വരുന്നൂ പുതിയ മാരുതി എംപിവി, 2023ലെ ഉത്സവ സീസണിൽ എത്തും

രണ്ട് മോഡലുകളും യഥാക്രമം ഏപ്രിലിലും ഓഗസ്റ്റിലും വിൽപ്പനയ്‌ക്ക് എത്തുമെന്നാണ് റിപ്പോർട്ടുകള്‍. പുതിയ മാരുതി എംപിവി 2023 ഉത്സവ സീസണിൽ പുറത്തിറങ്ങുമെന്നും റിപ്പോർട്ടുകള്‍ ഉണ്ട്. 

ബലേനോ ക്രോസ് എസ്‌യുവി കൂപ്പെ, 5-ഡോർ ജിംനി, മൂന്ന് വരി എംപിവി എന്നിവ ഉൾപ്പെടെ മൂന്ന് പുതിയ ഉൽപ്പന്ന ലോഞ്ചുകൾ അടുത്ത വർഷത്തേക്ക് മാരുതി സുസുക്കി ആസൂത്രണം ചെയ്‍തിട്ടുണ്ട്. ജനുവരിയിൽ നടക്കുന്ന 2023 ഓട്ടോ എക്‌സ്‌പോയിൽ ഈ മൂന്ന് മോഡലുകളും ആദ്യമായി പൊതുവേദിയിൽ പ്രത്യക്ഷപ്പെടും. YTB എന്ന കോഡ് നാമത്തില്‍ വികസിപ്പിക്കുന്ന പുതിയ മാരുതി ബലേനോ ക്രോസ്, ബജറ്റ് എസ്‌യുവി വാങ്ങുന്നവരെ ലക്ഷ്യം വയ്ക്കുന്നു. അതേസമയം മാരുതി ജിംനി 5-ഡോർ ഒരു ലൈഫ്‌സ്‌റ്റൈൽ ഓഫ്-റോഡ് എസ്‌യുവി ആയിരിക്കും. രണ്ട് മോഡലുകളും യഥാക്രമം ഏപ്രിലിലും ഓഗസ്റ്റിലും വിൽപ്പനയ്‌ക്ക് എത്തുമെന്നാണ് റിപ്പോർട്ടുകള്‍. പുതിയ മാരുതി എംപിവി 2023 ഉത്സവ സീസണിൽ പുറത്തിറങ്ങുമെന്നും റിപ്പോർട്ടുകള്‍ ഉണ്ട്. 

മാരുതി സുസുക്കിയുടെ പുതിയ സി സെഗ്‌മെന്റ് എംപിവി ഉടൻ പുറത്തിറക്കാനിരിക്കുന്ന ടൊയോട്ട ഇന്നോവ ഹൈക്രോസിനെ അടിസ്ഥാനമാക്കിയുള്ളതായിരിക്കും എന്നതാണ് ശ്രദ്ധേയം . ഇത് ബ്രാൻഡിന്റെ ആദ്യത്തെ റീ-ബാഡ്‌ഡ് മോഡലും ഉൽപ്പന്ന ശ്രേണിയിലെ ഏറ്റവും ചെലവേറിയ മോഡലുമായിരിക്കും. പുതിയ മാരുതി എംപിവി നെക്‌സ ഡീലർഷിപ്പുകൾ വഴിയാണ് വിൽക്കുന്നത്. ഇതിന്റെ എക്സ് ഷോറൂം വില ഏകദേശം 20 ലക്ഷം രൂപയിൽ തുടങ്ങി 30 ലക്ഷം രൂപ വരെ ഉയരുമെന്ന് പ്രതീക്ഷിക്കുന്നു. ടൊയോട്ടയുടെ ബിദാദി പ്ലാന്റ് മൂന്ന് നിരകളുള്ള എംപിവിയുടെ ഉൽപ്പാദന കേന്ദ്രമായി പ്രവർത്തിക്കും. ഇതേ പ്ലാന്‍റില്‍ തന്നെയാണ് പുതിയ മാരുതി ഗ്രാൻഡ് വിറ്റാര എസ്‌യുവിയും നിർമ്മിക്കുന്നത്.

മാരുതി സുസുക്കിയുടെ സിഗ്നേച്ചർ ബാഡ്‍ജ്, പുതിയ ഗ്രിൽ, ബമ്പർ, ഹെഡ്‌ലാമ്പുകൾ എന്നിവ ഉൾപ്പെടെ അതിന്റെ മുൻവശത്തെ ചില ശ്രദ്ധേയമായ മാറ്റങ്ങൾ പ്രതീക്ഷിക്കുന്നു. അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS) സ്യൂട്ടുമായി വരുന്ന ഇന്ത്യയിലെ ആദ്യത്തെ മാരുതി മോഡലായിരിക്കും ഇത്. 10.1-ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഡ്യുവൽ സോൺ ക്ലൈമറ്റ് കൺട്രോൾ, 9 സ്പീക്കർ JBL സൗണ്ട് സിസ്റ്റം, ഓട്ടോമൻ ഫംഗ്‌ഷനോടുകൂടിയ ഇലക്ട്രിക്കലി അഡ്‍ജസ്റ്റ് ചെയ്യാവുന്ന രണ്ടാം നിര സീറ്റുകൾ, മെമ്മറി ഫംഗ്‌ഷനുള്ള പവർഡ് ഡ്രൈവർ സീറ്റുകൾ, പനോരമിക് സൺറൂഫ് എന്നിങ്ങനെയുള്ള ഗുണങ്ങളാൽ അത് നിറഞ്ഞിരിക്കുമെന്ന് പ്രതീക്ഷിക്കുന്നു. അതായത്, ടൊയോട്ട ഇന്നോവ ഹൈക്രോസിൽ ലഭ്യമായ എല്ലാ സവിശേഷതകളും ഇത് വാഗ്ദാനം ചെയ്യും.

എക്സ്റ്റീരിയറിനും ഇന്റീരിയറിനും പുറമെ പവർട്രെയിൻ സജ്ജീകരണവും പുതിയ മാരുതി എംപിവിയിലേക്ക് കൊണ്ടുപോകും. 172bhp, 2.0L നാച്ചുറലി ആസ്പിറേറ്റഡ് പെട്രോൾ, 186bhp, 2.0L ശക്തമായ ഹൈബ്രിഡ് പവർട്രെയിൻ ഓപ്‌ഷനുകൾ എന്നിവയ്‌ക്കൊപ്പം ഇത് വാഗ്ദാനം ചെയ്യും. ഇതിന്റെ മൈലേജ് ഏകദേശം 21kmpl ആയിരിക്കാനാണ് സാധ്യത.