കിയ കാരൻസ് ഫെയ്‌സ്‌ലിഫ്റ്റ്; പുതിയ രൂപം, സവിശേഷതകൾ

കിയയുടെ ജനപ്രിയ എംപിവി കാരൻസിന് ഒരു മിഡ്-ലൈഫ് അപ്‌ഡേറ്റ് ലഭിക്കുന്നു. പുതിയ രൂപകൽപ്പന, പുതിയ സവിശേഷതകൾ, മെച്ചപ്പെട്ട പവർട്രെയിൻ എന്നിവയോടെ 2025 അവസാനത്തോടെ പുതിയ കാരൻസ് ഇന്ത്യയിൽ പുറത്തിറങ്ങും. കാരൻസ് ഇവി വേരിയന്റും പുറത്തിറങ്ങാൻ സാധ്യതയുണ്ട്.

രാജ്യത്തെ മുൻനിര കാർ നിർമ്മാതാക്കളായ കിയ അവരുടെ ജനപ്രിയ എംപിവി കാരൻസിന് ഒരു മിഡ്-ലൈഫ് അപ്‌ഡേറ്റ് നൽകാൻ തയ്യാറെടുക്കുകയാണ്. പരീക്ഷണ വേളയിൽ കിയ കാരെൻസ് ഫെയ്‌സ്‌ലിഫ്റ്റ് പലതവണ കണ്ടിട്ടുണ്ട്. 2025 അവസാനത്തോടെ പുതിയ കാരൻസ് ഇന്ത്യയിൽ പുറത്തിറങ്ങുമെന്ന് നിരവധി റിപ്പോർട്ടുകൾ അവകാശപ്പെടുന്നു. പുതിയ കാരൻസിന്റെ സാധ്യമായ സവിശേഷതകളെക്കുറിച്ചും പവർട്രെയിനിനെക്കുറിച്ചും വിശദമായി അറിയാം.

ഡിസൈൻ
പുതിയ കിയ കാരെൻസിന് പുതിയ രൂപം നൽകിയിട്ടുണ്ട്. സ്ലീക്ക് എൽഇഡി ലൈറ്റ് ബാർ വഴി ബന്ധിപ്പിച്ചിരിക്കുന്ന പുതുതായി രൂപകൽപ്പന ചെയ്ത എൽഇഡി ഹെഡ്‌ലാമ്പ് ക്ലസ്റ്ററാണ് ഇതിൽ ഉള്ളത്. അതേസമയം, മുൻവശത്ത് പുതിയ ഇൻസേർട്ടുകളുള്ള ഒരു പുതുക്കിയ ഗ്രില്ലും ഉണ്ടാകും. ഇതിന്റെ പ്രൊഫൈൽ മെച്ചപ്പെടുത്തുന്നതിനായി പുതിയൊരു കൂട്ടം ഡ്യുവൽ-ടോൺ അലോയ് വീലുകൾ ഇതിൽ ചേർക്കും.

പവർട്രെയിൻ
പുതിയ കാരൻസിന് രണ്ട് പെട്രോൾ എഞ്ചിനുകളും ഒരു ഡീസൽ എഞ്ചിനും പവർട്രെയിനായി ഉണ്ടായിരിക്കും. 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ, 1.5 ലിറ്റർ ഡീസൽ എഞ്ചിൻ, 1.5 ലിറ്റർ ടർബോ പെട്രോൾ എഞ്ചിൻ എന്നിവയാണ് എംപിവിയുടെ കരുത്ത്.

മികച്ച സുരക്ഷ
സുരക്ഷയ്ക്കായി, എംപിവിയിൽ 360-ഡിഗ്രി ക്യാമറ സിസ്റ്റവും ലെവൽ-2 ADAS സ്യൂട്ടും നൽകാം. ഇതിനുപുറമെ, കാറിന്റെ ക്യാബിനിൽ നിരവധി ഫീച്ചർ അപ്‌ഗ്രേഡുകളും ഉപഭോക്താക്കൾക്ക് കാണാൻ കഴിയും. പുതിയ കിയ കാരെൻസിന്റെ ലോഞ്ച് തീയതി സംബന്ധിച്ച് കമ്പനി ഇതുവരെ ഔദ്യോഗിക വെളിപ്പെടുത്തലുകളൊന്നും നടത്തിയിട്ടില്ല. 

കാരൻസ് ഇവി                                                                                                                                                                                                                                ഈ വർഷം അവസാനത്തോടെ എത്തുമെന്ന് പ്രതീക്ഷിക്കുന്ന കാരൻസ് ഇവിയിലും കമ്പനി പ്രവർത്തിക്കുന്നതായി റിപ്പോർട്ടുകൾ ഉണ്ട്. ഇതിന്‍റെ ഔദ്യോഗിക വിശദാംശങ്ങൾ ഇപ്പോഴും വ്യക്തമല്ല. എങ്കിലും ഈ കോംപാക്റ്റ് എംപിവിയിൽ പുതിയ ഹ്യുണ്ടായ് ക്രെറ്റ ഇലക്ട്രിക്കിൽ നിന്ന് 51.4kWh ബാറ്ററി പായ്ക്ക് ഉൾപ്പെടുത്തിയേക്കാം എന്നാണ് റിപ്പോർട്ടുകൾ.