തദ്ദേശീയമായി വികസിപ്പിച്ച ഇലക്ട്രിക് കാറുമായി കിയ ഇന്ത്യ

ഇന്ത്യൻ വിപണിയിൽ ഒന്നിലധികം പുതിയ മോഡലുകൾ നിർമ്മിക്കാനുള്ള ശ്രമത്തിലാണ് കമ്പനി

ഹ്യുണ്ടായ് ഗ്രൂപ്പ് ഇന്ത്യൻ വിപണിയിൽ തദ്ദേശീയമായി വികസിപ്പിച്ച ഇലക്‌ട്രിക് വാഹനങ്ങൾ നിർമ്മിക്കുന്നതായി നേരത്തെ റിപ്പോര്‍ട്ടുകള്‍ ഉണ്ടായിരുന്നു. ഹ്യുണ്ടായ് നിലവിൽ ക്രെറ്റ എസ്‌യുവിയുടെ ഇലക്ട്രിക് പതിപ്പ് പരീക്ഷിച്ചുകൊണ്ടിരിക്കുകയാണ്. ഇത് 2024 അവസാനമോ 2025 ആദ്യമോ പുറത്തിറക്കുമെന്ന് പ്രതീക്ഷിക്കുന്നു. അതുപോലെ തന്നെ, ഇന്ത്യൻ വിപണിയിൽ പരിഗണിക്കപ്പെടുന്ന ആഗോള വിപണികൾക്കായി ഹ്യുണ്ടായിയുടെ സഹോദരസ്ഥാപനമായ കിയ ഒന്നിലധികം ഇവികളിലും പ്രവർത്തിക്കുന്നു. അടുത്ത രണ്ട് വർഷത്തിനുള്ളിൽ രണ്ടക്ക വിപണി വിഹിതം പിടിച്ചെടുക്കാനാണ് കമ്പനി ലക്ഷ്യമിടുന്നതെന്നാണ് റിപ്പോര്‍ട്ടുകള്‍. 

ഇന്ത്യൻ വിപണിയിൽ ഒന്നിലധികം പുതിയ മോഡലുകൾ നിർമ്മിക്കാനുള്ള ശ്രമത്തിലാണ് കമ്പനി. ഉൽപ്പന്ന പോർട്ട്‌ഫോളിയോ വിപുലീകരിക്കുന്നതിനായി, കിയ ഇന്ത്യ കൂടുതൽ വിനോദ വാഹനങ്ങൾ (എസ്‌യുവികളും എംപിവികളും) അവതരിപ്പിക്കാൻ പദ്ധതിയിടുന്നു. 2025-ൽ ആദ്യ ലോഞ്ച് ഷെഡ്യൂൾ ചെയ്‌ത് ഇന്ത്യയിൽ ഇലക്ട്രിക് വാഹനങ്ങൾ പ്രാദേശികവൽക്കരിക്കാൻ കമ്പനി പദ്ധതിയിടുന്നതായി അദ്ദേഹം സ്ഥിരീകരിച്ചു. തദ്ദേശീയമായി വികസിപ്പിച്ച ആദ്യത്തെ കിയ ഒരു പുതിയ വിനോദ വാഹനമോ ആര്‍വി ബോഡി തരമോ ആയിരിക്കും.

മൊത്തം പാസഞ്ചർ വാഹന വിൽപ്പനയിൽ ഏകദേശം അഞ്ച് ശതമാനം കയറ്റത്തോടെ 2025 ഓടെ ഇവി വിൽപ്പന പ്രതിവർഷം രണ്ട് ലക്ഷം മാർക്കിൽ എത്തുമെന്ന് കിയ വിശ്വസിക്കുന്നു. കിയ ഇതിനകം തന്നെ കാരൻസ് എംപിവിയെ വിനോദ വാഹനം എന്ന പേരില്‍ വിപണനം ചെയ്യുന്നുണ്ട്. നിലവിലുള്ള ഐസിഇ പ്ലാറ്റ്‌ഫോമിന്റെ പരിഷ്‌ക്കരിച്ച പതിപ്പിനെ അടിസ്ഥാനമാക്കിയായിരിക്കും പുതിയ ഇലക്ട്രിക് വാഹനം. ഹ്യുണ്ടായ് ക്രെറ്റയ്ക്കും ഒരു ഇലക്ട്രിക് ഡെറിവേറ്റീവ് ഉണ്ടായിരിക്കുമെന്നതിനാൽ, പുതിയ ഇവി സെൽറ്റോസ് എസ്‌യുവിയുടെ ഇലക്ട്രിക് പതിപ്പും ആകാൻ സാധ്യതയുണ്ട്.

വൈദ്യുത പവർട്രെയിനോടുകൂടിയ ഒരു ചെറിയ എസ്‌യുവിയും രാജ്യത്ത് അവതരിപ്പിക്കാൻ കിയ പദ്ധതിയിടുന്നതായി നേരത്തെ റിപ്പോർട്ടുകൾ ഉണ്ടായിരുന്നു. എവൈ എന്ന കോഡ്‌നാമത്തിൽ, പുതിയ ഇവി 2025-ഓടെ പുറത്തിറങ്ങുമെന്ന് പ്രതീക്ഷിക്കുന്നു. ഈ ഇവി ഒരു ഫ്ലെക്സിബിൾ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും. ഇത് ഒരു മാസ് മാർക്കറ്റ് എൻട്രി ലെവൽ പെട്രോൾ എസ്‌യുവിക്ക് അടിസ്ഥാനമിടും. ക്രെറ്റയ്ക്കും സോനെറ്റ് എസ്‌യുവിക്കും ഇടയിലാണ് പുതിയ ഇവിയുടെ സ്ഥാനം.

കിയയുടെ അനന്തപൂർ നിർമ്മാണ കേന്ദ്രം നൂതന സാങ്കേതിക വിദ്യകളാൽ സജ്ജമാണെന്നും ഈ ഇവികൾ പുറത്തിറക്കാൻ തയ്യാറാണെന്നും കമ്പനി പറയുന്നു.  ഇന്ത്യയിൽ ഇവി തന്ത്രത്തിന്റെ പാതയിലാണ് കിയ എന്നും 2025 ൽ 'മെയ്ക്ക് ഇൻ ഇന്ത്യ' താങ്ങാനാവുന്ന ഇവി അവതരിപ്പിക്കാൻ പോകുകയാണ് എന്നുമാണ് റിപ്പോര്‍ട്ടുകള്‍.