മാരുതി സുസുക്കി ബ്രെസയ്ക്ക് ബമ്പർ ഡിസ്‌കൗണ്ട്! 1.12 ലക്ഷം വരെ വിലക്കുറവ്

പുതിയ ജിഎസ്ടി നിയമം നിലവിൽ വന്നതോടെ മാരുതി സുസുക്കി ബ്രെസ്സയ്ക്ക് 1.12 ലക്ഷം രൂപ വരെ വില കുറഞ്ഞു. വേരിയന്റുകൾ അനുസരിച്ച് 43,000 രൂപ മുതൽ 1.12 ലക്ഷം രൂപ വരെയാണ് വിലക്കുറവ് ലഭിക്കുന്നത്. ഇതോടെ ബ്രെസ്സയുടെ പ്രാരംഭ എക്സ്-ഷോറൂം വില 8.26 ലക്ഷമായി കുറഞ്ഞു.

ഇന്ത്യൻ പാസഞ്ചർ വാഹന വിപണിയിലെ എസ്‌യുവി വിഭാഗത്തിന്‍റെ ഗതി മാറ്റം വരുത്തിയ സബ്-കോംപാക്റ്റ് എസ്‌യുവിയായ മാരുതി സുസുക്കി ബ്രെസയ്ക്ക് ദീപാവലിക്ക് തൊട്ടുമുമ്പ് വൻ വിലക്കിഴിവ്. സെപ്റ്റംബർ 22 മുതൽ പ്രാബല്യത്തിൽ വന്ന പുതിയ ജിഎസ്‍ടി കാരണം വകഭേദങ്ങളെ ആശ്രയിച്ച് ബ്രെസയ്ക്ക് 43,000 രൂപ മുതൽ 1.12 ലക്ഷം രൂപ വരെ വിലക്കുറവ് ലഭിച്ചു . കൂടാതെ, ഓട്ടോ കമ്പനിയിൽ നിന്നും അതിന്റെ ഡീലർഷിപ്പുകളിൽ നിന്നുമുള്ള ഉത്സവകാല കിഴിവുകളും ഓഫറുകളും ഉപഭോക്താക്കൾക്ക് ഈ ഡീലിനെ കൂടുതൽ മധുരമുള്ളതാക്കുന്നു.

ഏറ്റവും വിലക്കുറവ് ഈ വേരിയന്‍റിന്

മാരുതി സുസുക്കി ബ്രെസയുടെ ടോപ്പ്-എൻഡ് ZXi പ്ലസ് AT വേരിയന്റിനാണ് ഏറ്റവും വലിയ വിലക്കുറവ് ലഭിച്ചത്. ഈ വകഭേദത്തിന്റെ വിലയിൽ 1.12 ലക്ഷം രൂപ കുറഞ്ഞു. ബേസ്-സ്പെക്ക് LXi വകഭേദത്തിന് 43,000 രൂപ വിലക്കുറവ് ലഭിച്ചു. പെട്രോൾ, പെട്രോൾ-സിഎൻജി പവർട്രെയിൻ ഓപ്ഷനുകളിൽ ബ്രെസ്സ ലഭ്യമാണ്. വേരിയന്റിനെ ആശ്രയിച്ച് ഈ എസ്‌യുവിയുടെ സിഎൻജി വകഭേദങ്ങൾക്ക് 47,000 മുതൽ 90,000 രൂപ വരെ വിലക്കുറവ് ലഭിച്ചിട്ടുണ്ട്. അരീന റീട്ടെയിൽ നെറ്റ്‌വർക്ക് വഴി വിൽക്കുന്ന ഏറ്റവും മികച്ച വിൽപ്പനയുള്ള മോഡലുകളിൽ ഒന്നാണ് മാരുതി സുസുക്കി ബ്രെസ്സ. ജിഎസ്ടി വില കുറച്ചതിനെത്തുടർന്ന്, മാരുതി സുസുക്കി ബ്രെസ്സയുടെ പ്രാരംഭ എക്സ്-ഷോറൂം വില 8.69 ലക്ഷത്തിൽ നിന്നും ഇപ്പോൾ ₹ 8.26 ലക്ഷം ആയി മാറി. ഉയർന്ന പതിപ്പിന്‍റെ വില 13.98 ലക്ഷം രൂപയിൽ നിന്ന് 12.86 ലക്ഷം രൂപ ആയി കുറഞ്ഞു. 

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.