പുതിയ വിറ്റാര ബ്രെസയെ നിരത്തില്‍ പരീക്ഷിച്ച് മാരുതി

വാഹനം 2022 മധ്യത്തോടെ വിപണിയില്‍ അരങ്ങേറുമെന്ന് പ്രതീക്ഷിക്കുന്നതായും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു.

മാരുതി സുസുക്കി നവീകരിച്ച വിറ്റാര ബ്രെസ എസ്‌യുവിയുടെ (Brezza) റോഡ്-ടെസ്റ്റിംഗ് (Road Testing) ആരംഭിച്ചതായി റിപ്പോര്‍ട്ട്. വാഹനം 2022 മധ്യത്തോടെ വിപണിയില്‍ അരങ്ങേറുമെന്ന് പ്രതീക്ഷിക്കുന്നതായും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു.

പുതുക്കിയ വിറ്റാര ബ്രെസ അടുത്ത വർഷം അപ്‌ഡേറ്റ് ചെയ്യുന്ന മാരുതി സുസുക്കിയുടെ നിരവധി മോഡലുകളിൽ ഒന്നായിരിക്കും. വിറ്റാര ബ്രെസയെ കൂടാതെ, ഒരു നവീകരിച്ച ബലേനോയെയും ഒരു പുതിയ ഓൾട്ടോ ഹാച്ച്ബാക്കിനെയും മാരുതി സുസുക്കി  പുറത്തിറക്കുമെന്നും റിപ്പോര്‍ട്ടുകള്‍ ഉണ്ട്. 

2016 ന്റെ തുടക്കം മുതൽ വിൽപ്പനയ്‌ക്കെത്തുന്നതാണ് നിലവിലെ വിറ്റാര ബ്രെസ. 2020-ൽ പെട്രോൾ എഞ്ചിനുമായി മാറുന്നതിനൊപ്പം മാരുതി ഇതിന് ഒരു ചെറിയ സൗന്ദര്യവർദ്ധക അപ്‌ഡേറ്റ് നൽകിയിരുന്നു. എന്നാല്‍ പുതിയ മോഡലുകളുമായി താരതമ്യപ്പെടുത്തുമ്പോൾ എസ്‌യുവി ഇപ്പോൾ കാലഹരണപ്പെട്ടതായി തോന്നുന്നു. 

പുറത്തുവന്ന സ്‌പൈ ഷോട്ടുകളിൽ കാണുന്ന അപ്‌ഡേറ്റ് ചെയ്‌ത വിറ്റാര ബ്രെസ ബോക്‌സി ഡിസൈനിംഗ് ഫോര്‍മുലയോട് ചേര്‍ന്നു നനില്‍ക്കും. എന്നാൽ പുതിയതും വരാനിരിക്കുന്നതുമായ മാരുതി സുസുക്കി മോഡലുകൾക്ക് അനുസൃതമായി പുതിയ സ്റ്റൈലിംഗ് സൂചകങ്ങളോടെയാകും മോഡല്‍ എത്തുക.  നിലവിലെ മോഡലിന്റെ അതേ സുസുക്കി ഗ്ലോബൽ സി പ്ലാറ്റ്‌ഫോമിൽ വിറ്റാര ബ്രെസ തുടരുമെന്ന് ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു. 2018 ൽ ഗ്ലോബല്‍ NCAP ഇടിപരീക്ഷയില്‍ എസ്‌യുവിക്ക് ഫോർ സ്റ്റാർ ക്രാഷ് ടെസ്റ്റ് റേറ്റിംഗ് ലഭിച്ചിരുന്നു. 

പരീക്ഷണയോട്ടത്തിനിടെ പുറത്തുവന്ന ചിത്രങ്ങള്‍ ബാഹ്യഭാഗത്തിന്റെ അധികഭാഗം വെളിപ്പെടുത്തുന്നില്ല. എന്നിരുന്നാലും, വാതിലുകളും മേൽക്കൂരയും നിലവിലെ എസ്‌യുവിക്ക് സമാനമാണ് എന്നാണ് റിപ്പോര്‍ട്ടുകള്‍. വാതിലുകൾക്ക് പുറമെ, ഫ്രണ്ട്, റിയർ ബമ്പറുകൾ, ഗ്രില്ലുകൾ എന്നിവ ഉൾപ്പെടെ മറ്റെല്ലാ ബോഡി പാനലുകളും പുനർരൂപകൽപ്പന ചെയ്യപ്പെടുമെന്നാണ് പ്രതീക്ഷിക്കുന്നത്. നിലവിലെ മോഡലിനേക്കാൾ വളരെ താഴ്ന്ന ലൈസൻസ് പ്ലേറ്റിന്റെ പ്ലേസ്‌മെന്റും വാഹനത്തിലുണ്ടാകും. 

ഇന്റീരിയറിലെ വിശദാംശങ്ങൾ വിരളമാണെങ്കിലും, അപ്‌ഡേറ്റ് ചെയ്‌ത വിറ്റാര ബ്രെസ, അതിന്റെ മുൻഗാമിയെപ്പോലെ, പുതിയ മാരുതി സുസുക്കി മോഡലുകളുമായി ധാരാളം ഭാഗങ്ങൾ പങ്കിടും. വിപണി ലോഞ്ചിനായി തയ്യാറെടുക്കുന്ന 2022 ബലേനോയുടെ വിവിധ ഘടകങ്ങള്‍ ബ്രെസയും പങ്കിടും. ഫ്രണ്ട് സീറ്റുകൾ, സ്വിച്ച് ഗിയർ, സ്റ്റിയറിംഗ് വീൽ എന്നിവയും അടുത്തിടെ ബലേനോ ടെസ്റ്റ്- സ്‍പെക്കില്‍ കണ്ടെത്തിയ അപ്‌ഡേറ്റ് ചെയ്ത ഇൻഫോടെയ്ൻമെന്റ് സിസ്റ്റവും ഉൾപ്പെടാം. 2020 ലെ വിറ്റാര ബ്രെസയിൽ അരങ്ങേറ്റം കുറിച്ച 1.5 ലിറ്റർ പെട്രോൾ എഞ്ചിൻ ആയിരിക്കും ഹൃദയം. അഞ്ച് സ്‍പീഡ് മാനുവൽ അല്ലെങ്കിൽ നാല്-സ്‍പീഡായിരിക്കും ട്രാന്‍സ്‍മിഷന്‍.  ടോർക്ക് കൺവെർട്ടർ ഓട്ടോമാറ്റിക് ഗിയർബോക്സും പ്രതീക്ഷിക്കാം. ഹ്യുണ്ടായ് വെന്യു, കിയ സോനെറ്റ്, ടാറ്റ നെക്‌സൺ, റെനോ കിഗർ, നിസാൻ മാഗ്‌നൈറ്റ് തുടങ്ങിയവരായിരിക്കും പുതിയ വിറ്റാര ബ്രെസയുടെ മുഖ്യ എതിരാളികള്‍. 

Photo Courtesy: Autocar India