പഴയ സ്റ്റോക്കുകൾ വിറ്റുതീർക്കാൻ മാരുതി, 27 കിമീ മൈലേജുള്ള ഈ എസ്‌യുവിക്ക് വെട്ടിക്കുറച്ചത് 1.18 ലക്ഷം

മാരുതി സുസുക്കി ഗ്രാൻഡ് വിറ്റാര എസ്‌യുവിക്ക് 2025 ഫെബ്രുവരിയിൽ ആകർഷകമായ കിഴിവുകൾ പ്രഖ്യാപിച്ചു. 2024, 2025 മോഡൽ വർഷങ്ങളിലെ ഗ്രാൻഡ് വിറ്റാരയ്ക്ക് യഥാക്രമം 1.18 ലക്ഷം രൂപ വരെയും 93,100 രൂപ വരെയും കിഴിവുകൾ ലഭ്യമാണ്. കൂടാതെ, സൗജന്യ എക്സ്റ്റെൻഡഡ് വാറന്റിയും ഡൊമിനിയൻ കിറ്റും ഓഫറിലുണ്ട്.

രാജ്യത്തെ ജനപ്രിയ വാഹന ബ്രാൻഡായ മാരുതി സുസുക്കി ഇന്ത്യ ലിമിറ്റഡ് (MSIL) നെക്സ ശ്രേണിയിലെ കാറുകൾക്കുള്ള 2025 ഫെബ്രുവരിയിലെ വിലക്കിഴിവുകൾ വെളിപ്പെടുത്തി. മാരുതിയുടെ ആഡംബരവും പ്രീമിയവുമായ ഗ്രാൻഡ് വിറ്റാര എസ്‌യുവി വാങ്ങാൻ നിങ്ങൾ പദ്ധതിയിടുകയാണെങ്കിൽ, നിങ്ങൾക്ക് ഇപ്പോൾ വിലയിൽ മികച്ച കിഴിവ് ലഭിക്കും. ഫെബ്രുവരിയിൽ ഈ എസ്‌യുവിക്ക് വിലക്കിഴിവിനൊപ്പം സൗജന്യ എക്സ്റ്റെൻഡഡ് വാറന്‍റിയും ഡൊമിനിയൻ കിറ്റും കമ്പനി വാഗ്ദാനം ചെയ്യുന്നു. ഈ കാറിന്റെ 2024ലെ സ്റ്റോക്ക് ശേഷിക്കുന്ന മോഡലിനും 2025 മോഡലിനും കമ്പനി വ്യത്യസ്‍ത വിലക്കിഴിവുകൾ വാഗ്‍ദാനം ചെയ്യുന്നു. 

വിലക്കിഴിവിന്‍റെ ഏറ്റവും വലിയ നേട്ടം ലഭിക്കുന്നത് ഗ്രാൻഡ് വിറ്റാരയുടെ ശക്തമായ ഹൈബ്രിഡ് മോഡൽ വാങ്ങുമ്പോൾ ആയിരിക്കും. ഗ്രാൻഡ് വിറ്റാരയുടെ സിഗ്മ, ഡെൽറ്റ, സീറ്റ, ആൽഫ എന്നീ വകഭേദങ്ങൾക്കൊപ്പം ഓൾ വീൽ ഡ്രൈവ് (എഡബ്ല്യുഡി) മോഡലുകളിലും കമ്പനി കിഴിവുകൾ വാഗ്‍ദാനം ചെയ്യുന്നു. ഈ എസ്‌യുവിയുടെ പ്രാരംഭ എക്‌സ്‌ഷോറൂം വില 11.19 ലക്ഷം രൂപയാണ്.

ഗ്രാൻഡ് വിറ്റാര സ്ട്രോംഗ് ഹൈബ്രിഡ് ഡിസ്കൌണ്ട് - മോഡൽ വർഷം, കിഴിവ് എന്ന ക്രമത്തിൽ

2024- 1.18 ലക്ഷം വരെ, ഒപ്പം അഞ്ച് വർഷത്തെ സൗജന്യ എക്സ്റ്റൻഡഡ് വാറന്‍റി
2025- 93,100 ലക്ഷം വരെ, ഒപ്പം അഞ്ച് വർഷത്തെ സൗജന്യ എക്സ്റ്റൻഡഡ് വാറന്‍റി

ഗ്രാൻഡ് വിറ്റാര മൈൽഡ് ഹൈബ്രിഡ് ഡിസ്കൌണ്ട് - മോഡൽ വർഷം കിഴിവ്
2024- 1.13 ലക്ഷം വരെ അല്ലെങ്കിൽ ഡൊമിനിയൻ കിറ്റ് + 80,200 വരെ
2025- 88,100 വരെ അല്ലെങ്കിൽ ഡൊമിനിയൻ കിറ്റ്+ 52,100 വരെ

മാരുതി സുസുക്കിയും ടൊയോട്ടയും സംയുക്തമായിട്ടാണ് ഹൈറൈഡറും ഗ്രാൻഡ് വിറ്റാരയും വികസിപ്പിച്ചെടുത്തത്. ഹൈറൈഡറിനെപ്പോലെ, ഗ്രാൻഡ് വിറ്റാരയും ഒരു മൈൽഡ്-ഹൈബ്രിഡ് പവർട്രെയിനുമായി വരുന്നു. 6,000 ആർ‌പി‌എമ്മിൽ ഏകദേശം 100 ബി‌എച്ച്‌പി പവറും 4400 ആർ‌പി‌എമ്മിൽ 135 എൻ‌എം ടോർക്കും ഉത്പാദിപ്പിക്കുന്ന 1462 സിസി കെ 15 എഞ്ചിനാണ് ഇതിന് കരുത്ത് പകരുന്നത്. ഇതിന് മൈൽഡ് ഹൈബ്രിഡ് സംവിധാനമുണ്ട്, കൂടാതെ 5-സ്പീഡ് മാനുവൽ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്കുമായി ജോടിയാക്കിയിരിക്കുന്നു. നിലവിൽ AWD ഓപ്ഷനുള്ള ഒരേയൊരു എഞ്ചിൻ കൂടിയാണ് ഈ പവർട്രെയിൻ. 

മാരുതി ഗ്രാൻഡ് വിറ്റാരയുടെ ഫീച്ചറുകൾ
മാരുതി ഗ്രാൻഡ് വിറ്റാരയിൽ ഹൈബ്രിഡ് എഞ്ചിൻ ലഭ്യമാണ്. ഒരു ഹൈബ്രിഡ് കാറിൽ രണ്ട് മോട്ടോറുകൾ ഉപയോഗിക്കുന്നു. ഒരു പെട്രോൾ എഞ്ചിനും ഒരു ഇലക്ട്രിക് മോട്ടോർ എഞ്ചിനും. ഇവ രണ്ടിന്റെയും ശക്തിയാണ് വാഹനം ഓടിക്കാൻ ഉപയോഗിക്കുന്നത്. കാർ ഇന്ധന എഞ്ചിനിൽ പ്രവർത്തിക്കുമ്പോൾ, അതിന്റെ ബാറ്ററിക്കും പവർ ലഭിക്കുന്നതിനാൽ ബാറ്ററി യാന്ത്രികമായി ചാർജ്ജ് ചെയ്യപ്പെടും. ആവശ്യമുള്ളപ്പോൾ അധിക പവർ നൽകാൻ ഇത് ഒരു എഞ്ചിൻ പോലെ പ്രവർത്തിക്കുന്നു.

ഗ്രാൻഡ് വിറ്റാരയിൽ ഇവി മോഡും ലഭ്യമാകും. ഇവി മോഡിൽ കാർ പൂർണ്ണമായും ഇലക്ട്രിക് മോട്ടോറിലാണ് പ്രവർത്തിക്കുന്നത്. കാറിന്റെ ബാറ്ററിയാണ് ഇലക്ട്രിക് മോട്ടോറിന് ഊർജ്ജം നൽകുന്നത്, ഇലക്ട്രിക് മോട്ടോർ ചക്രങ്ങൾക്ക് ശക്തി പകരുന്നു. ഈ പ്രക്രിയ നിശബ്ദമായി സംഭവിക്കുന്നു. ഹൈബ്രിഡ് മോഡിൽ കാറിന്റെ എഞ്ചിൻ ഒരു ഇലക്ട്രിക് ജനറേറ്ററായി പ്രവർത്തിക്കുന്നു. കൂടാതെ ഇലക്ട്രിക് മോട്ടോർ കാറിന്റെ ചക്രങ്ങളെ ഓടിക്കുന്നു.

ഗ്രാൻഡ് വിറ്റാരയുടെ ഏത് ടയറിൽ എത്ര വായു ഉണ്ടെന്നതിനെക്കുറിച്ചുള്ള പൂർണ്ണമായ വിവരങ്ങൾ കാറിന്റെ സ്ക്രീനിൽ നിങ്ങൾക്ക് ലഭിക്കും. ഏതെങ്കിലും ടയറിൽ വായു കുറവാണെങ്കിൽ, നിങ്ങൾക്ക് അതിനെക്കുറിച്ചുള്ള വിവരങ്ങൾ ഓട്ടോമാറ്റിക്കായി ലഭിക്കും. നിങ്ങൾക്ക് ടയർ മർദ്ദം സ്വമേധയാ പരിശോധിക്കാനും കഴിയും. ഗ്രാൻഡ് വിറ്റാരയിൽ പനോരമിക് സൺറൂഫും ലഭ്യമാകും.

മാരുതി തങ്ങളുടെ പുതിയ കാറുകളിൽ 360 ഡിഗ്രി ക്യാമറയുടെ സവിശേഷത വാഗ്ദാനം ചെയ്യുന്നുണ്ട്. ഈ സവിശേഷത ഗ്രാൻഡ് വിറ്റാരയിലും ലഭ്യമാകും. ഇത് കാർ ഓടിക്കുന്നതിൽ ഡ്രൈവർക്ക് കൂടുതൽ സഹായകമാകും. ഇത് ഡ്രൈവർക്ക് ഇടുങ്ങിയ സ്ഥലങ്ങളിൽ കാർ പാർക്ക് ചെയ്യാൻ സഹായിക്കുക മാത്രമല്ല, അന്ധമായ റോഡുകളിലെ ബുദ്ധിമുട്ടുകൾ ഒഴിവാക്കാനും സഹായിക്കും. കാറിന് ചുറ്റുമുള്ള കാഴ്ച നിങ്ങൾക്ക് സ്‌ക്രീനിൽ കാണാൻ കഴിയും.

ഗ്രാൻഡ് വിറ്റാരയുടെ സുരക്ഷാ സവിശേഷതകൾ
പുതിയ വിറ്റാരയിൽ വയർലെസ് ചാർജിംഗ്, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഓട്ടോമാറ്റിക് ക്ലൈമറ്റ് കൺട്രോൾ, വെന്റിലേറ്റഡ് ഫ്രണ്ട് സീറ്റുകൾ, ക്രമീകരിക്കാവുന്ന ഡ്രൈവർ സീറ്റ്, കണക്റ്റഡ് കാർ സാങ്കേതികവിദ്യ തുടങ്ങിയ സ്റ്റാൻഡേർഡ് സവിശേഷതകൾ ഉണ്ടായിരിക്കും. ഇതിനുപുറമെ സുരക്ഷയ്ക്കായി, ഒന്നിലധികം എയർബാഗുകൾ, ഇബിഡി ഉള്ള എബിഎസ്, ഇഎസ്ഇ, ഹിൽ ഹോൾഡ് അസിസ്റ്റ്, സ്പീഡ് അലേർട്ട്, സീറ്റ് ബെൽറ്റ്, പാർക്കിംഗ് സെൻസർ, 360 ഡിഗ്രി ക്യാമറ എന്നിവയുൾപ്പെടെ നിരവധി സുരക്ഷാ സവിശേഷതകൾ ഇതിൽ നൽകിയിട്ടുണ്ട്.

ഈ വിഭാഗത്തിലെ ഏറ്റവും ഇന്ധനക്ഷമതയുള്ള കാർ കൂടിയാണിത്. ഇതാ ഗ്രാൻഡ് വിറ്റാരയുടെ മൈലേജ് വിവരങ്ങൾ

സ്ട്രോങ്ങ് ഹൈബ്രിഡ് ഇ-സിവിടി - 27.97 കിമി മൈലേജ്
മൈൽഡ് ഹൈബ്രിഡ് 5-സ്പീഡ് എംടി - 21.11കിമി മൈലേജ്
മൈൽഡ് ഹൈബ്രിഡ് 6-സ്പീഡ് എംടി - 20.58 കിമി മൈലേജ്
മൈൽഡ് ഹൈബ്രിഡ് 5-സ്പീഡ് എംടി ഓൾ ഗ്രിപ്പ് - 19.38 കിമി മൈലേജ്

ഹ്യുണ്ടായ് ക്രെറ്റ, കിയ സെൽറ്റോസ്, ഫോക്‌സ്‌വാഗൺ ടൈഗൺ, സ്‌കോഡ കുഷാക്ക്, എംജി ആസ്റ്റർ, ടൊയോട്ട അർബൻ ക്രൂയിസർ ഹെയ്‌റൈഡർ തുടങ്ങിയ മോഡലുകളാണ് ഗ്രാൻഡ് വിറ്റാരയുടെ എതിരാളികൾ. 

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.