രതിമാസം 32 ഡോളര് വരുമാനം നൽകുന്നുണ്ടെന്നും അതിന്റെ മെച്ചപ്പെടുത്തിയ സൂപ്പർ ക്രൂയിസ് ഡ്രൈവർ-അസിസ്റ്റ് ഫീച്ചർ അതിനെ കൂടുതൽ ശക്തിപ്പെടുത്തുമെന്നും കാർലിസ്ൽ പറഞ്ഞു.
ഇൻ-വെഹിക്കിൾ സബ്സ്ക്രിപ്ഷനുകൾ ഉൾപ്പെടെയുള്ള പുതിയ ഡിജിറ്റൽ ഉൽപ്പന്നങ്ങളെ ജനറല് മോട്ടോഴ്സിന്റെ Ultifi സോഫ്റ്റ്വെയറും കണക്ടിവിറ്റി പ്ലാറ്റ്ഫോമും പിന്തുണയ്ക്കും. Ultifi ഓവർ-ദി-എയർ സോഫ്റ്റ്വെയർ അപ്ഡേറ്റുകൾ പ്രവർത്തനക്ഷമമാക്കുകയും ഓൺലൈൻ ഷോപ്പിംഗ് പോലുള്ള ജോലികളിൽ ഡ്രൈവർമാരെയും യാത്രക്കാരെയും സഹായിക്കുകയും ചെയ്യും.
ജിഎംസി ഹമ്മർ ഇവി, ഷെവർലെ സിൽവറഡോ ഇവി, കാഡിലാക് ലിറിക്, ഭാവിയിലെ മറ്റ് ഇലക്ട്രിക് വാഹനങ്ങൾ എന്നിവയിൽ ജിഎം ഇൻസ്റ്റാൾ ചെയ്യുന്ന വലിയ ഡിസ്പ്ലേകൾ പ്രയോജനപ്പെടുത്തുന്നതിനാണ് ചില ഡിജിറ്റൽ സവിശേഷതകൾ രൂപകൽപ്പന ചെയ്തിരിക്കുന്നതെന്ന് കാർലിസ്ലെ പറഞ്ഞു.
“ഞങ്ങളുടെ ഇവികളിലെ വലിയ സ്ക്രീനുകൾ കൂടുതൽ ഡാറ്റാധിഷ്ഠിത സോഫ്റ്റ്വെയർ ഉൽപ്പന്നങ്ങൾ ഉപഭോക്താക്കളിലേക്ക് എത്തിക്കാൻ ഞങ്ങളെ പ്രാപ്തരാക്കും..” അദ്ദേഹം പറഞ്ഞു.
പ്രതിമാസ, വാർഷിക, ആജീവനാന്ത സബ്സ്ക്രിപ്ഷനുകൾ ഉൾപ്പെടെ നിരവധി ഡിജിറ്റൽ ഫീച്ചറുകൾക്ക് വഴക്കമുള്ള വിലനിർണ്ണയ ഓപ്ഷനുകൾ ജനറല് മോട്ടോഴ്സ് പരിഗണിക്കുന്നുണ്ടെന്നും അദ്ദേഹം പറഞ്ഞു.
2030-ഓടെ ജനറല് മോട്ടോഴ്സിന്റെ വാർഷിക വരുമാനം ഏകദേശം 280 ബില്യൺ ഡോളറായി ഇരട്ടിയാക്കാൻ കഴിഞ്ഞ ഒക്ടോബറിൽ പ്രഖ്യാപിച്ച സിഇഒ മേരി ബാരയുടെ പദ്ധതിയുടെ ഭാഗമാണ് കൂടുതൽ ഡാറ്റാധിഷ്ഠിത സേവനങ്ങളുടെയും ഉൽപ്പന്നങ്ങളുടെയും വരവ് എന്നാണ് റിപ്പോര്ട്ടുകള്.
എലാൻട്രയെ ഔദ്യോഗിക വെബ്സൈറ്റിൽ നിന്ന് ഒഴിവാക്കി ഹ്യുണ്ടായി
ദക്ഷിണ കൊറിയന് (South Korea) വാഹന നിര്മ്മാതാക്കളായ ഹ്യുണ്ടായി ഇന്ത്യ (Hyundai India) കമ്പനിയുടെ ഔദ്യോഗിക വെബ്സൈറ്റിൽ നിന്ന് എലാൻട്ര സെഡാനെ ഒഴിവാക്കിയതായി റിപ്പോര്ട്ട്. കൊറിയൻ കാർ നിർമ്മാതാവിൽ നിന്നുള്ള മുൻനിര സെഡാൻ ഓഫറിന് 2019 ൽ മിഡ്-ലൈഫ് അപ്ഡേറ്റ് ലഭിച്ചു, കൂടാതെ ബിഎസ് 6 കംപ്ലയിന്റ് പെട്രോൾ, ഡീസൽ പവർട്രെയിനുകളിലും ഇത് വാഗ്ദാനം ചെയ്തു. ഹ്യുണ്ടായിയുടെ സിഗ്നേച്ചർ ഔട്ട്ലെറ്റുകൾ വഴി മാത്രമായിരുന്നു ഇത് ലഭ്യമായിരുന്നത്.
അതേസമയം 2020 മാർച്ചിൽ ആഗോളതലത്തിൽ അരങ്ങേറ്റം കുറിച്ച പുതിയ എലാൻട്രയെ ഹ്യുണ്ടായ് ഇന്ത്യയിൽ കൊണ്ടുവരുമോ എന്ന് ഇപ്പോഴും വ്യക്തമല്ല . തിരഞ്ഞെടുത്ത അന്താരാഷ്ട്ര വിപണികളിൽ പുതുതലമുറ മോഡലിന് പുതിയ സ്റ്റൈലിംഗ് നവീകരണങ്ങളും പുതുതായി രൂപകൽപ്പന ചെയ്ത ക്യാബിനും ഹൈബ്രിഡ്-പെട്രോൾ പവർട്രെയിനും ലഭിക്കുന്നു. എലാൻട്ര പട്ടികയില് നിന്ന് പുറത്തായതിനാൽ, പൂർണ്ണ വലുപ്പത്തിലുള്ള സെഡാൻ സ്പെയ്സിലെ നേരിട്ടുള്ള എതിരാളികളില്ലാത്ത ഏക സെഡാനായി സ്കോഡ ഒക്ടാവിയ മാറും.
DRL-കളുള്ള ഷാർപ്പ് എൽഇഡി ഹെഡ്ലാമ്പുകൾ, റാപ്പറൗണ്ട് സ്പ്ലിറ്റ് എൽഇഡി ടെയിൽ ലാമ്പുകൾ, ഫ്രണ്ട് വെന്റിലേറ്റഡ് സീറ്റുകൾ, ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയുള്ള എട്ട് ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ക്രൂയിസ് കൺട്രോൾ, ഇലക്ട്രിക് സൺറൂഫ്, ഡ്യുവൽ സോൺ ക്ലൈമറ്റ് എന്നിവയാണ് ഹ്യുണ്ടായ് എലാൻട്രയുടെ ഫീച്ചർ ഹൈലൈറ്റുകൾ.
152 bhp കരുത്തും 190 Nm ടോര്ഖും ഉത്പാദിപ്പിക്കാൻ ട്യൂൺ ചെയ്ത 2.0 ലിറ്റർ പെട്രോൾ എഞ്ചിനാണ് എലാൻട്രയ്ക്ക് കരുത്തേകുന്നത്. അതേസമയം, 1.5 ലിറ്റർ ഡീസൽ മിൽ 112 bhp കരുത്തും 250 Nm ടോര്ഖും ഉത്പാദിപ്പിക്കുന്നു. രണ്ട് പവർട്രെയിനുകളും ആറ് സ്പീഡ് മാനുവൽ, ആറ് സ്പീഡ് ഓട്ടോമാറ്റിക് ട്രാൻസ്മിഷൻ എന്നിവയിൽ ലഭ്യമാണ്.