ഗരുഡനും സമുറായിയും വശങ്ങളില്; പുത്തന് CBR 250RRമായി ഹോണ്ട
Synopsis
ഒരു ഗരുഡന്റെ ചിത്രം ബൈക്കിന്റെ ഇടതുവശത്ത്, സ്വർണ്ണ വർണ്ണത്തിൽ ആലേഖനം ചെയ്തിരിക്കുന്നു. ചുവന്ന നിറത്തിൽ പൂർത്തിയാക്കിയ ഒരു സമുറായിയുടെ രൂപവും മോട്ടോർസൈക്കിളിന്റെ വലതുവശത്ത് ലഭിക്കുന്നു.
ജാപ്പനീസ് ഇരുചക്ര വാഹന നിര്മ്മാതാക്കളായ ഹോണ്ട CBR 250RR -ന്റെ പുതിയ ലിമിറ്റഡ് എഡിഷൻ പതിപ്പ് ഇന്തോനേഷ്യൻ വിപണിയിൽ പുറത്തിറക്കി. ഗരുഡ X സമുറായ് എന്നാണ് പ്രത്യേക ഗ്രാഫിക്സ് നല്കിയിരിക്കുന്ന മോഡലിന്റെ പേര്.
ഒരു ഗരുഡന്റെ ചിത്രം ബൈക്കിന്റെ ഇടതുവശത്ത്, സ്വർണ്ണ വർണ്ണത്തിൽ ആലേഖനം ചെയ്തിരിക്കുന്നു. ചുവന്ന നിറത്തിൽ പൂർത്തിയാക്കിയ ഒരു സമുറായിയുടെ രൂപവും മോട്ടോർസൈക്കിളിന്റെ വലതുവശത്ത് ലഭിക്കുന്നു.
വ്യത്യസ്തമായ സ്വർണ്ണ നിറത്തിലുള്ള വീലുകളും ബൈക്കിന് ലഭിക്കുന്നു. മോട്ടോർ സൈക്കിൾ ബോഡിയിലുടനീളം കറുത്ത നിറത്തിൽ ഒരുങ്ങിയിരിക്കുന്നു. മോട്ടോർസൈക്കിളിന്റെ മുൻവശത്ത് ഒരു ജോഡി USD ഷോവ ഫോർക്കുകളും പിന്നിൽ അഞ്ച്-തരത്തിൽ ക്രമീകരിക്കാവുന്ന മോണോഷോക്കും ലഭ്യമാണ്.
പിന്നിൽ അമ്പടയാളത്തിന്റെ ആകൃതിയിലുള്ള എൽഇഡി ബ്രേക്ക് ലൈറ്റുകളും മുന്നിൽ അഗ്രസ്സീവ് സ്പ്ലിറ്റ് ഹെഡ്ലൈറ്റ് ഡിസൈനും ഉയരമുള്ള സവിശേഷ വിൻഡ്സ്ക്രീനും ലഭിക്കും. വളരെ വലിയ രൂപകൽപ്പനയാണ് എക്സ്ഹോസ്റ്റ് കാനിസ്റ്ററിന്. മുൻവശത്ത് 310 mm ഡിസ്കും, പിന്നിൽ 240 mm ഡിസ്കും ബ്രേക്കിംഗ് ചുമതലകൾ കൈകാര്യം ചെയ്യുന്നു.
249.7 സിസി, വാട്ടർ-കൂൾഡ്, ഇൻലൈൻ-ട്വിൻ പെട്രോൾ എഞ്ചിനാണ് മോട്ടോർസൈക്കിളിന്റെ ഹൃദയം. ഈ എഞ്ചിന് പരമാവധി 13,000 rpm- ൽ 41 bhp കരുത്തും 11,000 rpm -ൽ 25 Nm ടോർക്കും ഉത്പാദിപ്പിക്കും. ഈ മോട്ടോർ സ്റ്റാൻഡേർഡായി സ്ലിപ്പർ ക്ലച്ചിനൊപ്പം ആറ് സ്പീഡ് സീക്വൻഷൽ ഗിയർബോക്സാണ് ട്രാന്സ്മിഷന്.
പ്രാദേശിക വിപണിയില് 2021 CBR 250 RRനെ കമ്പനി അടുത്തിടെയാണ് അവതരിപ്പിച്ചത്. അപ്ഡേറ്റുചെയ്ത മോട്ടോര്സൈക്കിള് കൂടുതല് പവറും ടോര്ക്കും ഉല്പാദിപ്പിക്കും. അതോടൊപ്പം പുതിയ നിറങ്ങളും നല്കിയിട്ടുണ്ട്. പുതിയ മോഡലില് കമ്പനി ഡിസൈന് മാറ്റങ്ങളൊന്നും നടപ്പാക്കിയിട്ടില്ല. എന്നാല് 2021 CBR 250 RR -ന്റെ 249 സിസി ഇരട്ട സിലിണ്ടര് എഞ്ചിനില് ഹോണ്ട നിരവധി മാറ്റങ്ങള് വരുത്തിയിട്ടുണ്ട്.