1.40 ലക്ഷം വരെ വിലക്കിഴിവിൽ ഇപ്പോൾ മാരുതി കാറുകൾ സ്വന്തമാക്കാം

മാരുതി സുസുക്കി 2025 ഏപ്രിലിൽ അരീന, നെക്സ മോഡലുകൾക്ക് ആകർഷകമായ കിഴിവുകൾ നൽകുന്നു. ഫ്രോങ്ക്സ്, ഗ്രാൻഡ് വിറ്റാര, ജിംനി, ഇൻവിക്ടോ, XL6 തുടങ്ങിയ മോഡലുകൾക്ക് ഡീലർഷിപ്പുകൾ വഴി കിഴിവുകൾ ലഭ്യമാണ്.

2025 ഏപ്രിലിൽ മാരുതി സുസുക്കിയുടെ അരീന മോഡൽ ലൈനപ്പിലെ ഫ്രോങ്ക്സ്, ഗ്രാൻഡ് വിറ്റാര, ജിംനി, ഇൻവിക്ടോ, XL6 എന്നിവയുൾപ്പെടെയുള്ള നെക്സ പ്രീമിയം ഉൽപ്പന്ന ശ്രേണിയിലും ആകർഷകമായ സ്കീമുകളും ആനുകൂല്യങ്ങളും വാഗ്ദാനം ചെയ്യുന്നു. ഡീലർഷിപ്പിനെയും നഗരത്തെയും ആശ്രയിച്ച് കിഴിവ് തുക വ്യത്യാസപ്പെടാം എന്നത് ശ്രദ്ധിക്കേണ്ടതാണ്. ലഭ്യമായ ഓഫറുകൾ നോക്കാം.

മാരുതി ഫ്രോങ്ക്‌സ് കിഴിവുകൾ
രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന നെക്സ കാറാണ് ഫ്രോങ്ക്സ്, നിലവിൽ 93,000 രൂപ വരെ വൻ കിഴിവോടെ ലഭ്യമാണ്. ടർബോ-പെട്രോൾ വേരിയന്റുകളിൽ വാങ്ങുന്നവർക്ക് 93,000 രൂപ വരെ ലാഭിക്കാം, ഇതിൽ 35,000 രൂപ ക്യാഷ് ആനുകൂല്യവും 15,000 രൂപ സ്ക്രാപ്പേജ് ഓഫറോ 10,000 രൂപ എക്സ്ചേഞ്ച് ബോണസോ 43,000 രൂപ വിലവരുന്ന വെലോസിറ്റി കിറ്റ് ആക്സസറി പാക്കേജും ഉൾപ്പെടുന്നു. പെട്രോൾ വേരിയന്റുകൾക്ക് ഏകദേശം 35,000 രൂപ കിഴിവോടെ ലഭ്യമാണ്, ആക്സസറി പാക്കേജ് ഇല്ല. സിഎൻജി വേരിയന്റുകൾക്ക് 10,000 രൂപ എക്സ്ചേഞ്ച് ബോണസോ 15,000 രൂപ സ്ക്രാപ്പേജ് ആനുകൂല്യമോ ലഭിക്കും.

മാരുതി ഗ്രാൻഡ് വിറ്റാര കിഴിവുകൾ
മാരുതി ഗ്രാൻഡ് വിറ്റാര എന്ന സ്ട്രോങ് ഹൈബ്രിഡ് കാറിന് 1.15 ലക്ഷം രൂപ വരെ വിലക്കുറവിൽ ആനുകൂല്യങ്ങൾ ലഭിക്കും. ക്യാഷ് ബെനിഫിറ്റ്, എക്സ്ചേഞ്ച് ഓഫ് സ്ക്രാപ്പേജ് ഓഫർ, എക്സ്റ്റൻഡഡ് വാറന്റി എന്നിവ ഇതിൽ ഉൾപ്പെടുന്നു. എൻട്രി ലെവൽ സിഗ്മ വേരിയന്റ് ഒഴികെ, എല്ലാ മൈൽഡ് ഹൈബ്രിഡ് ഗ്രാൻഡ് വിറ്റാര ട്രിമ്മുകൾക്കും 95,000 രൂപ വരെ വിലക്കുറവുണ്ട്. 50,000 രൂപ വരെ വിലക്കുറവും 45,000 രൂപ എക്സ്ചേഞ്ച് ബോണസും ഇതിൽ ഉൾപ്പെടുന്നു.

മാരുതി ജിംനി കിഴിവുകൾ
ജിംനി ആൽഫ വേരിയന്റിന് ഒരു ലക്ഷം രൂപ ക്യാഷ് ഡിസ്‌കൗണ്ട് ലഭിക്കും. ടോപ്പ്-എൻഡ് ആൽഫ ട്രിം മാനുവൽ, ഓട്ടോമാറ്റിക് ഗിയർബോക്‌സ് ഓപ്ഷനുകളോടെ വരുന്നു, യഥാക്രമം 13,70 ലക്ഷം രൂപയും 14.80 ലക്ഷം രൂപയുമാണ് വില.

മാരുതി ഇൻവിക്ടോ കിഴിവുകൾ
ഇൻവിക്ടോ സീറ്റ വേരിയന്റിന് (7 സീറ്റർ, 8 സീറ്റർ) ഒരു ലക്ഷം രൂപ എക്സ്ചേഞ്ച് ബോണസോ 1.15 ലക്ഷം രൂപ സ്ക്രാപ്പേജ് ആനുകൂല്യമോ ലഭിക്കും. എംപിവിയുടെ ടോപ്പ്-എൻഡ് ആൽഫ+ വേരിയന്റിന് 1.40 ലക്ഷം രൂപ വരെ കിഴിവ് ലഭിക്കും, ഇതിൽ യഥാക്രമം 25,000 രൂപ ക്യാഷ് ആനുകൂല്യവും 1 ലക്ഷം രൂപ അല്ലെങ്കിൽ 1.15 ലക്ഷം രൂപ എക്സ്ചേഞ്ച് അല്ലെങ്കിൽ സ്ക്രാപ്പേജ് ഓഫറും ഉൾപ്പെടുന്നു.

മറ്റ് മാരുതി നെക്സ മോഡലുകളിലെ കിഴിവുകൾ
XL6 പ്രീമിയം എംപിവിയിൽ വാങ്ങുന്നവർക്ക് 25,000 രൂപ വരെ ലാഭിക്കാം, ഇതിൽ 20,000 രൂപ എക്സ്ചേഞ്ച് ബോണസും 25,000 രൂപ സ്ക്രാപ്പേജ് ഓഫറും ഉൾപ്പെടുന്നു. മാരുതി ഇഗ്നിസിന്റെ എല്ലാ മാനുവൽ വകഭേദങ്ങൾക്കും 55,000 രൂപ വരെ കിഴിവുകളും എഎംടി വകഭേദങ്ങൾക്ക് 60,000 രൂപ വരെ ആനുകൂല്യങ്ങളും ലഭിക്കും. മാരുതി സിയാസിന്റെ എല്ലാ വകഭേദങ്ങൾക്കും 10,000 രൂപ ക്യാഷ് ആനുകൂല്യങ്ങൾ, 25,000 രൂപ എക്സ്ചേഞ്ച് ഓഫർ അല്ലെങ്കിൽ 30,000 രൂപ സ്ക്രാപ്പേജ് സ്‍കീം ഉൾപ്പെടെ 40,000 രൂപ വരെ കിഴിവുകൾ ലഭിക്കും. ബലേനോ ഹാച്ച്ബാക്കിന് 50,000 രൂപ വരെ കിഴിവുണ്ട് (ബേസ് സിഗ്മ വേരിയന്റ് ഒഴികെ). എഎംടി വേരിയന്റുകൾക്ക് 25,000 രൂപ ക്യാഷ് ഡിസ്‌കൗണ്ടും സ്‌ക്രാപ്പേജ് ആനുകൂല്യവും വാഗ്ദാനം ചെയ്യുന്നു, അതേസമയം പെട്രോൾ-എംടി, സിഎൻജി വേരിയന്റുകൾക്ക് 45,000 രൂപ വരെ കിഴിവുണ്ട്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.