മാരുതി സുസുക്കി 2023-ൽ രണ്ട് പുതിയ എസ്യുവികളും ഒരു പുതിയ എംപിവിയും അവതരിപ്പിക്കും. ജനുവരി രണ്ടാം പാദത്തിൽ നടക്കുന്ന ദില്ലി 2023 ഓട്ടോ എക്സ്പോയിൽ കമ്പനി രണ്ട് പുതിയ എസ്യുവികൾ അവതരിപ്പിക്കും.
രാജ്യത്തെ വിപണി വിഹിതം വര്ദ്ധിപ്പിക്കാനുള്ള ശ്രമത്തിലാണ് മാരുതി സുസുക്കി. അടുത്ത രണ്ട് വർഷത്തിനുള്ളിൽ ഇന്ത്യൻ വിപണിയിൽ ഒന്നിലധികം പുതിയ എസ്യുവികളും ക്രോസ്ഓവറുകളും അവതരിപ്പിക്കാൻ കമ്പനി പദ്ധതിയിടുന്നു. മാരുതി സുസുക്കി 2023-ൽ രണ്ട് പുതിയ എസ്യുവികളും ഒരു പുതിയ എംപിവിയും അവതരിപ്പിക്കും. ജനുവരി രണ്ടാം പാദത്തിൽ നടക്കുന്ന ദില്ലി 2023 ഓട്ടോ എക്സ്പോയിൽ കമ്പനി രണ്ട് പുതിയ എസ്യുവികൾ അവതരിപ്പിക്കും.
2023 ഓട്ടോ എക്സ്പോയിൽ പുതിയ ബലേനോ ക്രോസും 5 ഡോർ ജിംനി ലൈഫ്സ്റ്റൈൽ എസ്യുവിയും മാരുതി സുസുക്കി അവതരിപ്പിക്കും . YTB എന്ന കോഡുനാമത്തില് വികസിപ്പിക്കുന്ന പുതിയ മാരുതി ബലേനോ ക്രോസ് NEXA പ്രീമിയം ഡീലർഷിപ്പ് ശൃംഖല വഴി മാത്രമായി വിൽക്കും. ഇത് പുതിയ ബ്രെസയ്ക്കൊപ്പം വിൽക്കും. കൂടാതെ റെനോ കിഗർ, നിസ്സാൻ മാഗ്നൈറ്റ്, ടാറ്റ പഞ്ച് എന്നിവയ്ക്ക് എതിരാളിയാകും. പുതിയ മോഡലിന്റെ ലോഞ്ച് ടൈംലൈൻ കമ്പനി വെളിപ്പെടുത്തിയിട്ടില്ല, എന്നാൽ പുതിയ ബലെനോ ക്രോസ് 2023 ജനുവരിയിലോ ഫെബ്രുവരിയിലോ വിൽപ്പനയ്ക്കെത്തുമെന്ന് റിപ്പോർട്ടുകൾ സൂചിപ്പിക്കുന്നു.
2020 ഓട്ടോ എക്സ്പോയിൽ പ്രദർശിപ്പിച്ച ഫ്യൂച്ചൂറോ-ഇ കൺസെപ്റ്റിന്റെ പ്രൊഡക്ഷൻ പതിപ്പായിരിക്കും പുതിയ മാരുതി ബലേനോ ക്രോസ്. പുതിയ ഗ്രാൻഡ് വിറ്റാരയിൽ നമ്മൾ കണ്ട സുസുക്കിയുടെ ഡിസൈൻ ഫിലോസഫി പുതിയ മോഡലിലുണ്ടാകും. മിക്ക ഇന്റീരിയർ ഡിസൈനും ഫീച്ചറുകളും ബലേനോ ഹാച്ച്ബാക്കുമായി ഇത് പങ്കിടും. 9 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഓട്ടോമാറ്റിക് എസി, എച്ച്യുഡി, ഡിജിറ്റൽ കൺസോൾ എന്നിവയും ഇതിലുണ്ടാകും.
വരാനിരിക്കുന്ന ബലേനോ ക്രോസിൽ രണ്ട് പെട്രോൾ എഞ്ചിനുകൾ ലഭിക്കും - 1.0 ലിറ്റർ 3-സിലിണ്ടർ ടർബോചാർജ്ഡ് പെട്രോളും 1.2 ലിറ്റർ ഡ്യുവൽ ജെറ്റ് പെട്രോളും. ആദ്യത്തേത് ഏകദേശം 102bhp-യും 150Nm-ഉം ഉത്പാദിപ്പിക്കാൻ സാധ്യതയുണ്ടെങ്കിൽ, NA പെട്രോൾ യൂണിറ്റ് 89bhp-ഉം 113Nm ടോർക്കും ഉത്പാദിപ്പിക്കുന്നു. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾ ഓഫറിൽ ലഭിക്കും.
ജിംനിയെക്കുറിച്ച് പറയുമ്പോൾ, ആഗോള വിപണിയിൽ വിൽപ്പനയ്ക്കെത്തുന്ന 3-ഡോർ ജിംനിക്ക് പ്രായോഗിക ബദലായിരിക്കും പുതിയ ലൈഫ്സ്റ്റൈൽ എസ്യുവി. പുതിയ മോഡലിന് 300 എംഎം നീളമുള്ള വീൽബേസും എസ്യുവിയുടെ നീളം 3-ഡോർ ജിംനി സിയറയുമായി താരതമ്യപ്പെടുത്തുമ്പോൾ 300 എംഎം വർദ്ധിക്കും. മൈൽഡ് ഹൈബ്രിഡ് സജ്ജീകരണത്തോടുകൂടിയ പുതിയ 1.5 ലിറ്റർ K15C നാച്ചുറലി ആസ്പിറേറ്റഡ് പെട്രോളാണ് ഇതിന് കരുത്തേകുന്നത്. ഈ എഞ്ചിന് 101 bhp കരുത്തും 137 Nm torque ഉം ഉത്പാദിപ്പിക്കാൻ കഴിയും. ട്രാൻസ്മിഷൻ തിരഞ്ഞെടുപ്പുകളിൽ 5-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടും. സുസുക്കിയുടെ ഓൾഗ്രിപ്പ് ടെക്കിന്റെ ഏറ്റവും കഴിവുള്ള പതിപ്പായ സുസുക്കിയുടെ ഓൾഗ്രിപ്പ് പ്രോ എഡബ്ല്യുഡി സജ്ജീകരണത്തോടെയാണ് പുതിയ ജിംനി 5 ഡോർ വരുന്നത്.