മാരുതി സുസുക്കി ഇൻവിക്റ്റോയ്ക്ക് ഭാരത് എൻസിഎപി ക്രാഷ് ടെസ്റ്റിൽ അഞ്ച് സ്റ്റാർ

മാരുതി സുസുക്കിയുടെ പ്രീമിയം ഹൈബ്രിഡ് എംപിവിയായ ഇൻവിക്റ്റോ, ഭാരത് എൻസിഎപി ക്രാഷ് ടെസ്റ്റിൽ 5-സ്റ്റാർ സുരക്ഷാ റേറ്റിംഗ് സ്വന്തമാക്കി. 

മാരുതി സുസുക്കി ഇന്ത്യ ലിമിറ്റഡിന്റെ പ്രീമിയം സ്ട്രോങ് ഹൈബ്രിഡ് എംപിവിയായ ഇൻവിക്റ്റോയ്ക്ക് ഭാരത് ന്യൂ കാർ അസസ്‌മെന്റ് പ്രോഗ്രാമിൽ (ഭാരത് എൻസിഎപി) അഞ്ച് സ്റ്റാർ സുരക്ഷാ റേറ്റിംഗ് ലഭിച്ചു. പ്രീമിയം മൂന്ന്-വരി സ്ട്രോങ് ഹൈബ്രിഡ് യുവി ഇൻവിക്റ്റോ ശക്തമായ ഘടനാപരമായ സ്ഥിരതയും നൂതന സവിശേഷതകളും ഉപയോഗിച്ച് രൂപകൽപ്പന ചെയ്‌തിരിക്കുന്നു. പരിശോധനകളുടെ അടിസ്ഥാനത്തിൽ, മുതിർന്നവരുടെയും കുട്ടികളുടെയും സുരക്ഷയ്ക്കായി വാഹനത്തിന് സ്റ്റാർ റേറ്റിംഗ് ലഭിച്ചു. മുതിർന്നവരുടെ സംരക്ഷണത്തിൽ (AOP) 32 ൽ 30.43 പോയിന്റുകൾ ഈ എംപിവി നേടിയിട്ടുണ്ട്. അതേസമയം, കുട്ടികളുടെ സംരക്ഷണ പരിശോധനയ്ക്ക് ആകെ 49 പോയിന്റുകളിൽ 45 പോയിന്റുകൾ ലഭിച്ചു.

മുതിർന്ന യാത്രക്കാർക്ക്, മാരുതി സുസുക്കി ഇൻവിക്റ്റോ ഫ്രണ്ടൽ ഓഫ്‌സെറ്റ് ഡിഫോർമബിൾ ബാരിയർ ടെസ്റ്റിന് 16 പോയിന്റുകളിൽ 14.43 പോയിന്റുകൾ നേടി, സൈഡ് മൂവബിൾ ഡിഫോർമബിൾ ബാരിയർ ടെസ്റ്റിന് 16 പോയിന്റുകളുടെ പെർഫെക്റ്റ് സ്കോർ ലഭിച്ചു. അതുപോലെ, കുട്ടികളുടെ സംരക്ഷണത്തിന്, കാറിന് 24 പോയിന്റുകളുടെ പെർഫെക്റ്റ് ഡൈനാമിക് സ്കോർ, സിആർഎസ് ഇൻസ്റ്റാളേഷൻ സ്കോറിന് 12 പോയിന്റുകൾ, വാഹന വിലയിരുത്തൽ സ്കോറിന് 13 ൽ 9 പോയിന്റുകൾ ലഭിച്ചു.

ബിഎൻസിഎപി പരീക്ഷിച്ച മാരുതി സുസുക്കി ഇൻവിക്റ്റോയുടെ പതിപ്പിൽ സ്റ്റാൻഡേർഡായി 6 എയർബാഗുകൾ (ഫ്രണ്ട്, സൈഡ്, കർട്ടൻ), നൂതന സവിശേഷതകളും ഇ-കോൾ പ്രവർത്തനവും ഉള്ള സുസുക്കി കണക്റ്റ്, ഫ്രണ്ട്, റിയർ ഡിസ്ക് ബ്രേക്കുകൾ, ടയർ പ്രഷർ മോണിറ്ററിംഗ് സിസ്റ്റം (TPMS), ഓട്ടോ ഹോൾഡുള്ള ഇലക്ട്രോണിക് പാർക്കിംഗ് ബ്രേക്ക് (EPB), ഇബിഡി ഉള്ള എബിഎസ്, ഹിൽ ഹോൾഡ് അസിസ്റ്റുള്ള ഇഎസ്‍പി, 3-പോയിന്റ് ഇഎൽആർ സീറ്റ് ബെൽറ്റുകൾ, ഐസോഫിക്സ് ചൈൽഡ് സീറ്റ് ആങ്കറേജ്, ഡൈനാമിക് മാർഗ്ഗനിർദ്ദേശങ്ങളുള്ള 360-ഡിഗ്രി വ്യൂ ക്യാമറ തുടങ്ങിയ സുരക്ഷാ സവിശേഷതകൾ സജ്ജീകരിച്ചിരിക്കുന്നു.

ഇന്റലിജന്റ് ഇലക്ട്രിക് ഹൈബ്രിഡ് സിസ്റ്റമുള്ള 2.0 ലിറ്റർ ടിഎൻജിഎ എഞ്ചിനാണ് മാരുതി ഇൻവിക്റ്റോയ്ക്ക് കരുത്ത് പകരുന്നത്. ഇത് ഒരു ഇ-സിവിടി ഗിയർബോക്സുമായി ജോടിയാക്കിയിരിക്കുന്നു. ഇത് 183 bhp ഉം 1250 Nm ടോർക്കും ഉത്പാദിപ്പിക്കുന്നു. 9.5 സെക്കൻഡിനുള്ളിൽ കാറിന് പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയും. ലിറ്ററിന് പെട്രോളിന് 23.24 കിലോമീറ്റർ വരെയാണ് ഇതിന്‍റെ മൈലേജ്. ടൊയോട്ട ഇന്നോവയെപ്പോലെ, ഇത് 7 സീറ്റർ കോൺഫിഗറേഷനിലും വരുന്നു.

മസ്‌കുലാർ ക്ലാംഷെൽ ഹുഡ്, ഡിആർഎല്ലുകളുള്ള സ്ലീക്ക് എൽഇഡി ഹെഡ്‌ലൈറ്റുകൾ, ക്രോം കൊണ്ട് വലയം ചെയ്ത ഷഡ്ഭുജ ഗ്രിൽ, വീതിയേറിയ എയർ ഡാം, സിൽവർ സ്‌കിഡ് പ്ലേറ്റുകൾ എന്നിവ ഇതിൽ ഉൾപ്പെടുന്നു. ഡ്യുവൽ-ടോൺ ഡാഷ്‌ബോർഡ്, ലെതർ അപ്ഹോൾസ്റ്ററിയോടുകൂടിയ പവർഡ് ഓട്ടോമൻ സീറ്റുകൾ, ഇന്റഗ്രേറ്റഡ് മൂഡ് ലൈറ്റിംഗുള്ള പനോരമിക് സൺറൂഫ്, മൾട്ടി-സോൺ ക്ലൈമറ്റ് കൺട്രോൾ, മൾട്ടി-ഫങ്ഷണൽ സ്റ്റിയറിംഗ് വീൽ എന്നിവ ക്യാബിനിൽ ഉൾപ്പെടുന്നു.

മാരുതി സുസുക്കി ഇൻവിക്ടോയിൽ വൺ-ടച്ച് പവർ ടെയിൽഗേറ്റ് ഉണ്ട്. അതായത് ടെയിൽഗേറ്റ് ഒറ്റ ടച്ച് ഉപയോഗിച്ച് തുറക്കും. കമ്പനിയുടെ അടുത്ത തലമുറ സുസുക്കി കണക്റ്റും 6 എയർബാഗ് സുരക്ഷയും ഇതിലുണ്ടാകും. 8-വേ ക്രമീകരിക്കാവുന്ന പവർ വെന്റിലേറ്റഡ് സീറ്റുകളും ഇതിലുണ്ട്. മുൻ സീറ്റുകൾ, രണ്ടാം നിരയിലെ ക്യാപ്റ്റൻ സീറ്റുകൾ, സൈഡ് ഫോൾഡബിൾ ടേബിൾ, മൂന്നാം നിരയിലേക്ക് എളുപ്പത്തിൽ പ്രവേശിക്കാൻ വൺ-ടച്ച് വാക്ക്-ഇൻ സ്ലൈഡ്, മൾട്ടി-സോൺ താപനില ക്രമീകരണങ്ങൾ. ഇതിന്റെ നീളം 4755mm ആണ്, വീതി 1850 എംഎം ആണ്. ഉയരം 1795 എംഎം ആണ്.

സുരക്ഷ എപ്പോഴും മാരുതി സുസുക്കിയുടെ ഉൽപ്പന്ന തത്ത്വചിന്തയുടെ കാതലായിരുന്നുവെന്ന് ഈ നേട്ടത്തെക്കുറിച്ച് മാരുതി സുസുക്കി ഇന്ത്യ ലിമിറ്റഡിന്റെ മാനേജിംഗ് ഡയറക്ടറും സിഇഒയുമായ ഹിസാഷി ടകേച്ചി പറഞ്ഞു. ഇൻവിക്ടോ പ്രീമിയം സ്ട്രോങ്ങ് ഹൈബ്രിഡ് യുവി ഭാരത് എൻസിഎപി വിലയിരുത്തലിൽ അഭിമാനകരമായ 5-സ്റ്റാർ റേറ്റിംഗ് ലഭിച്ചതിൽ അഭിമാനമുണ്ടെന്നും ഭാരത് എൻസിഎപി ഇന്ത്യയിൽ ലോകോത്തര ടെസ്റ്റിംഗ് പ്രോട്ടോക്കോളുകൾ അവതരിപ്പിച്ചിട്ടുണ്ടെന്നും ഇത് ഉപഭോക്താക്കളെ ശരിയായ തിരഞ്ഞെടുപ്പ് നടത്താൻ സഹായിക്കുന്നു എന്നും അദ്ദേഹം പറഞ്ഞു.