28 കിമീക്ക് മേൽ മൈലേജ് നൽകുന്ന ഈ എസ്‌യുവിക്ക് 1.33 ലക്ഷം വെട്ടിക്കുറച്ചു

മാരുതി സുസുക്കി ഫ്രോങ്ക്സിന്‍റെ വിവിധ വകഭേദങ്ങളിൽ ഈ മാസം മികച്ച ഓഫറുകൾ ലഭ്യമാണ്. ഇപ്പോൾ കിഴിവ് ഓഫറിൻ്റെ തുകയും കമ്പനി വർദ്ധിപ്പിച്ചിട്ടുണ്ട്. അതിൻ്റെ വിശദാംശങ്ങൾ വിശദമായി അറിയാം.

മാരുതി സുസുക്കി അതിൻ്റെ മുഴുവൻ നെക്‌സ ലൈനപ്പും ആകർഷകമായ ആനുകൂല്യങ്ങളോടെ ഈ മാസം വാഗ്ദാനം ചെയ്യുന്നു. ഫ്രോങ്ക്സ്, ബലേനോ, ഗ്രാൻഡ് വിറ്റാര  തുടങ്ങിയ ജനപ്രിയ മോഡലുകളിൽ ഉപഭോക്താക്കൾക്ക് ക്യാഷ് ഡിസ്‍കൌണ്ടുകളും എക്‌സ്‌ചേഞ്ച് ഓഫറുകളും സ്‌ക്രാപ്പേജ് ബോണസുകളും ലഭിക്കും. മാരുതി സുസുക്കി ഫ്രോങ്ക്സിന്‍റെ വിവിധ വകഭേദങ്ങളിൽ ഈ മാസം മികച്ച ഓഫറുകൾ ലഭ്യമാണ്. ഇപ്പോൾ കിഴിവ് ഓഫറിൻ്റെ തുകയും കമ്പനി വർദ്ധിപ്പിച്ചിട്ടുണ്ട്. അതിൻ്റെ വിശദാംശങ്ങൾ നമുക്ക് വിശദമായി അറിയാം.

ഫ്രോങ്ക്സിൻ്റെ  ടർബോ - പെട്രോൾ വേരിയൻ്റുകൾ 83,000 രൂപ വരെ ആനുകൂല്യങ്ങളോടെ ലഭ്യമാണ്, അതിൽ ഒരു വെലോസിറ്റി കിറ്റ് ആക്സസറി പാക്കേജും ഉൾപ്പെടുന്നു. അതേസമയം, ക്രോസ്ഓവറിൻ്റെ സാധാരണ പെട്രോൾ വകഭേദങ്ങൾക്ക് 25,000 രൂപ വരെ വളരെ കുറഞ്ഞ ആനുകൂല്യങ്ങളുണ്ട്. CNG വേരിയൻ്റുകൾക്ക് എക്സ്ചേഞ്ച് ബോണസായി 10,000 രൂപയും സ്ക്രാപ്പേജ് ആനുകൂല്യമായി 15,000 രൂപയും ഉണ്ട്. മുകളിൽ സൂചിപ്പിച്ച എല്ലാ ഓഫറുകളും 2025 ൽ നിർമ്മിച്ച ഫ്രോങ്ക്സ് യൂണിറ്റുകൾക്ക് ബാധകമാണ്. 2024 ൽ നിർമ്മിച്ച ഫ്രോങ്ക്സ് സ്റ്റോക്കിന് പെട്രോളിന് 45,000 രൂപ വരെയും ടർബോ പെട്രോൾ (വെലോസിറ്റി കിറ്റ് ഉൾപ്പെടെ) വേരിയൻ്റുകൾക്ക് 1.33 ലക്ഷം രൂപ വരെയും കിഴിവ് ഉണ്ടെന്ന്  ഡീലർമാർ പറയുന്നു. അതേസമയം ഫ്രോങ്ക്സ് സിഎൻജി മോഡലുകൾക്ക് 25,000 രൂപ കിഴിവ് ഉണ്ട്. 

നിലവിൽ, മാരുതി ഫ്രോങ്ക്സ് മോഡൽ ലൈനപ്പ് സിഗ്മ, ഡെൽറ്റ, ഡെൽറ്റ പ്ലസ്, സീറ്റ, ആൽഫ എന്നിങ്ങനെ അഞ്ച് വകഭേദങ്ങളിൽ ലഭ്യമാണ്. മാരുതി സുസുക്കി ഫ്രോങ്ക്സിൽ ഉപഭോക്താക്കൾക്ക് രണ്ട് എഞ്ചിൻ ഓപ്ഷനുകൾ ലഭിക്കും. ആദ്യത്തേത് 1.0 ലിറ്റർ ടർബോ പെട്രോൾ എഞ്ചിൻ ആണ്. ഈ എഞ്ചിൻ പരമാവധി 100 ബിഎച്ച്പി കരുത്തും 148 എൻഎം പീക്ക് ടോർക്കും സൃഷ്‍ടിക്കാൻ പ്രാപ്‍തമാണ്. മറ്റൊന്നിൽ 1.2 ലിറ്റർ പെട്രോൾ എഞ്ചിൻ ഘടിപ്പിച്ചിരിക്കുന്നു. ഈ എഞ്ചിന് പരമാവധി 90 ബിഎച്ച്പി കരുത്തും 113 എൻഎം പരമാവധി ടോർക്കും സൃഷ്‍ക്കാൻ സാധിക്കും. ഇതുകൂടാതെ, പരമാവധി 77.5 ബിഎച്ച്പി കരുത്തും 98 എൻഎം പരമാവധി ടോർക്കും സൃഷ്‍ടിക്കാൻ ശേഷിയുള്ള സിഎൻജി ഓപ്ഷനും ഫ്രോങ്ക്സിൽ ലഭ്യമാണ്. 28. 51 കിമി വരെയാണ് ഫ്രോങ്ക്സ് സിഎൻജി പതിപ്പിന്‍റെ മൈലേജ്.

ഒമ്പത് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ക്രൂയിസ് കൺട്രോൾ, വയർലെസ് ഫോൺ ചാർജിംഗ് തുടങ്ങിയ സവിശേഷതകൾ കാറിൻ്റെ ക്യാബിനിൽ നൽകിയിട്ടുണ്ട്. ഇതുകൂടാതെ, സുരക്ഷയ്ക്കായി, ആറ് എയർബാഗുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം, 360-ഡിഗ്രി ക്യാമറ തുടങ്ങിയ സവിശേഷതകളും എസ്‌യുവിയിൽ നൽകിയിട്ടുണ്ട്. ഇന്ത്യൻ വിപണിയിൽ  കിയ സോണറ്റ്, ഹ്യുണ്ടായി വെന്യു, ടാറ്റ നെക്സോൺ, മഹീന്ദ്ര XUV 3X0, മാരുതി ബ്രെസ തുടങ്ങിയ എസ്‌യുവികളുമായി മാരുതി സുസുക്കി ഫ്രോങ്ക്സ് മത്സരിക്കുന്നു. മുൻനിര മോഡലിൽ 7.51 ലക്ഷം മുതൽ 13.04 ലക്ഷം രൂപ വരെയാണ് മാരുതി സുസുക്കി ഫ്രോങ്ക്സിൻ്റെ പ്രാരംഭ എക്‌സ് ഷോറൂം വില.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.