Honda City Hybrid : ഹോണ്ട സിറ്റി ഹൈബ്രിഡ് ഏപ്രിൽ 14ന് ഇന്ത്യയിൽ എത്തും

ഹോണ്ടയുടെ ഏറെ പ്രതീക്ഷയോടെ കാത്തിരിക്കുന്ന സിറ്റി e:HEV ഏപ്രിൽ 14-ന് ഇന്ത്യയിൽ ഔദ്യോഗികമായി അവതരിപ്പിക്കും

ജാപ്പനീസ് (Japanese) വാഹന നിർമ്മാതാക്കളായ ഹോണ്ട (Honda)യുടെ ഏറെ പ്രതീക്ഷയോടെ കാത്തിരിക്കുന്ന സിറ്റി e:HEV ഏപ്രിൽ 14-ന് ഇന്ത്യയിൽ ഔദ്യോഗികമായി അവതരിപ്പിക്കും. അടുത്തിടെ, തായ്‌ലൻഡ് മോട്ടോർ ഷോയിൽ ഗ്രില്ലിൽ RS ബാഡ്‍ജുമായി ഹോണ്ട സിറ്റി ഹൈബ്രിഡ് അവതരിപ്പിച്ചിരുന്നു. എന്നിരുന്നാലും, ഇന്ത്യൻ വിപണിയിൽ കമ്പനി സിറ്റി ഹൈബ്രിഡ് റെഗുലർ വേരിയന്റ് ഓപ്ഷനുകളിൽ അവതരിപ്പിച്ചേക്കാം. കൂടാതെ,  സുരക്ഷാ സംവിധാനങ്ങളുള്ള ഹോണ്ട സെൻസിംഗ് സാങ്കേതികവിദ്യ വാഹനം വാഗ്‍ദാനം ചെയ്യും എന്നും കാര്‍ വാലെ റിപ്പോര്‍ട്ട് ചെയ്യുന്നു. 

വരാനിരിക്കുന്ന ഹോണ്ട സിറ്റി e:HEV 1.5 ലിറ്റർ, നാല് സിലിണ്ടർ, രണ്ട് ഇലക്ട്രിക് മോട്ടോറുകളും ഒരു ലിഥിയം-അയൺ ബാറ്ററിയും ഉള്ള നാച്ചുറലി ആസ്പിറേറ്റഡ് അറ്റ്കിൻസൺ സൈക്കിൾ പെട്രോൾ എഞ്ചിനാണ് നൽകുന്നത്. കൂടാതെ, പരമാവധി കാര്യക്ഷമതയ്ക്കായി ഇത് ഐഡില്‍ സ്റ്റാര്‍ട്ട് സ്റ്റോപ്പ് സംവിധാനം വാഗ്ദാനം ചെയ്യും. 
പെട്രോൾ എഞ്ചിൻ 97ബിഎച്ച്പിയും 127എൻഎം ടോർക്കും ഉൽപ്പാദിപ്പിക്കുമ്പോൾ ഇലക്ട്രിക് പവർട്രെയിനുമായി ചേർന്ന് 108ബിഎച്ച്പിയും 253എൻഎം ടോർക്കും ഉൽപ്പാദിപ്പിക്കും. സിറ്റി e:HEV വയർ വഴി ഷിഫ്റ്റ് ഉള്ള ഏഴ് സ്പീഡ് DCT ആയിരിക്കും ട്രാന്‍സ്‍മിഷന്‍. കുറഞ്ഞ വേഗതയിൽ പൂര്‍ണമായ ഇലക്ട്രിക് മോഡിൽ പ്രവർത്തിക്കാൻ വാഹനത്തിന് കഴിയും. 

വരാനിരിക്കുന്ന ഹോണ്ട സിറ്റി ഹൈബ്രിഡ് സാധാരണ മോഡലിനേക്കാൾ ഭാരമുള്ളതായിരിക്കുമെന്ന് പ്രതീക്ഷിക്കുന്നു. ഇന്റീരിയർ ഫീച്ചർ ഹൈലൈറ്റുകളിൽ ഭൂരിഭാഗവും സാധാരണ മോഡലിൽ നിന്ന് നിലനിർത്തുമെന്ന് പ്രതീക്ഷിക്കുന്നു. പുതുമയ്‌ക്കായി, ഇത് ഒരു 3D പ്രകാശിത മീറ്റർ ക്ലസ്റ്റർ വാഗ്ദാനം ചെയ്യും. പുതിയ ഫീച്ചറുകളെക്കുറിച്ചും ടെക്നോളജി ഹൈലൈറ്റുകളെക്കുറിച്ചും കൂടുതൽ വിശദാംശങ്ങൾ വാഹനത്തിന്റെ ഔദ്യോഗിക അനാച്ഛാദന വേളയിൽ പുറത്തുവരും എന്നാണ് റിപ്പോര്‍ട്ടുകള്‍.

ഹോണ്ട എച്ച്ആര്‍-വി ഇന്തോനേഷ്യന്‍ വിപണിയില്‍

ജാപ്പനീസ് (Japanese) വാഹന ബ്രാന്‍ഡായ ഹോണ്ട, ഇന്തോനേഷ്യൻ (Indonesia) വിപണിയിൽ മൂന്നാം തലമുറ HR-V അവതരിപ്പിച്ചതായി റിപ്പോര്‍ട്ട്. ടർബോ-ചാർജ്‍ഡ് എഞ്ചിനിലാണ് വാഹനം എത്തുന്നത് എന്നും നാല് ട്രിം തലങ്ങളിൽ വാഗ്‍ദാനം ചെയ്യുന്ന ഏറ്റവും പുതിയ ഹോണ്ട HR-V ലോകത്തിലെ ഏറ്റവും ശക്തമായ പെട്രോൾ പതിപ്പാണ് എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. ഏറ്റവും മികച്ച RS ട്രിം പതിപ്പിന് 499.9 മില്ല്യണ്‍ ഇന്തോനേഷ്യന്‍ റുപിയ (ഏകദേശം 26.60 ലക്ഷം ഇന്ത്യന്‍ രൂപ) ആണ് വിലയെന്നും പ്രാരംഭ പതിപ്പിന് 355.9 മില്ല്യണ്‍ ഇന്തോനേഷ്യന്‍ റുപിയ അല്ലെങ്കിൽ ഏകദേശം19 ലക്ഷം രൂപ ആണെന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. 

ഹോണ്ട എച്ച്ആർ-വിയുടെ നാല് ട്രിം ലെവലുകൾ ഉള്ളപ്പോൾ , 175 എച്ച്പി പവറും 240 എൻഎം ടോർക്കും നൽകുന്ന 1.5 ലിറ്റർ ടർബോ പെട്രോൾ മോട്ടോർ ലഭിക്കുന്നത് RS പതിപ്പിന് മാത്രമാണ്. നിലവിൽ ചൈനയിൽ മാത്രം വിൽക്കുന്ന വാഹനത്തിന്റെ ഇലക്ട്രിക് പതിപ്പ് മാത്രമാണ് ഈ കണക്കുകൾ മെച്ചപ്പെടുത്തുന്നത്.

ഹോണ്ട HR-V RS-ന്റെ കരുത്തുറ്റ രൂപം ഉറപ്പാക്കുന്ന, ധാരാളം ബോഡി കിറ്റുകൾ, ഡ്യുവൽ എക്‌സ്‌ഹോസ്റ്റ് പൈപ്പ് ഔട്ട്‌ലെറ്റുകൾ, 'RS' ബാഡ്‍ജ് എന്നിവയ്‌ക്കൊപ്പം വളരെ സ്‌പോർട്ടി വിഷ്വൽ ഭാഷയുമാണ് ബാഹ്യ രൂപകൽപ്പനയിലുള്ളത്. അകത്ത്, എച്ച്ആർ-വിയുടെ ആർഎസ് വേരിയന്റിൽ ഇഷ്‌ടാനുസൃതമാക്കാൻ കഴിയുന്ന ഏഴ് ഇഞ്ച് ടിഎഫ്‌ടി സ്‌ക്രീൻ, നാല് സ്പീക്കറുകൾ പ്ലസ് ടു ട്വീറ്റർ യൂണിറ്റ്, റെഡ് കോൺട്രാസ്റ്റ് സ്റ്റിച്ചിംഗ് ഉള്ള ബ്ലാക്ക് ലെതർ അപ്‌ഹോൾസ്റ്ററി, മൂന്ന് ഡ്രൈവ് മോഡുകൾ, ഹാൻഡ്‌സ് ഫ്രീ ടെയിൽഗേറ്റ് തുടങ്ങിയവയും ഉണ്ട്. 

മികച്ച രൂപവും ഡ്രൈവ് പവറും ഉപയോഗിച്ച് സുരക്ഷിതമായ ഡ്രൈവ് വാഹനം ഉറപ്പാക്കുന്നു. അതുപോലെ തന്നെ, ഏറ്റവും പുതിയ HR-V-ക്ക് നിരവധി ഡ്രൈവർ അസിസ്റ്റൻസ് ഫീച്ചറുകൾ നൽകുന്ന സുരക്ഷാ ഫീച്ചറുകളുടെ ഹോണ്ട സെൻസിംഗ് സ്യൂട്ടും ലഭിക്കുന്നു. ആറ് എയർബാഗുകളും ഓഫറിലുണ്ട്.

പല ആഗോള വിപണികളിലും, എച്ച്ആർ-വിക്ക് ഒരു ഹൈബ്രിഡ് പവർട്രെയിൻ ലഭിക്കുന്നുണ്ട്. എന്നാൽ ഇത് ഇന്തോനേഷ്യയിൽ നിന്ന് ഫിലിപ്പീൻസ് പോലുള്ള മറ്റ് വിപണികളിലേക്കും കൊണ്ടുപോകാൻ സാധ്യതയുള്ള ആർഎസ് പതിപ്പാണ്. ജപ്പാൻ, തെക്ക്-കിഴക്കൻ ഏഷ്യ, യുണൈറ്റഡ് സ്‌റ്റേറ്റ്‌സ് എന്നിവിടങ്ങളിൽ പോലും HR-V ഒരു ജനപ്രിയമായ മോഡല്‍ ആണ്. ഇന്ത്യയിൽ, ഹോണ്ട മോഡലിനെ പരിഗണിക്കുന്നുണ്ടെന്ന് മുമ്പ് നിരവധി റിപ്പോർട്ടുകൾ വന്നിരുന്നു എങ്കിലും കാത്തിരിപ്പ് നീളുകയാണ്. ഹോണ്ട കാർസ് ഇന്ത്യ മൊബിലിയോ, ബിആർ-വി, സിആർ-വി എന്നിവയെ അതിന്റെ പോർട്ട്‌ഫോളിയോയിൽ നിന്ന് ഒഴിവാക്കിയതിനാൽ, നിലവിൽ എസ്‌യുവിയോ എംപിവിയോ രാജ്യത്ത് ഓഫർ ചെയ്യാനില്ല എന്നാണ് റിപ്പോര്‍ട്ടുകള്‍.