Kerala CM Innova : മുഖ്യമന്ത്രിക്കായി കറുത്ത ഇന്നോവകള് എത്തി
Synopsis
മുൻ പൊലീസ് മേധാവി ലോക്നാഥ് ബെഹ്റയുടെ ശുപാർശയിലാണ് ഈ നിറം മാറ്റം. ഇതിനായി നാല് പുതിയ ഇന്നോവകൾ പൊലീസ് വാങ്ങി
തിരുവനന്തപുരം: മുഖ്യമന്ത്രിക്കും വാഹന വ്യൂഹത്തിനും ഇനി മുതൽ കറുത്ത ഇന്നോവകള് (Toyota Innova). മുൻ പൊലീസ് മേധാവി ലോക്നാഥ് ബെഹ്റയുടെ ശുപാർശയിലാണ് ഈ നിറം മാറ്റം. ഇതിനായി നാല് പുതിയ ഇന്നോവകൾ പൊലീസ് വാങ്ങി എന്നാണ് റിപ്പോര്ട്ടുകള്.
കാറുകൾ വാങ്ങാൻ പൊലീസിന് സ്പെഷ്യൽ ഫണ്ട് അനുവദിച്ചിരുന്നു. മുഖ്യമന്ത്രിക്ക് പൈലറ്റും എസ്കോര്ട്ടുമായി പോകാനാണ് നാല് പുതിയ കാറുകള് വാങ്ങിയത്. കറുപ്പ് നിറത്തിലുള്ള മൂന്ന് ഇന്നോവ ക്രിസ്റ്റ കാറുകളും ഒരു ടാറ്റ ഹാരിയറുമാണ് വാങ്ങുന്നത് എന്നായിരുന്നു നേരത്തെയുള്ള റിപ്പോര്ട്ടുകള്. ഇതിനായി സെപ്റ്റംബറില് 62.46 ലക്ഷം രൂപ അനുവദിച്ചുകൊണ്ട് ഉത്തരവും ഇറങ്ങിയിരുന്നു.
അംബാസിഡര് നാടുവിട്ടകാലം, ഇന്നോവകള് നാട് വാഴും കാലം!
പുതിയ കാറുകള് വരുമ്പോള് നിലവില് ഉപയോഗിക്കുന്നവയില് രണ്ട് കാറുകള് മാറ്റും. കാലപ്പഴക്കം മൂലം കാര്യക്ഷമത കുറഞ്ഞതിനാല് കാറുകള് മാറ്റണം എന്നായിരുന്നു സര്ക്കാരിനോട് പൊലീസ് മേധാവിയുടെ ശുപാര്ശ. ഈ ശുപാര്ശയുടെ അടിസ്ഥാനത്തിലായിരുന്നു തീരുമാനം.
കെഎല് 01 സിഡി 4764, കെഎല് 01 സിഡി 4857 എന്നീ റജിസ്ട്രേഷന് നമ്പറുകളുള്ള കാറുകളാണ് പൈലറ്റ്, എസ്കോര്ട്ട് ഡ്യൂട്ടികളില് നിന്ന് ഒഴിവാക്കുന്നത്. നാല് വര്ഷം പഴക്കമുള്ള വാഹനങ്ങളാണിവ. പ്രത്യേക കേസായി പരിഗണിച്ചാണ് കാറുകള് വാങ്ങാനുള്ള തീരുമാനം പൊതുഭരണ വകുപ്പ് എടുത്തത് എന്നാണ് റിപ്പോര്ട്ടുകള്.
ഇനി ഇന്നോവ വീട്ടില് എത്തണോ? എങ്കില് ചെലവ് കൂടും
ഇന്നോവ ക്രിസ്റ്റ രാജ്യത്തെ ജനപ്രിയ എംപിവിയാണ്. പെട്രോൾ, ഡീസൽ എഞ്ചിൻ ഓപ്ഷനുകളിൽ ഈ വാഹനം ലഭ്യമാണ്. എംപിവിയുടെ പെട്രോൾ പതിപ്പിന് 2.7 ലിറ്റർ എഞ്ചിനാണ് കരുത്ത് പകരുന്നത്, അതേസമയം ഡീസൽ പതിപ്പിൽ 2.4 ലിറ്റർ എഞ്ചിനാണ് ബിഎസ് 6 എഞ്ചിനാണ് ഉപയോഗിക്കുന്നത്. പെട്രോൾ, ഡീസൽ എഞ്ചിൻ ഓപ്ഷനുകൾ മാനുവൽ, ഓട്ടോമാറ്റിക് ട്രാൻസ്മിഷൻ ഓപ്ഷനുകളിൽ ലഭ്യമാണ്.
ജാപ്പനീസ് വാഹന നിര്മ്മാതാക്കളായ ടൊയോട്ട തങ്ങളുടെ ജനപ്രിയ മോഡലായ ക്വാളിസിനു പകരക്കാരനായി 2005 ലാണ് ഇന്നോവയെ വിപണിയില് അവതരിപ്പിക്കുന്നത്. 2004ല് ഇന്തോനേഷ്യന് വിപണിയിലായിരുന്നു ഇന്നോവയുടെ ആദ്യവരവ്. തുടര്ന്ന് 12 വേരിയന്റുകളിലാണ് ആദ്യതലമുറ ഇന്നോവ ഇന്ത്യന്വിപണിയിലെത്തിയത്. പുറത്തിറങ്ങിയ കാലം മുതൽ എംപിവി വിപണിയിലെ ഒന്നാം സ്ഥാനക്കാരനായിരുന്നു ഇന്നോവ.
വീട്ടുമുറ്റങ്ങളില് ഇന്നോവകള് നിറയുന്നു, വമ്പന് നേട്ടവുമായി ടൊയോട്ട
2016ലെ ദില്ലി ഓട്ടോ എക്സ്പോയിലാണ് രണ്ടാം തലമുറ ഇന്നോവയായ ക്രിസ്റ്റയെ ടൊയോട്ട അവതരിപ്പിക്കുന്നത്. 2020ന്റെ അവസാന മാസങ്ങളിലാണ് ഇന്നോവ ക്രിസ്റ്റയുടെ ഫെയ്സ്ലിഫ്റ്റ് വിപണിയില് എത്തിയത്. ഇതിനു ശേഷം അടുത്തിടെ വാഹനത്തിന് ആദ്യത്തെ വില വർധനവും ലഭിച്ചു. മോഡലിന്റെ എൻട്രി ലെവൽ പെട്രോൾ വേരിയന്റിന് 16.52 ലക്ഷം രൂപ മുതലും അടിസ്ഥാന ഡീസൽ വേരിയന്റിന് 16.90 ലക്ഷം രൂപ മുതലുമാണ് പുതിയ വില ആരംഭിക്കുന്നത്.
''തലനരയ്ക്കുവതല്ലെന്റെ വാർദ്ധക്യം.." പഴകിയിട്ടും യൂത്തനായി മുറ്റത്തൊരു ഇന്നോവ!
സമാനതകളില്ലാത്ത സവിശേഷതകളും പുതിയ കണക്റ്റഡ് ഇന്ഫോടെയ്ന്മെന്റ് സിസ്റ്റവും ഉള്ക്കൊള്ളുന്നതാണ് പുതിയ ഇന്നോവ ക്രിസ്റ്റയെന്നാണ് കമ്പനി പറയുന്നത്. ഹെഡ്ലാമ്പുകളിലേക്ക് ലോലമായി സന്നിവേശിപ്പിക്കുന്ന ക്രോം അലങ്കാരത്തോടുകൂടിയ പുതിയ ട്രപസോയിഡല് പിയാനോ ബ്ലാക്ക് ഗ്രില്, കൂര്ത്ത ഫ്രണ്ട് ബമ്പര് ഡിസൈന്, സമകാലിക കാഴ്ച്ചയ്ക്കായി ഡയമണ്ട് കട്ട് അലോയ് വീലുകള് തുടങ്ങിയ സവിശേഷതകള് പുതിയ ഇന്നോവ ക്രിസ്റ്റയ്ക്ക് കുളിര്മയും ദൃഢവുമായ മുന്കാഴ്ച നല്കുന്നു.
ലാലേട്ടന്റെ വീട്ടിലേക്ക് വീണ്ടും ടൊയോട്ട; ഇത്തവണ മുറ്റത്തെത്തിയത് ചുവപ്പന് ഇന്നോവ!