ഇന്ത്യയിലേക്ക് ഉടനെ എത്തുമോ ചൈനയില്‍ കുടിയേറിയ ഈ ഇറ്റാലിയൻ സുന്ദരി..?!

ഇത് ബൈക്കിന്‍റെ എഞ്ചിൻ, ബോഡി വർക്ക്, ഹാർഡ്‌വെയർ തുടങ്ങിയവയെക്കുറിച്ചുള്ള വിശദാംശങ്ങൾ വെളിപ്പെടുത്തുന്നു.

ഇറ്റാലിയൻ ഇരുചക്ര വാഹന ബ്രാൻഡായ മോട്ടോ മോറിനി ഒരു പുതിയ അഡ്വഞ്ചര്‍ മോട്ടോർസൈക്കിളിന്‍റെ പണിപ്പുരയിലാണ്. അതിന്‍റെ ഡിസൈൻ രജിസ്ട്രേഷൻ ചിത്രങ്ങൾ ഓൺലൈനിൽ ചോർന്നു. ഇത് ബൈക്കിന്‍റെ എഞ്ചിൻ, ബോഡി വർക്ക്, ഹാർഡ്‌വെയർ തുടങ്ങിയവയെക്കുറിച്ചുള്ള വിശദാംശങ്ങൾ വെളിപ്പെടുത്തുന്നു.

ഡിസൈൻ രംഗത്ത്, വരാനിരിക്കുന്ന മോട്ടോ മോറിനി എഡിവിയുടെ ഫാസിയ നിലവിലെ എക്സ്-കേപ്പിൽ നിന്ന് പ്രചോദനം ഉൾക്കൊണ്ടതായി തോന്നുന്നു. ഇതിന് ഫ്ലാറ്റ് സ്പ്ലിറ്റ് എൽഇഡി ഹെഡ്‌ലൈറ്റ് സജ്ജീകരണം ലഭിക്കുന്നു. അതിന് മുകളിൽ സാമാന്യം വലിയ വിൻഡ്‌സ്‌ക്രീൻ ഉണ്ട്. ഇന്ധന ടാങ്ക് വിശാലമാണ്. കൂടാതെ ADV-യുടെ ടൂറിംഗ് ആവശ്യങ്ങൾക്ക് പര്യാപ്‍തമായ വലിയ ശേഷിയും ഉണ്ട്. സ്പ്ലിറ്റ് സെറ്റപ്പും റൈഡറിനും പിലിയനും വിശാലമായി കാണപ്പെടുന്നു. 

വി-ട്വിൻ മോട്ടോറായിരിക്കും ബൈക്കിന് കരുത്തേകുകയെന്ന് ഡിസൈൻ രജിസ്ട്രേഷൻ ചിത്രങ്ങൾ വെളിപ്പെടുത്തുന്നു. മോട്ടോ മോറിനിയുടെ പഴയ മോഡൽ ഉപയോഗിച്ചിരുന്ന 1200 സിസി മോട്ടോറിന് സമാനമാണ് ലേഔട്ട്. കാസ്റ്റിംഗ് പുതിയതായി കാണപ്പെടുന്നു, എന്നാൽ മൊത്തത്തിലുള്ള സജ്ജീകരണം സമാനമാണ്. ഇത് ഒരു ട്രെല്ലിസ് ഫ്രെയിമിൽ ഘടിപ്പിച്ചിരിക്കുന്നു, ബൈക്കിന് കാസ്റ്റ് അലുമിനിയം സ്വിംഗാർ ലഭിക്കുന്നു. 

ഇത് യുഎസ്‍ഡി ഫ്രണ്ട് ഫോർക്കുകളിലും മോണോഷോക്ക് സജ്ജീകരണത്തിലും ഓടുന്നു. ബ്രേക്കിംഗ് ഹാർഡ്‌വെയറിൽ ഇരട്ട ഫ്രണ്ട് ഡിസ്‌കുകളും ഒരൊറ്റ പിൻ ഡിസ്‌ക്കും ഉൾപ്പെടുന്നു. 19 ഇഞ്ച് ഫ്രണ്ട്, 17 ഇഞ്ച് റിയർ സ്‌പോക്ക് വീലുകൾ ഇതിൽ സജ്ജീകരിക്കും. എന്നാൽ ഇതൊരു ഹാർഡ്‌കോർ ഓഫ്-റോഡിംഗ് മോട്ടോർസൈക്കിൾ ആകാൻ സാധ്യതയില്ല. കൂടുതൽ സുരക്ഷയ്ക്കായി ഒരു ബാഷ് പ്ലേറ്റുള്ള ബൈക്കും ഡിസൈൻ രജിസ്ട്രേഷനിൽ കാണിക്കുന്നു. 

ബൈക്ക് നിർമ്മാതാവ് പുതിയ മോഡലിന്റെ ഔദ്യോഗിക പ്രഖ്യാപനം നടത്തുന്നതിന് കുറച്ച് സമയമെടുക്കും എന്നാണ് റിപ്പോര്‍ട്ടുകള്‍. ഐക്കണിക്ക് ഇറ്റാലിയൻ ഇരുചക്ര വാഹന ബ്രാൻഡായ മോട്ടോ മോറിനിയെ 2018ല്‍ ചൈനയിലെ സോങ്‌നെംഗ് വെഹിക്കിൾ ഗ്രൂപ്പ്  ഏറ്റെടുത്തിരുന്നു. പുതിയ ബൈക്ക് ഇറ്റലിയിൽ നിർമ്മിക്കുമോ,  അതോ ചൈനയിലെ ഉൽപ്പാദന ചുമതല സോങ്‌നെംഗ് ഏറ്റെടുക്കുമോ എന്നതും വ്യക്തമല്ല. അതേസമയം മോട്ടോ മോറിനി ഇന്ത്യൻ വിപണിയിൽ പ്രവേശിച്ച് അതിന്റെ മിഡിൽ വെയ്റ്റ് ബൈക്കുകൾ ഉടൻ പുറത്തിറക്കാൻ ഒരുങ്ങുകയാണ് എന്ന് ബൈക്ക് വാലെ റിപ്പോര്‍ട്ട് ചെയ്യുന്നു.