ലെക്സസ് LX 500d ഇന്ത്യയില്‍, വില 2.82 കോടി

2023 ഓട്ടോ എക്‌സ്‌പോയിൽ RX എസ്‍യുവി, െല്‍സി കൂപ്പെ എന്നിവയ്‌ക്കൊപ്പം LX 500d-യും കമ്പനി പ്രദർശിപ്പിക്കും.

2.82 കോടി രൂപ (എക്സ് ഷോറൂം) വിലയിൽ ലെക്സസ് ഇന്ത്യ പുതിയ ലെക്സസ് എൽഎക്സ് ഇന്ത്യൻ വിപണിയിൽ അവതരിപ്പിച്ചു. ആഡംബര എസ്‌യുവിയുടെ ആദ്യ ബാച്ച് 2022 ന്റെ ആദ്യ പാദത്തിൽ ജനുവരി മുതൽ മാർച്ച് വരെ വിതരണം ചെയ്യുമെന്ന് പ്രതീക്ഷിക്കുന്നു. 2023 ഓട്ടോ എക്‌സ്‌പോയിൽ RX എസ്‍യുവി, െല്‍സി കൂപ്പെ എന്നിവയ്‌ക്കൊപ്പം LX 500d-യും കമ്പനി പ്രദർശിപ്പിക്കും.

ലെക്സസ് എൽഎക്സ് എക്സ്റ്റീരിയർ ബ്രാൻഡിന്റെ 'ഡിഗ്നിഫൈഡ് സോഫിസ്റ്റിക്കേഷൻ' ആശയത്തെ അടിസ്ഥാനമാക്കിയുള്ളതാണ്. തിരശ്ചീന സ്ലാറ്റുകളുള്ള ഒരു വലിയ ഫ്രെയിംലെസ് സ്പിൻഡിൽ ആകൃതിയിലുള്ള ഫ്രണ്ട് ഗ്രിൽ ഫീച്ചർ ചെയ്യുന്നു. നാല് പ്രൊജക്ടർ എൽഇഡികളും ഇന്റഗ്രേറ്റഡ് ഡേടൈം റണ്ണിംഗ് ലാമ്പുകളുമുള്ള ഷാർപ്പ് എൽഇഡി ഹെഡ്‌ലാമ്പുകളുമായാണ് ലക്ഷ്വറി എസ്‌യുവി വരുന്നത്. ചതുരാകൃതിയിലുള്ള വീൽ ആർച്ചുകൾ, കിങ്ക് ചെയ്‍ത വിൻഡോ ലൈനുകൾ, 22 ഇഞ്ച് അലോയ് വീലുകൾ എന്നിവ ലഭിക്കുന്നതിനാൽ ഇത് വശത്ത് നിന്ന് എസ്‌യുവിയുടെ ആകർഷകത്വം പ്രദാനം ചെയ്യുന്നു. ഒരു ഇൽയുമിനേറ്റഡ് ലൈറ്റ് ബാറിനൊപ്പം സ്പ്ലിറ്റ് ടെയിൽ ലൈറ്റുകളുള്ള ടോപ്പ്-ഹിംഗ്ഡ് പിൻ വാതിലുമായാണ് ഈ മോഡല്‍ വരുന്നത്.

ക്യാബിനിനുള്ളിൽ, ഫ്രീ-സ്റ്റാൻഡിംഗ് 12.2 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തിനും 7 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററിനും വേണ്ടിയുള്ള ഡ്യുവൽ സ്‌ക്രീൻ സജ്ജീകരണത്തോടെയാണ് ലെക്‌സസ് എൽഎക്‌സ് വരുന്നത്. നാല്-സോൺ ക്ലൈമറ്റ് കൺട്രോൾ, ഇലക്ട്രിക്കലി അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകൾ, വയർലെസ് ചാർജിംഗ്, റിയർ എന്റർടെയ്ൻമെന്റ് സ്‌ക്രീനുകൾ, പനോരമിക് സൺറൂഫ് എന്നിവ ഇതിൽ സജ്ജീകരിച്ചിരിക്കുന്നു. ഉപഭോക്താക്കൾക്ക് 4 ഇന്റീരിയർ തീമുകൾ തിരഞ്ഞെടുക്കാം - ഹാസൽ, ബ്ലാക്ക്, ക്രിംസൺ, വൈറ്റ് & ഡാർക്ക് സെപിയ. പിൻസീറ്റ് യാത്രക്കാർക്ക് വയർലെസ് റിമോട്ട് കൺട്രോളോടുകൂടിയ രണ്ട് 11.6 ഇഞ്ച് ടച്ച്‌സ്‌ക്രീനുകളും ലഭിക്കും.

സുരക്ഷയ്ക്കുമായി, ലെക്സസ് എൽഎക്‌സ്, റിയർ ക്രോസ്-ട്രാഫിക് അലേർട്ട്, ടയർ പ്രഷർ മോണിറ്ററിംഗ് സിസ്റ്റം, ഫ്രണ്ട് ആൻഡ് റിയർ പാർക്കിംഗ് സെൻസറുകൾ, ഡിജിറ്റൽ റിയർ വ്യൂ മിറർ, 360 ഡിഗ്രി ക്യാമറ തുടങ്ങിയ ഫീച്ചറുകളോടെ ADAS ടെക്‌നോളജിയുമായി വരുന്നു.

ലാൻഡ് ക്രൂയിസറിന് കരുത്ത് പകരുന്ന അതേ 3.3 ലിറ്റർ ട്വിൻ-ടർബോ V6 ഡീസൽ എഞ്ചിനാണ് പുതിയ ലെക്‌സസ് എൽഎക്‌സ് 500d യ്ക്ക് കരുത്തേകുന്നത്. 309 ബിഎച്ച്പി പവറും 700 എൻഎം ടോർക്കും ഉൽപ്പാദിപ്പിക്കാൻ കഴിയുന്ന ഇത് 10 സ്പീഡ് ഓട്ടോമാറ്റിക് ഗിയർബോക്സുമായി ഘടിപ്പിച്ചിരിക്കുന്നു. ഓൾ-വീൽ ഡ്രൈവ് സജ്ജീകരണത്തോടൊപ്പം ഓഫ്-റോഡിംഗിനായുള്ള മൾട്ടി-ടെറൈൻ മോഡലും സ്റ്റാൻഡേർഡായി വരുന്നു. ഇത് നോർമൽ, ഇക്കോ, കംഫർട്ട്, സ്‌പോർട്ട് എസ്, സ്‌പോർട്ട് എസ്+, ഒരു ഇഷ്‌ടാനുസൃത മോഡ് എന്നിങ്ങനെ ഒന്നിലധികം ഡ്രൈവ് മോഡുകളും വാഗ്ദാനം ചെയ്യുന്നു.