Maruti Suzuki Grand Vitara : ഗ്രാൻഡ് വിറ്റാരയുടെ രൂപം വെളിപ്പെടുത്തി മാരുതി സുസുക്കി

നേരത്തെ, ഗ്രാൻഡ് വിറ്റാര എസ്‌യുവിയുടെ മുൻവശത്തെ ഡിസൈൻ മാരുതി സുസുക്കി വെളിപ്പെടുത്തിയിരുന്നു. ജൂലൈ 20 ന് ഗ്രാൻഡ് വിറ്റാരയെ മാരുതി ഔദ്യോഗികമായി അവതരിപ്പിക്കും, അതേസമയം ലോഞ്ചും വില പ്രഖ്യാപനവും ഈ വർഷാവസാനം നടക്കും.

മാരുതി സുസുക്കി വരാനിരിക്കുന്ന ഗ്രാൻഡ് വിറ്റാര എസ്‌യുവിയെ ജൂലായ് 20-ന് ഔദ്യോഗികമായി അവതരിപ്പിക്കുന്നതിന് മുന്നോടിയായി രൂപവും സവിശേഷതകളും ടീസ് ചെയ്യുന്നത് തുടരുകയാണ്. മാരുതി സുസുക്കി അതിന്റെ ഏറ്റവും പുതിയ ടീസറിൽ ഗ്രാൻഡ് വിറ്റാര എസ്‌യുവിയുടെ പുതിയ ടെയിൽ‌ലൈറ്റ് രൂപകൽപ്പനയെക്കുറിച്ച് ചെറിയൊരു നോട്ടം വാഗ്ദാനം ചെയ്യുന്നു. ഇതുവരെ പുറത്തിറക്കിയ ഒരു മാരുതി കാറിലും കാണാത്ത തനത് ഡിസൈൻ എൽഇഡി ടെയിൽലൈറ്റുകൾ മോഡലില്‍ കമ്പനി വാഗ്‍ദാനം ചെയ്യുന്നു. 

മാരുതി സുസുക്കി പുറത്തിറക്കിയ പുതിയ ടീസർ വീഡിയോയിൽ ഇരുവശത്തും മൂന്ന് യൂണിറ്റുകളുള്ള എൽഇഡി ടെയിൽലൈറ്റ് ക്ലസ്റ്റർ കാണിക്കുന്നു. ഗ്രാൻഡ് വിറ്റാരയുടെ മുഴുവൻ നീളത്തിലും വ്യാപിച്ചുകിടക്കുന്ന ബൂട്ടിൽ ഒരു എൽഇഡി സ്ട്രിപ്പും ഉണ്ട്. മധ്യഭാഗത്ത് സുസുക്കി ലോഗോയാൽ വേർതിരിക്കാനാകും. ഇതാദ്യമായാണ് മാരുതി സുസുക്കി വരാനിരിക്കുന്ന എസ്‌യുവിയുടെ ടെയിൽലൈറ്റുകളെ കുറിച്ച് പൂർണ്ണ രൂപം നൽകുന്നത്.

നേരത്തെ ഗ്രാൻഡ് വിറ്റാര എസ്‌യുവിയുടെ മുഖം ഭാഗികമായി മാരുതി സുസുക്കി വെളിപ്പെടുത്തിയിരുന്നു. എൽഇഡി ഡിആർഎൽ, എൽഇഡി ഹെഡ്‌ലൈറ്റുകൾ, പിന്നിലെ ടെയിൽലൈറ്റുകൾ പോലെ ഇരുവശത്തും മൂന്ന് യൂണിറ്റുകൾ ലഭിക്കുന്ന എലമെന്റുകൾ, ഗ്രില്ലും എസ്‌യുവിയുടെ പ്രൊഫൈലിന്റെ സിൽഹൗട്ടും വലിയ ഗ്ലാസ് ഏരിയയും സി പില്ലർ ഡിസൈനും നേരത്തെയുള്ള ടീസറുകളിൽ വെളിപ്പെടുത്തിയിരുന്നു. എസ്‌യുവിക്ക് 16 മുതൽ 17 ഇഞ്ച് വരെ വലുപ്പമുള്ള ചക്രങ്ങളും ലഭിച്ചേക്കും. അതേസമയം ഗ്രാൻഡ് വിറ്റാര എസ്‌യുവിയുടെ ഇന്റീരിയറിനെ കുറിച്ച് ഇതുവരെ വിവരങ്ങളൊന്നും ലഭിച്ചിട്ടില്ല.

മാരുതി സുസുക്കി ഗ്രാൻഡ് വിറ്റാരയുടെ 11,000 രൂപയ്ക്ക് ബുക്കിംഗ് ആരംഭിച്ചു കഴിഞ്ഞു . ഗ്രാൻഡ് വിറ്റാര എന്ന പേര് മാരുതി സുസുക്കി 2000-കളുടെ തുടക്കത്തിൽ ഇന്ത്യയിലെ കോംപാക്റ്റ് എസ്‌യുവിയിൽ നിന്ന് കടമെടുത്തതാണ്. അത് പിന്നീട് നിർത്തലാക്കി. പുതിയ മോഡൽ രണ്ട് വേരിയന്റുകളിൽ ലഭിക്കും. പുതിയ കെ 15 സി സീരീസ് പെട്രോൾ എഞ്ചിനിനൊപ്പം വാഗ്ദാനം ചെയ്യുന്ന ഒരു സ്റ്റാൻഡേർഡ് മോഡലിന് പുറമേ, ഇന്റലിജന്റ് ഇലക്ട്രിക് ഹൈബ്രിഡ് വേരിയന്റിലും ഗ്രാൻഡ് വിറ്റാര വരും.

മാരുതി ഗ്രാൻഡ് വിറ്റാര എസ്‌യുവി പ്രധാനമായും ടൊയോട്ട അർബൻ ക്രൂയിസർ ഹൈറൈഡർ എസ്‌യുവിയെ അടിസ്ഥാനമാക്കിയുള്ളതാണ്. ഇത് അടുത്തിടെ ജാപ്പനീസ് കാർ നിർമ്മാതാവ് ഇന്ത്യയിൽ അനാച്ഛാദനം ചെയ്‍തിരുന്നു. ഗ്രാൻഡ് വിറ്റാരയും ഇതേ പവർട്രെയിൻ പങ്കിടുമെന്ന് പ്രതീക്ഷിക്കുന്നു. 68 kW പരമാവധി ഉൽപ്പാദനവും 122  എന്‍എം ടോര്‍ക്കും ഉത്പാദിപ്പിക്കാൻ ശേഷിയുള്ള 1.5 ലിറ്റർ പെട്രോൾ എഞ്ചിനുമായി ഘടിപ്പിച്ച ടൊയോട്ട ഹൈബ്രിഡ് സിസ്റ്റമാണ് ഹൈറൈഡർ എസ്‌യുവി വാഗ്ദാനം ചെയ്യുന്നത്.