ഫാമിലികൾ കാത്തിരിക്കുന്നു! എപ്പോഴാണ് പുതിയ റെനോ ഡസ്റ്റർ ഇന്ത്യയിൽ എത്തുക?

വീണ്ടും റെനോ ഡസ്റ്റർ ഇന്ത്യയിൽ അവതരിപ്പിക്കാനുള്ള ഒരുക്കത്തിലാണ് ഇപ്പോൾ കമ്പനി. 2024-ൻ്റെ അവസാനത്തിൽ ഇന്ത്യയിൽ നടത്തിയ പരീക്ഷണത്തിനിടെയിലാണ് ഈ കാർ ആദ്യമായി കണ്ടത്. 2026ൽ പുതിയ ഡസ്റ്റർ ഇന്ത്യയിലെത്തുമെന്ന് പുതിയ പല റിപ്പോർട്ടുകളും അവകാശപ്പെടുന്നു.

ഫ്രഞ്ച് വാഹന ബ്രാൻഡായ റെനോയുടെ ജനപ്രിയ എസ്‌യുവി ഡസ്റ്റർ ഇന്ത്യൻ ഉപഭോക്താക്കൾക്കിടയിൽ വളരെയധികം പ്രശസ്തി നേടിയ മോഡലാണ്.  2022 ൽ കമ്പനി ഈ മോഡൽ ഇന്ത്യയിൽ നിർത്തിയിരുന്നു. വീണ്ടും റെനോ ഡസ്റ്റർ ഇന്ത്യയിൽ അവതരിപ്പിക്കാനുള്ള ഒരുക്കത്തിലാണ് ഇപ്പോൾ കമ്പനി. 2024-ൻ്റെ അവസാനത്തിൽ ഇന്ത്യയിൽ നടത്തിയ പരീക്ഷണത്തിനിടെയിലാണ് ഈ കാർ ആദ്യമായി കണ്ടത്. 2026ൽ പുതിയ ഡസ്റ്റർ ഇന്ത്യയിലെത്തുമെന്ന് പുതിയ പല റിപ്പോർട്ടുകളും അവകാശപ്പെടുന്നു.

കഴിഞ്ഞ വർഷം കമ്പനി ആഗോളതലത്തിൽ റെനോ ഡസ്റ്ററിനെ അനാച്ഛാദനം ചെയ്‌തിരുന്നു. വരാനിരിക്കുന്ന റെനോ ഡസ്റ്റർ മോഡുലാർ CMF-B ആർക്കിടെക്ചറിലാണ് നിർമ്മിച്ചിരിക്കുന്നത്. ഇന്ത്യൻ വിപണിയിൽ, ഹ്യുണ്ടായ് ക്രെറ്റ, കിയ സെൽറ്റോസ്, മാരുതി സുസുക്കി ഗ്രാൻഡ് വിറ്റാര, എംജി ആസ്റ്റർ, ഫോക്‌സ്‌വാഗൺ ടൈഗൺ, സ്‌കോഡ കുഷാക്ക്, ഹോണ്ട എലവേറ്റ് തുടങ്ങിയ എസ്‌യുവികളോടാണ് പുതിയ ഡസ്റ്റർ മത്സരിക്കുക.

പുതിയ ഡസ്റ്ററിന് മാനുവൽ, ഓട്ടോമാറ്റിക് ട്രാൻസ്മിഷൻ ഓപ്ഷനുകളുള്ള രണ്ട് ടർബോചാർജ്ഡ് പെട്രോൾ എഞ്ചിനുകൾ ഉണ്ടാകും. വലിയ ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ഡിജിറ്റൽ ഇൻസ്ട്രുമെൻ്റ് കൺസോൾ, ഫ്ലാറ്റ്-ബോട്ടം സ്റ്റിയറിംഗ് വീൽ, ടൈപ്പ്-സി ചാർജിംഗ് പോർട്ട്, ഇലക്ട്രോണിക് പാർക്കിംഗ് ബ്രേക്ക്, വയർലെസ് ചാർജർ, ADAS സ്യൂട്ട് എന്നിവയും വാഹനത്തിൽ ഉണ്ടാകും.

നിലവിൽ, ക്വിഡ് ഹാച്ച്ബാക്ക്, കിഗർ സബ് കോംപാക്റ്റ് എസ്‌യുവി, ട്രൈബർ എംപിവി തുടങ്ങിയ ജനപ്രിയ മോഡലുകളാണ് റെനോ ഇന്ത്യയിൽ വിൽക്കുന്നത്. 2025 ൻ്റെ രണ്ടാം പകുതിയിൽ പുതിയ തലമുറ ട്രൈബർ എംപിവിയും കിഗർ എസ്‌യുവിയും അവതരിപ്പിക്കാനും കമ്പനി ഇപ്പോൾ പദ്ധതിയിടുന്നതായി റിപ്പോർട്ടുകൾ ഉണ്ട്.  റെനോ കിഗർ എസ്‌യുവിക്ക് ഒരു വലിയ അപ്ഡേറ്റ് ലഭിച്ചേക്കും. ഇതിൻ്റെ രൂപകൽപ്പനയിലും ഫീച്ചറുകളിലും പ്രധാനപ്പെട്ട പല മാറ്റങ്ങളും ലഭിക്കും. ഇതിന് പുതിയ ഫ്രണ്ട് പ്രൊഫൈലും പുനർരൂപകൽപ്പന ചെയ്ത ലൈറ്റിംഗ് സജ്ജീകരണവും ലഭിക്കും. പുതിയ ഡിസൈനും 3-ലൈൻ സീറ്റിംഗും കാരണം റെനോ ട്രൈബർ എംപിവി ഇന്ത്യൻ ഉപഭോക്താക്കൾക്കിടയിൽ വളരെ ജനപ്രിയമാണ്. ഇതിൻ്റെ ഡിസൈനിൽ പല മാറ്റങ്ങളും കാണാം. ട്രൈബറിൻ്റെ സിൽഹൗട്ടിൽ വലിയ മാറ്റമൊന്നും ഉണ്ടാകില്ലെങ്കിലും പുതിയ സ്‌റ്റൈലിംഗ് ഇതിൻ്റെ എക്സ്റ്റീരിയറിലും ഇൻ്റീരിയറിലും ലഭിക്കും എന്നാണ് റിപ്പോർട്ടുകൾ.