കഴിഞ്ഞമാസം വിറ്റത് വെറും 768 എണ്ണം മാത്രം! ഈ കാറിന് വമ്പൻ വിലക്കിഴിവുമായി മാരുതി

മാരുതി സിയാസിന്റെ വിൽപ്പന വർദ്ധിപ്പിക്കുന്നതിനായി കമ്പനി ഫെബ്രുവരി മാസത്തിൽ 60,000 രൂപ വരെ കിഴിവുകൾ പ്രഖ്യാപിച്ചു. 2024 മോഡലിന് 60,000 രൂപയും 2025 മോഡലിന് 40,000 രൂപയുമാണ് കിഴിവ്. കൂടാതെ, പുതിയ സുരക്ഷാ സവിശേഷതകളും മൂന്ന് പുതിയ ഡ്യുവൽ ടോൺ നിറങ്ങളും കമ്പനി അവതരിപ്പിച്ചു.

മാരുതിയുടെ ഏറ്റവും കുറഞ്ഞ വിൽപ്പനയുള്ള കാറുകളുടെ പട്ടികയിലുള്ള മോഡലാണ് സിയാസ്. കഴിഞ്ഞ മാസം 768 യൂണിറ്റ് സിയാസ് മാത്രമാണ് കമ്പനി വിറ്റഴിച്ചത്. അത്തരമൊരു സാഹചര്യത്തിൽ, വിൽപ്പന വർദ്ധിപ്പിക്കുന്നതിനായി കമ്പനി തുടർച്ചയായി കിഴിവുകൾ നൽകുന്നു. ഈ മാസവും ഈ ആഡംബര സെഡാന് 60,000 രൂപ വരെ ആനുകൂല്യങ്ങൾ കമ്പനി വാഗ്‍ദാനം ചെയ്യുന്നു. ഈ കാറിന്റെ 2024 മോഡൽ വർഷത്തിനും 2025 മോഡൽ വർഷത്തിനും കമ്പനി കിഴിവുകൾ വാഗ്‍ദാനം ചെയ്യുന്നു. കമ്പനി അവരുടെ 2024 മോഡലിന് ഏറ്റവും ഉയർന്ന കിഴിവ് നൽകുന്നു. അതിന്റെ കിഴിവ് എന്താണെന്ന് നോക്കാം.

മാരുതി സിയാസ് ഡിസ്‌കൗണ്ട് ഫെബ്രുവരി 2025
മോഡൽ വർഷം കിഴിവ്
2024 മോഡൽ- 60,000 രൂപ വരെ
2025 മോഡൽ - 40,000 രൂപ വരെ

ഫെബ്രുവരിയിൽ മാരുതി സുസുക്കി തങ്ങളുടെ ആഡംബര സെഡാൻ സിയാസിൽ പുതിയ സുരക്ഷാ അപ്‌ഡേറ്റുകൾ നൽകിയിരുന്നു. കമ്പനി ഇതിൽ മൂന്ന് പുതിയ ഡ്യുവൽ ടോൺ നിറങ്ങൾ ചേർത്തിട്ടുണ്ട്. കറുത്ത മേൽക്കൂരയുള്ള പേൾ മെറ്റാലിക് ഒപ്പുലന്റ് റെഡ്, കറുത്ത മേൽക്കൂരയുള്ള പേൾ മെറ്റാലിക് ഗ്രാൻഡിയർ ഗ്രേ, കറുത്ത മേൽക്കൂരയുള്ള ഡിഗ്നിറ്റി ബ്രൗൺ എന്നിവയാണ് ഡ്യുവൽ ടോൺ കളർ ഓപ്ഷനുകൾ. മാനുവൽ, ഓട്ടോമാറ്റിക് ട്രാൻസ്മിഷനുകളിൽ പുതിയ വേരിയന്റ് പുറത്തിറക്കി. ഇതിന്റെ പ്രാരംഭ എക്സ്-ഷോറൂം വില 11.14 ലക്ഷം രൂപയാണ്. അതേസമയം, ഉയർന്ന വേരിയന്റിന് 12.34 ലക്ഷം രൂപ ചെലവഴിക്കേണ്ടിവരും.

സിയാസിന്റെ പുതിയ വകഭേദത്തിന്റെ എഞ്ചിനിൽ കമ്പനി മാറ്റങ്ങളൊന്നും വരുത്തിയിട്ടില്ല. 103 bhp പവറും 138 Nm ടോർക്കും ഉത്പാദിപ്പിക്കുന്ന പഴയ 1.5 ലിറ്റർ പെട്രോൾ എഞ്ചിനായിരിക്കും ഇതിലും. എഞ്ചിൻ അഞ്ച് സ്പീഡ് മാനുവൽ ട്രാൻസ്മിഷനും നാല് സ്‍പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സുമായി ഘടിപ്പിച്ചിരിക്കുന്നു. മാനുവൽ പതിപ്പ് ലിറ്ററിന് 20.65 കിലോമീറ്റർ വരെയും ഓട്ടോമാറ്റിക് പതിപ്പ് ലിറ്ററിന് 20.04 കിലോമീറ്റർ വരെയും മൈലേജ് നൽകുമെന്ന് കമ്പനി അവകാശപ്പെടുന്നു.

സിയാസിൽ 20-ലധികം സുരക്ഷാ സവിശേഷതകൾ മാരുതി ഉൾപ്പെടുത്തിയിട്ടുണ്ട്. ഇതിൽ ഇപ്പോൾ ഹിൽ-ഹോൾഡ് അസിസ്റ്റ്, ഇലക്ട്രോണിക് സ്റ്റെബിലിറ്റി പ്രോഗ്രാം (ഇഎസ്‍പി) എന്നിവ സ്റ്റാൻഡേർഡായി ഉൾപ്പെടുന്നു. അതായത് എല്ലാ വേരിയന്റുകളിലും ഇത് ലഭ്യമാകും. ഡ്യുവൽ എയർബാഗുകൾ, റിയർ പാർക്കിംഗ് സെൻസർ, ഐസോഫിക്സ് ചൈൽഡ് സീറ്റ് ആങ്കറുകൾ, ഇലക്ട്രോണിക്ക് ബ്രേക്ക്‌ഫോഴ്‌സ് ഡിസ്ട്രിബ്യൂഷൻ (ഇബിഡി) ഉള്ള ആന്‍റി ലോക്ക് ബ്രേക്കിംഗ് സിസ്റ്റം (എബിഎസ്) തുടങ്ങിയ സവിശേഷതകളും കാറിൽ ലഭ്യമാകും. ഈ സെഡാനിൽ യാത്രക്കാർക്ക് മുമ്പത്തേക്കാൾ സുരക്ഷിതത്വം ഉണ്ടാകുമെന്ന് കമ്പനി അവകാശപ്പെടുന്നു.

മാരുതി സിയാസിന്റെ പുതിയ വകഭേദത്തിന്റെ എഞ്ചിനിൽ കമ്പനി മാറ്റങ്ങളൊന്നും വരുത്തിയിട്ടില്ല. 103 bhp പവറും 138 Nm ടോർക്കും ഉത്പാദിപ്പിക്കുന്ന പഴയ 1.5 ലിറ്റർ പെട്രോൾ എഞ്ചിനായിരിക്കും ഇതിലും. എഞ്ചിൻ 5-സ്പീഡ് മാനുവൽ ട്രാൻസ്മിഷനും 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സുമായി ഘടിപ്പിച്ചിരിക്കുന്നു. മാനുവൽ പതിപ്പ് ലിറ്ററിന് 20.65 കിലോമീറ്റർ മൈലേജും ഓട്ടോമാറ്റിക് പതിപ്പ് ലിറ്ററിന് 20.04 കിലോമീറ്റർ മൈലേജും നൽകുമെന്ന് കമ്പനി അവകാശപ്പെടുന്നു. 

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.