രാജ്യത്തെ മുന്‍നിര ഇരുചക്ര വാഹന നിര്‍മ്മാതാക്കളായ ഹീറോ മോട്ടോര്‍ കോര്‍പ്പിന്‍റെ ഉപവിഭാഹമായ ഹീറോ ഇലക്ട്രിക് ഇവി മോട്ടോര്‍സ് ഇന്ത്യയുമായി പങ്കാളിത്തം പ്രഖ്യാപിച്ചു .
രാജ്യത്തെ മുന്‍നിര ഇരുചക്ര വാഹന നിര്‍മ്മാതാക്കളായ ഹീറോ മോട്ടോര്‍ കോര്‍പ്പിന്‍റെ ഉപവിഭാഹമായ ഹീറോ ഇലക്ട്രിക് ഇവി മോട്ടോര്‍സ് ഇന്ത്യയുമായി പങ്കാളിത്തം പ്രഖ്യാപിച്ചു . ഇ-കൊമേഴ്‌സ്, ഓണ്‍ലൈന്‍ ഭക്ഷണം, ഫ്ലീറ്റ് ഓപ്പറേറ്റര്‍മാര്‍, കൊറിയര്‍, ഡെലിവറി ബിസിനസുകള്‍ എന്നിവയുള്‍പ്പെടെ അവസാന മൈല്‍ ഡെലിവറി ഓപ്പറേറ്റര്‍മാരുടെ ആവശ്യങ്ങളും പ്രതീക്ഷകളും നിറവേറ്റുന്നതിനാണ് ഭാവി പദ്ധതികള്‍ രൂപകല്‍പ്പന ചെയ്തിരിക്കുന്നത് എന്നാണ് റിപ്പോര്‍ട്ടുകള്‍.
ഈ പങ്കാളിത്തത്തിന്റെ ഭാഗമായി ഇവിഎം അതിന്റെ ഹൈടെക് ബാറ്ററികളെ ഹീറോ ഇലക്ട്രിക് ബൈക്കുകളുമായി സംയോജിപ്പിക്കും. ഇവി മോട്ടോഴ്സ് സജ്ജീകരിച്ച ദ്രുത ചാര്‍ജിംഗ് സ്റ്റേഷന്‍ നെറ്റ്വര്‍ക്ക് പ്ലഗ് എന്‍ഗോ ഉപയോഗിച്ച് 30 മിനിറ്റിനുള്ളില്‍ ചാര്‍ജ് ചെയ്യാനും സാധിക്കും. ഈ ദ്രുത ചാര്‍ജ് സവിശേഷത പ്രതിദിനം വാഹനം 130 കിലോമീറ്റര്‍ മുതല്‍ 140 കിലോമീറ്റര്‍ വരെ സഞ്ചരിക്കാമെന്നും അവകാശപ്പെടുന്നു. മാത്രമല്ല അറ്റകുറ്റപ്പണികള്‍ക്കും പ്രവര്‍ത്തന ചെലവുകള്‍ കുറയ്ക്കുന്നതിനും ഇത് സഹായിക്കും.
മറ്റ് എപിഐകളുമായി സംയോജിപ്പിക്കാനുള്ള കഴിവ് ഇതിന് ഉണ്ട്. വാഹനം നിരീക്ഷിക്കുന്നതിനും നിയന്ത്രിക്കുന്നതിനും, മാത്രമല്ല വാഹന ഡയഗ്നോസ്റ്റിക്സ്, റൈഡ് സ്റ്റാറ്റിസ്റ്റിക്സ്, സ്മാര്‍ട്ട് ബാറ്ററി മാനേജ്‌മെന്റ് സിസ്റ്റം എന്നിവ പോലുള്ള AI- പ്രാപ്തമാക്കിയ ഒന്നിലധികം സവിശേഷതകളും ഇത് അനുവദിക്കുന്നതായി കമ്പനികള്‍ പറയുന്നു.
നിരവധി വ്യക്തികളില്‍ വ്യാപിച്ചുകിടക്കുന്ന വാഹനങ്ങളുടെ ഉടമസ്ഥാവകാശം, ധനസഹായത്തിനുള്ള പ്രവേശനം, ഇവി ചാര്‍ജിംഗ് ഇന്‍ഫ്രാസ്ട്രക്ചര്‍, ബാറ്ററി പ്രകടനം, വാഹനങ്ങളുടെ പ്രവര്‍ത്തന സമയം, സേവന പ്രശ്നങ്ങള്‍ എന്നിവ ഉള്‍പ്പെടെയുള്ള നിര്‍ണായക വെല്ലുവിളികളെ അഭിമുഖീകരിക്കുന്നതായി ഇവി മോട്ടോര്‍സ് വ്യക്തമാക്കുന്നു.