ചുവപ്പ്, സില്‍വര്‍ നിറങ്ങളിലുള്ള വാഹനങ്ങളുടെ ചിത്രങ്ങളാണ് പുറത്തുവന്നിരിക്കുന്നത്. ഒമ്പത് നിറങ്ങളിൽ നാല് വേരിയന്റുകളിൽ മോഡൽ വാഗ്ദാനം ചെയ്യും എന്നാണ് റിപ്പോര്‍ട്ടുകള്‍.
മാരുതി സുസുക്കി ജൂൺ 30ന് പുതിയ ബ്രെസയെ രാജ്യത്ത് അവതരിപ്പിക്കും. വാഹനത്തിന്‍റെ ഉല്‍പ്പാദനം കമ്പനി ആരംഭിച്ചതായാണ് പുതിയ റിപ്പോര്‍ട്ടുകള്‍. വില പ്രഖ്യാപനത്തിന് മുന്നോടിയായി, നാല് മീറ്റർ താഴെയുള്ള എസ്‌യുവിയുടെ ഒന്നിലധികം യൂണിറ്റുകളുടെ ചിത്രങ്ങല്‍ പുറത്തുവന്നതായി കാര്‍ വാലെ റിപ്പോര്‍ട്ട് ചെയ്യുന്നു. ഇതനുസരിച്ച് മോഡലിന്റെ നിർമ്മാണം മാരുതിയുടെ ഫാക്ടറിയിൽ ആരംഭിച്ചതായി വ്യക്തമാകുന്നു. ചുവപ്പ്, സില്‍വര്‍ നിറങ്ങളിലുള്ള വാഹനങ്ങളുടെ ചിത്രങ്ങളാണ് പുറത്തുവന്നിരിക്കുന്നത്. ഒമ്പത് നിറങ്ങളിൽ നാല് വേരിയന്റുകളിൽ മോഡൽ വാഗ്ദാനം ചെയ്യും എന്നാണ് റിപ്പോര്‍ട്ടുകള്‍.
24 മണിക്കൂറിൽ 4,400 ബുക്കിംഗ്, എത്തുംമുമ്പേ ബ്രെസയ്ക്കായി കൂട്ടയടി, കണ്ണുതള്ളി വാഹനലോകം!
എന്താണ് 2022 മാരുതി സുസുക്കി ബ്രെസ?
പുതിയ ബ്രെസയ്ക്കും അതിന്‍റെ മുൻഗാമിയുടെ അതേ ഗ്ലോബൽ സി പ്ലാറ്റ്‌ഫോം അടിവരയിടുന്നത് തുടരും. അതേസമയം വാഹനത്തിന്‍റെ എല്ലാ ബോഡി പാനലുകളും പൂർണ്ണമായും പുതിയതാണ്. കൂടാതെ ഇത് പുതിയ പുതിയ ഡിസൈനുമായി വരുന്നു. വലിയ 9.0 ഇഞ്ച് ടച്ച്‌സ്‌ക്രീൻ, മെച്ചപ്പെട്ട കണക്റ്റിവിറ്റി, ആറ് എയർബാഗുകൾ, ഹെഡ്-അപ്പ് ഡിസ്‌പ്ലേ, ഇലക്ട്രിക് സൺറൂഫ് എന്നിങ്ങനെ നിരവധി പുതിയ ഫീച്ചറുകൾ കൂട്ടിച്ചേർക്കലുകളോടെ പൂർണ്ണമായും പുനർരൂപകൽപ്പന ചെയ്ത ഡാഷ്‌ബോർഡും ഇതിന് ലഭിക്കുന്നു.
"ഓട്ടോമാറ്റിക്ക് പ്രേമികളേ ഇതിലേ ഇതിലേ.." നിങ്ങള്‍ക്കൊരു ബ്രെസ നിറയെ സമ്മാനവുമായി മാരുതി!
എർട്ടിഗ, XL6 എന്നിവയ്‌ക്കൊപ്പം അവതരിപ്പിച്ച അപ്‌ഡേറ്റ് ചെയ്ത K15C എഞ്ചിനെ സംബന്ധിച്ചിടത്തോളം, ഇത് ബ്രെസയിൽ 103hp-യും 136Nm ടോര്‍ക്കും ഉത്പാദിപ്പിക്കും. കൂടാതെ മൈൽഡ്-ഹൈബ്രിഡ് ഇന്ധന ലാഭിക്കൽ സാങ്കേതികവിദ്യയുമായി വരും. ഭാവിയിൽ ബ്രെസയുടെ ഒരു സിഎൻജി പതിപ്പും മാരുതി സുസുക്കി അവതരിപ്പിക്കും. എന്നിരുന്നാലും ഏത് ട്രിമ്മിലാണ് ഇത് വാഗ്ദാനം ചെയ്യുക എന്നതെന്ന് ഇതുവരെ വ്യക്തമല്ല. ലോഞ്ച് ചെയ്യുമ്പോൾ , തിരക്കേറിയ കോംപാക്റ്റ് എസ്‌യുവി സെഗ്‌മെന്റിൽ ഹ്യുണ്ടായ് വെന്യു , കിയ സോനെറ്റ് , ടാറ്റ നെക്‌സോൺ , മഹീന്ദ്ര എക്‌സ്‌യുവി 300 എന്നിവയ്‌ക്കൊപ്പം ബ്രെസ മത്സരിക്കുന്നത് തുടരും.
2022 Maruti Brezza : പുത്തന്‍ ബ്രെസയില്‍ ഈ സംവിധാനവും!
പുതിയ ബ്രെസ ഏഴ് വേരിയന്റുകളിൽ വാഗ്ദാനം ചെയ്യുന്നത് തുടരും. അതായത് പുതുക്കിയ എസ്‌യുവിക്കൊപ്പം മാരുതി സുസുക്കി വേരിയന്‍റ് ലൈനപ്പ് വികസിപ്പിക്കുന്നില്ല. പുതിയ ബ്രെസയുടെ നാല് വകഭേദങ്ങളും സ്റ്റാൻഡേർഡായി അഞ്ച് സ്പീഡ് മാനുവൽ ഗിയർബോക്‌സുള്ള 1.5-ലിറ്റർ K15C നാച്ചുറലി ആസ്പിറേറ്റഡ് പെട്രോൾ എഞ്ചിനിലാണ് വരുന്നത്. അതേസമയം, XL6 , എർട്ടിഗ എന്നിവയിലും ലഭ്യമായ പുതിയ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സ് എസ്‌യുവിയുടെ മികച്ച മൂന്ന് ട്രിമ്മുകളിൽ വാഗ്ദാനം ചെയ്യും.
പഠിച്ച പണി പതിനെട്ടും പയറ്റി ടാറ്റ, പക്ഷേ പത്തിലെട്ടും മാരുതി!
വാഹനത്തിന്‍റെ ബാഹ്യ നിറങ്ങളെ സംബന്ധിച്ചിടത്തോളം, പുതിയ ബ്രെസ വെള്ള, സില്‍വര്‍, ചാര, ചുവപ്പ്, നീല, കാക്കി (പുതിയത്) എന്നിങ്ങനെ ആറ് മോണോടോൺ ഷേഡുകളിൽ വരും. കറുപ്പ് മേൽക്കൂരയുള്ള ചുവപ്പ്, വെള്ള മേൽക്കൂരയുള്ള കാക്കി, കറുപ്പ് വെള്ളി മേൽക്കൂര എന്നിങ്ങനെ മൂന്ന് ഡ്യുവൽ ടോൺ നിറങ്ങളും വാഹനത്തിനുണ്ട്. ഡ്യുവൽ-ടോൺ കളർ ഓപ്‌ഷനുകൾ ഉയർന്ന സ്‌പെക്ക് ZXi, ZXi+ ട്രിമ്മുകളിലേക്ക് പരിമിതപ്പെടുത്തിയേക്കും.
മാരുതി ഇന്ത്യയുടെ ജനപ്രിയ കാർ നിർമ്മാണ കമ്പനിയായി തുടരുന്നത് ഇങ്ങനെ
2022 ബ്രെസയുടെ ബുക്കിംഗ് ജൂൺ 20-ന് മാരുതി സുസുക്കി ആരംഭിച്ചിരുന്നു. ഈ സബ്-കോംപാക്റ്റ് എസ്‌യുവിക്ക് 24 മണിക്കൂറിനുള്ളിൽ 4,400 ബുക്കിംഗുകൾ ലഭിച്ചതായി റിപ്പോര്‍ട്ടുകള്‍ പുറത്തുവന്നിരുന്നു. അതായത്, ഏകദേശം 184 പുതിയ ബ്രെസകൾ ബുക്കിംഗ് തുടങ്ങി ആദ്യ ദിവസം ഓരോ മണിക്കൂറിലും ബുക്ക് ചെയ്യപ്പെടുന്നു എന്നാണ് കണക്കുകള്‍ വ്യക്തമാക്കുന്നത്.
പുതിയ ടൊയോട്ട-മാരുതി മോഡല്‍, പ്രതീക്ഷിക്കുന്ന 21 പ്രധാന സവിശേഷതകൾ