ഇതാ പുതിയ ഹ്യൂണ്ടായി ക്രെറ്റ എൻ-ലൈൻ; ഇന്ത്യയിലേക്ക് വരുമോ?
Synopsis
ഡിസൈനിനെക്കുറിച്ച് പറയുകയാണെങ്കിൽ, ഡാർക്ക് ക്രോം ട്രീറ്റ്മെന്റും അതിനു മുകളിൽ തിരശ്ചീനമായി സ്ഥാപിച്ചിരിക്കുന്ന വെന്റും ഉള്ള ഒരു പുതിയ പാരാമെട്രിക് ഗ്രില്ലാണ് മോഡലില് ഉള്ളത്. ഫ്രണ്ട് ബമ്പറിന് സാധാരണ മോഡലിനേക്കാൾ ഉയരമുണ്ട്. ഇതിന് വലിയ എയർ-ഇന്റേക്ക് ഉണ്ട്.
അടുത്തിടെ, ദക്ഷിണ കൊറിയൻ വാഹന നിർമ്മാതാക്കളായ ഹ്യുണ്ടായ് പുതിയ ക്രെറ്റ എൻ-ലൈൻ എസ്യുവി അകത്തും പുറത്തും സ്പോർട്ടി ഘടകങ്ങൾ അവതരിപ്പിച്ചിരുന്നു. ആഗോള ഹ്യൂണ്ടായ് എൻ-ലൈൻ ശ്രേണിയിൽ കണ്ടതുപോലെ ചെറിയ മെക്കാനിക്കൽ നവീകരണങ്ങളും നടത്തിയിട്ടുണ്ട്. ഡിസൈനിനെക്കുറിച്ച് പറയുകയാണെങ്കിൽ, ഡാർക്ക് ക്രോം ട്രീറ്റ്മെന്റും അതിനു മുകളിൽ തിരശ്ചീനമായി സ്ഥാപിച്ചിരിക്കുന്ന വെന്റും ഉള്ള ഒരു പുതിയ പാരാമെട്രിക് ഗ്രില്ലാണ് മോഡലില് ഉള്ളത്. ഫ്രണ്ട് ബമ്പറിന് സാധാരണ മോഡലിനേക്കാൾ ഉയരമുണ്ട്. ഇതിന് വലിയ എയർ-ഇന്ടേക്ക് ഉണ്ട്.
Hyundai Safety : ഇടിപരിക്ഷയില് മൂന്നു സ്റ്റാർ റേറ്റിംഗ് നേടി ഈ ഹ്യുണ്ടായി വാഹനങ്ങള്
പുതുതായി രൂപകൽപന ചെയ്ത ത്രികോണാകൃതിയിലുള്ള ഫോഗ് ലാമ്പുകളും ഫ്രണ്ട് ഫെൻഡറിലെ 'ക്രേറ്റ എൻ ലൈൻ' ബാഡ്ജും അതിന്റെ പോർട്ട്ഫോളിയോയിൽ കൂടുതൽ വ്യത്യാസം കാണിക്കുന്നു. എൽഇഡി ഹെഡ്ലാമ്പുകൾ സാധാരണ മോഡലിന് സമാനമാണ്. പുതിയ സൈഡ് സ്കർട്ടുകൾ, പുതുതായി രൂപകൽപന ചെയ്ത 17 ഇഞ്ച് അലോയി വീലുകൾ, വിൻഡോ ലൈനിലെ ഇരുണ്ട ഭാഗങ്ങൾ എന്നിവ അതിന്റെ സൈഡ് പ്രൊഫൈലിനെ വ്യത്യസ്തമാക്കുന്നു. പുതിയ ക്രെറ്റ എൻ-ലൈനിൽ ഫോക്സ് ഡിഫ്യൂസർ, എൻ ലൈൻ സിഗ്നേച്ചർ, പിൻഭാഗത്ത് ഇരട്ട എക്സ്ഹോസ്റ്റ് ടിപ്പുകൾ എന്നിവയും ഉൾപ്പെടുന്നു.
വെബ്സൈറ്റിൽ ഹ്യൂണ്ടായ് അയോണിക് 5നെ ലിസ്റ്റ് ചെയ്ത് ഹ്യുണ്ടായി ഇന്ത്യ
ക്യാബിനിനുള്ളിൽ, പുതിയ ഹ്യുണ്ടായ് ക്രെറ്റ എൻ-ലൈനിന് എൻ ലൈൻ തീം ഗിയർ നോബും സ്റ്റിയറിംഗ് വീലും അപ്ഹോൾസ്റ്ററിയിൽ സ്പോർട്ടി റെഡ് സ്റ്റിച്ചിംഗും സീറ്റുകളിൽ ബാഡ്ജിംഗും ഉണ്ട്. ഇതിന്റെ ബാക്കി സവിശേഷതകൾ സാധാരണ ക്രെറ്റയ്ക്ക് സമാനമാണ്. ആഗോള വിപണിയിൽ, ഹ്യുണ്ടായ് ക്രെറ്റ എൻ ലൈനിൽ 118 ബിഎച്ച്പി കരുത്തേകുന്ന 1.0ലിറ്റർ ടർബോ പെട്രോൾ എഞ്ചിനാണ് വരുന്നത്. പ്രകടനം മെച്ചപ്പെടുത്തുന്നതിനായി കാർ നിർമ്മാതാവ് അതിന്റെ സസ്പെൻഷൻ സജ്ജീകരണവും ട്യൂൺ ചെയ്യും.
കിയ ഇവി6 ഇന്ത്യയില്, വില 59.95 ലക്ഷം മുതല്
ഹ്യുണ്ടായ് ക്രെറ്റ എൻ ലൈൻ ഇന്ത്യ ലോഞ്ച്
നിലവിൽ, അതിന്റെ ഇന്ത്യയിൽ ലോഞ്ച് ചെയ്യുന്നതിനെക്കുറിച്ച് ഔദ്യോഗിക അറിയിപ്പുകള് ഒന്നുമില്ല. എന്നിരുന്നാലും, 2023-ന്റെ തുടക്കത്തിൽ വരാനിരിക്കുന്ന ക്രെറ്റ ഫെയ്സ്ലിഫ്റ്റിനൊപ്പം ഇത് ഇവിടെ എത്തുമെന്ന് പ്രതീക്ഷിക്കുന്നതായി ഇന്ത്യാ കാര് ന്യൂസ് റിപ്പോര്ട്ട് ചെയ്യുന്നു. 138 ബിഎച്ച്പിയുടെ പീക്ക് പവർ പുറപ്പെടുവിക്കുന്ന 1.4 എൽ ടർബോ പെട്രോൾ എഞ്ചിൻ ഇന്ത്യയില് ഈ എസ്യുവിക്ക് നൽകിയേക്കാം. ഇത് കിയ സെൽറ്റോസ് ജിടി-ലൈനിനെയും എംജി ഹെക്ടറിന്റെയും ടാറ്റ ഹാരിയറിന്റെയും ഉയർന്ന വേരിയന്റുകളേയും നേരിടും. സാധാരണ മോഡലുമായി താരതമ്യപ്പെടുത്തുമ്പോൾ, ക്രെറ്റ എൻ-ലൈനിന് തീർച്ചയായും വില കൂടുതലായിരിക്കും.
Kia EV : എണ്ണ വേണ്ടാ വണ്ടി വിപ്ലവത്തിന് കിയ, വരുന്നത് 14 ഇവികള്